ಲೈನ್‌ಲೆನ್ಸ್‌ 2026ರ OpenAI Academy × NxtWave × AI Impact Summit National Generative AI Buildathonನಲ್ಲಿ ರಾಷ್ಟ್ರೀಯ ಮಟ್ಟದಲ್ಲಿ ರಾಜ್ಯದ ಎಂಎಸ್ ರಾಮಯ್ಯ ಇಂಜಿನಿಯರಿಂಗ್ ಕಾಲೇಜು ವಿದ್ಯಾರ್ಥಿಗಳ ತಂಡವು ಅಗ್ರ ಐದರಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ.
ನಾಲ್ಕನೇ ಸ್ಥಾನ ಪಡೆದುಕೊಂಡ ನಮ್ಮ ತಂಡವು ಸ್ಪರ್ಧೆಯಲ್ಲಿ ಗೆದ್ದ ಕರ್ನಾಟಕದ ಏಕೈಕ ತಂಡವಾಗಿದೆ ಮತ್ತು ಈ ಆವೃತ್ತಿಯಲ್ಲಿ ರಾಷ್ಟ್ರೀಯಮಟ್ಟದಲ್ಲಿ ಟಾಪ್‌ 5ಕ್ಕೆ ತಲುಪಿದ ರಾಜ್ಯದ ಮೊದಲ ತಂಡವಾಗಿದ್ದೇವೆ. ತಂಡಕ್ಕೆ 50,000 ರೂ.ಗಳನ್ನು ಬಹುಮಾನ ಲಭಿಸಿದೆ.
ಮೊದಲ ಸ್ಥಾನವನ್ನು ಮಹಾರಾಷ್ಟ್ರದ ಪಿಳ್ಳೈ ಎಚ್‌ಒಸಿ ಕಾಲೇಜ್ ಆಫ್ ಇಂಜಿನಿಯರಿಂಗ್ ಅಂಡ್ ಟೆಕ್ನಾಲಜಿ ಪಡೆದಿದೆ. ತಮಿಳುನಾಡಿನ ಎನ್‌ಐಎಟಿ ಎರಡನೇ ಸ್ಥಾನ, ತೆಲಂಗಾಣದ ಬಿವಿ ರಾಜು ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಮೂರನೇ ಸ್ಥಾನ ಪಡೆದಿದೆ.
ಇದನ್ನು ಓದಿದ್ದೀರಾ? ಸ್ವರಗಳೊಂದಿಗೆ ಸ್ಪರ್ಧೆಗಿಳಿದ AI; ಭಾವಕ್ಕೆ ಬರುವುದೇ ಜೀವ?
ಸ್ಪರ್ಧೆಗೆ ದೇಶದಾದ್ಯಂತ 95,000ಕ್ಕೂ ಅಧಿಕ ನೋಂದಣಿ ನಡೆದಿದ್ದು, ಎಂಎಸ್ ರಾಮಯ್ಯ ಕಾಲೇಜು ವಿದ್ಯಾರ್ಥಿಗಳು ಪ್ರಾದೇಶಿಕ ಸುತ್ತುಗಳನ್ನು ದಾಟಿ, ಫೆಬ್ರವರಿ 16–17ರಂದು ದೆಹಲಿಯಲ್ಲಿ ನಡೆದ AI Impact Summit 2026ರ ರಾಷ್ಟ್ರೀಯ ಗ್ರ್ಯಾಂಡ್ ಫಿನಾಲೆಯಲ್ಲಿ ಪ್ರಸ್ತುತಿಯನ್ನು ಪ್ರದರ್ಶಿಸಿದ್ದಾರೆ.
ಗ್ರ್ಯಾಂಡ್ ಫಿನಾಲೆಯಲ್ಲಿ ಫ್ಯೂಚರೆನ್ಸ್ ಟೆಕ್ನಾಲಜೀಸ್‌ನ ಸಹ-ಸಂಸ್ಥಾಪಕ ಮತ್ತು ಸಿಇಒ ರಾಘವ್ ಗುಪ್ತಾ, ದೊಡ್ಡ ಮಟ್ಟದ AI ಮಾದರಿಗಳನ್ನು ತಯಾರಿಸುವಲ್ಲಿ ಪ್ರಸಿದ್ಧರಾದ ಸಂದೀಪ್ ನಾಯರ್, ಜೆಪಿ ಮಾರ್ಗನ್ ಸಂಸ್ಥೆಯಲ್ಲಿ ಸಾಫ್ಟ್‌ವೇರ್ ಎಂಜಿನಿಯರ್ ಆಗಿರುವ ಸನ್ನಿ ಮೊಂಗಿಯಾ, ಮೇಕ್‌ಮೈ ಟ್ರಿಪ್ ಇಂಜಿನಿಯರಿಂಗ್ ವಿಭಾಗದ ಉಪಾಧ್ಯಕ್ಷರ ಅಮ್ಲೇಶ್ ಸಿನ್ಹಾ, ಅಖಿಲ ಭಾರತ ತಾಂತ್ರಿಕ ಶಿಕ್ಷಣ ಮಂಡಳಿಯ (AICTE) ಮುಖ್ಯ ಸಮನ್ವಯ ಅಧಿಕಾರಿ ಡಾ. ಚಂದ್ರಶೇಖರ್ ಬುದ್ಧ, ಚಿರಾಟೆ ವೆಂಚರ್ಸ್ ಸಂಸ್ಥೆಯಲ್ಲಿ ಹೂಡಿಕೆ ವಿಭಾಗದ ಉಪಾಧ್ಯಕ್ಷರಾದ ಸಹರ್ಷ್ ಶರ್ಮಾ ಈ ಸ್ಪರ್ಧೆಯ ತೀರ್ಪುಗಾರರು ಆಗಿದ್ದರು.
ರಾಮಯ್ಯ ಕಾಲೇಜಿನ ತಂಡವು ಲೈವ್ ಪಿಚ್ ವೇಳೆ, LineLens ಬಹು-ಟ್ಯಾಬ್ ವರ್ಕ್‌ಫ್ಲೋ ಫ್ರಾಗ್ಮೆಂಟೇಶನ್ ಸಮಸ್ಯೆಯನ್ನು ಹೇಗೆ ಪರಿಹರಿಸುತ್ತದೆ ಎಂಬುದನ್ನು ವಿವರಿಸಿದರು. Cross-tab memory ಮತ್ತು ಒಳಗೊಂಡ AI CRM ಮೂಲಕ ಸಂಬಂಧಗಳನ್ನು ಸ್ವಯಂಚಾಲಿತವಾಗಿ ದಾಖಲಿಸಿ, ಸಹಕಾರದ ನಿರಂತರತೆಯನ್ನು ಕಾಯ್ದುಕೊಳ್ಳುವ ವಿಧಾನ ಪ್ರಸ್ತುತ ಪಡಿಸಿದರು.
