- ಮೇಳಕ್ಕೆ ಚಾಲನೆ ನೀಡಿದ ಸಚಿವ ರಾಮಲಿಂಗಾರೆಡ್ಡಿ
- ಮೇಳದಲ್ಲಿ ಹಣ್ಣುಗಳ ಮೇಲೆ 10% ರಿಯಾಯಿತಿ ದರ ನಿಗದಿ
ರಾಜಧಾನಿ ಬೆಂಗಳೂರಿನ ಸಸ್ಯಕಾಶಿ ಲಾಲ್ಬಾಗ್ನಲ್ಲಿ ಮಾವು ಮತ್ತು ಹಲಸಿನ ಮೇಳ ಆರಂಭವಾಗಿದ್ದು, ಮೇ 26ರಿಂದ ಜೂನ್ 5ರವರೆಗೆ ನಡೆಯಲಿದೆ. ರೈತರಿಂದ ನೇರವಾಗಿ ಗ್ರಾಹಕರಿಗೆ ಕಡಿಮೆ ದರದಲ್ಲಿ ಮಾವು ಮತ್ತು ಹಲಸು ದೊರೆಯಲಿದೆ.
ರೈತರಿಂದ ನೇರವಾಗಿ ಗ್ರಾಹಕರ ಕೈಗೆ ತಲುಪಿಸಲು ಮಾವು ಹಲಸಿನ ಮೇಳಕ್ಕೆ ಮೇ 26ರಂದು ಸಚಿವ ರಾಮಲಿಂಗಾರೆಡ್ಡಿ, ಶಾಸಕ ಉದಯ್ ಗರುಡಾಚಾರ್ ಉದ್ಘಾಟಿಸಿದರು.
ರಾಜ್ಯದ ನಾನಾ ಜಿಲ್ಲೆಗಳಿಂದ ರೈತರು ಲಾಲ್ಬಾಗ್ಗೆ ಆಗಿಮಿಸಲಿದ್ದು, ನಾನಾ ತಳಿಯ ಮಾವು ಹಾಗೂ ಹಲಸು ದೊರೆಯಲಿದೆ. ತೋಟಗಾರಿಕೆ ಇಲಾಖೆ ಈ ಮೇಳದಲ್ಲಿ ಹಣ್ಣುಗಳ ಮೇಲೆ 10% ರಿಯಾಯಿತಿ ದರ ನಿಗದಿ ಮಾಡಿದೆ. ಮೇ 26ರಿಂದ 19 ದಿನಗಳ ಕಾಲ ಈ ಮೇಳ ನಡೆಯಲಿದೆ.
ನಾನಾ ತಳಿಯ ಮಾವಿನ ಹಣ್ಣುಗಳು
ಮೇಳದಲ್ಲಿ ಬಾದಾಮಿ, ರಸ್ಪುರಿ, ಮಲ್ಲಿಕಾ, ಕಾಡುಮಾವು, ಕಾಲಪಾಡು, ದಶೇರಿ, ಕೇಸರ್, ಬೈಗಂಪಲ್ಲಿ, ಸೇಂದೂರ, ತೋತಾಪುರಿ, ಮಲಗೋವಾ, ಸಕ್ಕರೆಗುತ್ತಿ, ಇಮಾಮ್ ಪಸಂದ್, ನೀಲಂ ಸೇರಿದಂತೆ ಹಲವು ಮಾವು ತಳಿಗಳನ್ನು ಮಾರಾಟಕ್ಕೆ ಇಡಲಾಗಿದೆ.
ಈ ಸುದ್ದಿ ಓದಿದ್ದೀರಾ? ದೇವರಾಜ ಅರಸು ಟ್ರಕ್ ಟರ್ಮಿನಲ್ನಲ್ಲಿ ಬಹುಕೋಟಿ ಹಗರಣ: ಲೋಕಾಯುಕ್ತ ದಾಳಿ
ಕಳೆದ ವರ್ಷ ನಡೆದ ಮಾವಿನ ಮೇಳಕ್ಕೆ ಜನರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಕಳೆದ ಬಾರಿ ಮಾಮ್ ಪಸಂದ್ ₹200, ಮಲ್ಲಿಕಾ ₹100, ಬಾದಾಮಿ ₹100, ಸಕ್ಕರೆ ಗುತ್ತಿ ₹150, ಸಿಂಧೂರ ₹50, ರಸ್ಪುರಿ ₹80, ದೆಸೇರಿ ₹100, ಕಲಾಪಡ ₹120, ಮಲಗೋವಾ ₹120, ತೋತಾಪುರಿ ₹30, ಅಮರಪಾಲಿ ₹100 ಬೆಲೆ ನಿಗದಿ ಮಾಡಲಾಗಿತ್ತು.
ಈ ಬಾರಿ ಮೇಳದಲ್ಲಿ ಹಣ್ಣುಗಳ ಮೇಲೆ 10% ರಿಯಾಯಿತಿ ದರ ನಿಗದಿ ಮಾಡಲಾಗಿದೆ. ಮಾವಿನ ಹಣ್ಣು ಕೆಜಿಗೆ ₹32 ರಿಂದ ಶುರುವಾಗಿ ₹215 ವರೆಗೆ ಇದೆ. ಹಲಸಿನ ಹಣ್ಣು ಕೆಜಿಗೆ ₹25 ನಿಗದಿಯಾಗಿದೆ.