ಪ್ರತಿಷ್ಠಿತ ಫುಟ್ಬಾಲ್ ಅಸೋಸಿಯೇಷನ್ ಚಾಲೆಂಜ್ ಕಪ್ (ಎಫ್ಎ ಕಪ್) ಫುಟ್ಬಾಲ್ ಟೂರ್ನಿಯ ಫೈನಲ್ ಪಂದ್ಯವು ಶನಿವಾರ ರಾತ್ರಿ ಲಂಡನ್ನ ವೆಂಬ್ಲಿ ಸ್ಟೇಡಿಯಂನಲ್ಲಿ ನಡೆಯಲಿದೆ.
ಮ್ಯಾಂಚೆಸ್ಟರ್ ಸಿಟಿ ಮತ್ತು ಮಾಂಚೆಸ್ಟರ್ ಯುನೈಟೆಡ್ ತಂಡಗಳು ಎಫ್ಎ ಕಪ್ ಫೈನಲ್ ಫೈಟ್ನಲ್ಲಿ ಮುಖಾಮುಖಿಯಾಗಲಿವೆ.
ಕಳೆದ ವಾರವಷ್ಟೇ ಇಂಗ್ಲಿಷ್ ಪ್ರೀಮಿಯರ್ ಲೀಗ್ (ಇಪಿಲ್) ಚಾಂಪಿಯನ್ ಪಟ್ಟವನ್ನಲಂಕರಿಸಿರುವ ಸಿಟಿ ತಂಡವು ಪ್ರಸಕ್ತ ಆವೃತ್ತಿಯಲ್ಲಿ ಎರಡನೇ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದೆ.
ಮತ್ತೊಂದೆಡೆ 2023ರ ಫೆಬ್ರವರಿ 26ರಂದು ಇದೇ ಮೈದಾನದಲ್ಲಿ ನಡೆದಿದ್ದ ಇಎಫ್ಎಲ್ ಕಪ್ (ಕರ್ಬಾವೊ ಕಪ್) ಫೈನಲ್ ಪಂದ್ಯದಲ್ಲಿ ನ್ಯೂ ಕ್ಯಾಸ್ಟಲ್ ತಂಡವನ್ನು 2-0 ಗೋಲುಗಳಿಂದ ಮಣಿಸಿದ್ದ ಯುನೈಟೆಡ್, 2017ರ ಬಳಿಕ ಪ್ರಮುಖ ಟೂರ್ನಿಯೊಂದರಲ್ಲಿ ಪ್ರಶಸ್ತಿ ಬರವನ್ನು ನೀಗಿಸಿತ್ತು.
12 ಬಾರಿ ಚಾಂಪಿಯನ್
ಎರಿಕ್ ಟೆನ್ ಮುಖ್ಯ ತರಬೇತುದಾರರಾಗಿರುವ ಮ್ಯಾಂಚೆಸ್ಟರ್ ಯುನೈಟೆಡ್ ತಂಡ ಇದುವರೆಗೂ ಒಟ್ಟು 12 ಬಾರಿ ಎಫ್ಎ ಕಪ್ ಚಾಂಪಿಯನ್ ಆಗಿದೆ. 14 ಬಾರಿ ಚಾಂಪಿಯನ್ ಪಟ್ಟಕ್ಕೇರಿರುವ ಆರ್ಸನಲ್ ಮಾತ್ರವೇ ಯುನೈಟೆಡ್ಗಿಂತಲೂ ಹೆಚ್ಚು ಬಾರಿ ಪ್ರಶಸ್ತಿ ಗೆದ್ದ ದಾಖಲೆಯನ್ನು ಹೊಂದಿದೆ.