ಪ್ರಮುಖ ದಲಿತ ಹೋರಾಟಗಾರ, ಬೌದ್ಧ ಧರ್ಮ ಪ್ರಚಾರಕ ಮತ್ತು ಅಂಬೇಡ್ಕರ್ ಅನುಯಾಯಿ ದೇವೇಂದ್ರ ಹೆಗ್ಗಡೆ ಅವರು ಇಂದು ನಿಧನರಾಗಿದ್ದಾರೆ.
ರಾಯಚೂರು ಜಿಲ್ಲೆಯವರಾದ ಇವರು ಬೌದ್ಧ ಚಿಂತನೆಯಲ್ಲಿ ಆಳವಾದ ಜ್ಞಾನ ಹೊಂದಿದ್ದರು, ದಲಿತ ಸಮುದಾಯದ ಹಕ್ಕುಗಳಿಗಾಗಿ ದೀರ್ಘಕಾಲ ಹೋರಾಟ ನಡೆಸಿದ್ದರು. ಅವರ ಅಗಲಿಕೆಯಿಂದ ಸಾಮಾಜಿಕ ನ್ಯಾಯದ ಹೋರಾಟಕ್ಕೆ ಒಂದು ಪ್ರಬಲ ದನಿ ಮೌನಗೊಂಡಿದೆ ಎಂದು ಅವರ ಒಡನಾಡಿಗಳು ಕಂಬನಿ ಮಿಡಿದಿದ್ದಾರೆ.
ರಾಯಚೂರು ಜಿಲ್ಲೆಯ ಶೋರಾಪುರ ತಾಲೂಕಿನವರಾದ ದೇವೇಂದ್ರ ಹೆಗ್ಗಡೆ ಅವರು ‘ಬುದ್ಧಘೋಷ’ ಎಂದು ಪ್ರಸಿದ್ಧರಾಗಿದ್ದರು. ಬೌದ್ಧ ಗೀತೆಗಳು, ಸಾಹಿತ್ಯ ಮತ್ತು ಚಿಂತನೆಯ ಮೂಲಕ ಗೌತಮ ಬುದ್ಧನ ತತ್ವಗಳನ್ನು ಸಾಮಾನ್ಯ ಜನರಿಗೆ ತಲುಪಿಸಿದ್ದರು. ಸನ್ನತಿ ಪಂಚಶೀಲ ಪಾದಯಾತ್ರೆಯಂತಹ ಕಾರ್ಯಕ್ರಮಗಳಲ್ಲಿ ಸಕ್ರಿಯರಾಗಿ, ದಲಿತರಲ್ಲಿ ಬೌದ್ಧ ಧರ್ಮದ ಅಂಗೀಕಾರವನ್ನು ಬೆಳೆಸಿದ್ದರು. ಅಂಬೇಡ್ಕರ್ ಚಳವಳಿಯಲ್ಲಿ ಆಚರಣಾತ್ಮಕ ನಾಯಕರಾಗಿ, ಜಾತಿ ವ್ಯವಸ್ಥೆಯ ವಿರುದ್ಧ ಧ್ವನಿ ಎತ್ತಿದ್ದರು. ರಾಯಚೂರು ಜಿಲ್ಲೆಯ ದಲಿತ ಸಂಘಟನೆಗಳಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.
ಇದನ್ನು ಓದಿದ್ದೀರಾ? ಈ ದಿನ ಸಂಪಾದಕೀಯ | ಜಿಎಸ್‌ಟಿ ದರ ಇಳಿಕೆ ಲಾಭ ಗ್ರಾಹಕರಿಗೆ ದೊರೆಯಲಿ!
ಸಮಾಜ ಕಲ್ಯಾಣ ಸಚಿವ ಡಾ. ಎಚ್.ಸಿ. ಮಹದೇವಪ್ಪ ಅವರು ದೇವೇಂದ್ರ ಹೆಗ್ಗಡೆ ನಿಧನಕ್ಕೆ ಎಕ್ಸ್‌ನಲ್ಲಿ ಕಂಬನಿ ಮಿಡಿದಿದ್ದಾರೆ. “ಬುದ್ಧನ ವಿಚಾರಗಳಲ್ಲಿ ಸ್ಪಷ್ಟತೆ ಹೊಂದಿದ್ದ, ಅಂಬೇಡ್ಕರ್ ಅನುಯಾಯಿ ಚಿಂತಕರು, ಆತ್ಮೀಯರೂ ಆಗಿದ್ದ ದೇವೇಂದ್ರ ಹೆಗ್ಗಡೆ ಅವರ ಅಗಲಿಕೆಯಿಂದ ಅತ್ಯಂತ ಅಘಾತಕ್ಕೆ ಒಳಗಾಗಿದ್ದೇನೆ. ಹೋರಾಟದ ಒಂದು ಕಿಡಿ ಮರೆಯಾಗಿದ್ದು, ಭಾವಪೂರ್ಣ ನಮನಗಳು,” ಎಂದು ಅವರು ಹೇಳಿದ್ದಾರೆ.
ಬೌದ್ಧ ಸಂಘಟನೆಗಳು ಮತ್ತು ದಲಿತ ಸಂಘಗಳು ಶೋಕದಲ್ಲಿವೆ. ದೇವೇಂದ್ರ ಹೆಗ್ಗಡೆ ಅವರ ಕೊನೆಯ ಅಂತ್ಯಕ್ರಿಯೆ ರಾಯಚೂರು ಜಿಲ್ಲೆಯಲ್ಲಿ ನಡೆಯಲಿದೆ.
ದೇವೇಂದ್ರ ಹೆಗ್ಗಡೆ ಅವರ ಕೊಡುಗೆಗಳು ದಲಿತ-ಬೌದ್ಧ ಚಳವಳಿಯಲ್ಲಿ ಶಾಶ್ವತವಾಗಿ ಉಳಿಯುತ್ತವೆ ಎಂದು ಅವರ ಹಲವು ಒಡನಾಡಿಗಳು ಕಂಬನಿ ಮಿಡಿದಿದ್ದಾರೆ.
ಬುದ್ಧನ ವಿಚಾರಗಳಲ್ಲಿ ಹೆಚ್ಚಿನ ಸ್ಪಷ್ಟತೆ ಹೊಂದಿದ್ದ, ಅಂಬೇಡ್ಕರ್ ಅನುಯಾಯಿ ಚಿಂತಕರು, ಆತ್ಮೀಯರೂ ಆಗಿದ್ದ ರಾಯಚೂರು ಜಿಲ್ಲೆಯ ದೇವೇಂದ್ರ ಹೆಗ್ಗಡೆ ಅವರ ಅಗಲಿಕೆಯಿಂದ ಅತ್ಯಂತ ಅಘಾತಕ್ಕೆ ಒಳಗಾಗಿದ್ದೇನೆ.
— Dr H C Mahadevappa(Buddha Basava Ambedkar Parivar) (@CMahadevappa) September 22, 2025
ಪ್ರಬಲ ಸೈದ್ಧಾಂತಿಕ ದನಿಯ ಅಗಲಿಕೆಯಿಂದ ಹೋರಾಟದ ಒಂದು ಕಿಡಿ ಮರೆಯಾಗಿದ್ದು ಅವರಿಗೆ ನನ್ನ ಭಾವಪೂರ್ಣ ನಮನಗಳು.#Rip pic.twitter.com/D6qNVwUtgz
