ಕಾಂಗ್ರೆಸ್‌ ಸರ್ಕಾರದ ಸಚಿವರಾದ ಸತೀಶ್‌ ಜಾರಕಿಹೊಳಿ ಮತ್ತು ಮಾಜಿ ಸಚಿವ ಬಿ ನಾಗೇಂದ್ರ ಅವರ ಮೇಲೆ ಇಡಿ ದಾಳಿ ನಡೆಸಿರುವುದನ್ನು ಖಂಡಿಸಿರುವ ಸಾಮಾಜಿಕ ನ್ಯಾಯಕ್ಕಾಗಿ ಎಸ್‌ಟಿ ಯೂತ್‌ ಸಂಘಟನೆ ಖಂಡಿಸಿದೆ. ಇಡಿ ಮತ್ತು ಕೇಂದ್ರ ಸರ್ಕಾರಕ್ಕೆ ಕೆಲವು ಪ್ರಶ್ನೆ ಕೇಳಿದೆ.
ಸಚಿವ ಸತೀಶ್‌ ಜಾರಕಿಹೊಳಿಯವರ ಮೇಲೆ ಇಡಿ ದಾಳಿಯಾಗಿರುವ ಹಿನ್ನಲೆಯಲ್ಲಿ ಸಾಕಷ್ಟು ಚರ್ಚೆಗಳು ನಡೆಯುತ್ತಿವೆ. ನಾಯಕ ಸಮುದಾಯದ ಯುವಜನರಾದ ನಾವು ಯಾವುದೇ ತನಿಖೆಯನ್ನು ಸ್ವಾಗತಿಸುತ್ತೇವೆ. ಆದರೆ, ಕೇಂದ್ರ ಸರ್ಕಾರ ಹಾಗೂ ಬಿಜೆಪಿ ತನಿಖಾ ಸಂಸ್ಥೆಗಳನ್ನು ತನ್ನ ಕೈಗೊಂಬೆಗಳಂತೆ ಬಳಸಿಕೊಳ್ಳುತ್ತಿರುವುದು ಸಹಜವಾಗಿರುವ ಈ ಹೊತ್ತಿನಲ್ಲಿ. ನಾವು ತನಿಖಾ ಸಂಸ್ಥೆಗಳು ಹಾಗೂ ಬಿಜೆಪಿ/ಆರ್‌ಎಸೆಸ್‌ ಹಾಗೂ ಕೇಂದ್ರಸರ್ಕಾರಕ್ಕೆ ಈ ಕೆಳಗಿನ ಪ್ರಶ್ನೆಗಳನ್ನು ಕೇಳುತ್ತಿದ್ದೇವೆ.
1. ಸಿಐಡಿ ತನಿಖೆಯಲ್ಲಿ ಕನಿಷ್ಠ ಪುರಾವೆಯೂ ಇಲ್ಲದೇ ಹೊರಬಂದ ನಾಯಕ ಸಮುದಾಯದ ಬಿ.ನಾಗೇಂದ್ರ ಅವರನ್ನು ಇಡಿ ಬಂಧಿಸಿದ್ದು ಏಕೆ?
2. ರಾಜಕಾರಣಿ ಅಷ್ಟೇ ಅಲ್ಲದ, ದಶಕಗಳಿಂದ ಉದ್ದಿಮೆದಾರರಾಗಿರುವ ಸತೀಶ್‌ ಜಾರಕಿಹೊಳಿಯವರ ಮೇಲೆಯೇ ಏಕೆ ಈ ದಾಳಿ?
3. ಕರ್ನಾಟಕದಲ್ಲಿ ಇದುವರೆಗೆ – ಕಳೆದ 12 ವರ್ಷಗಳಿಂದ ಒಬ್ಬನೇ ಒಬ್ಬ ಬಿಜೆಪಿ ನಾಯಕನ ಮೇಲೆ ಇಡಿ ದಾಳಿ ನಡೆದಿಲ್ಲ, ಏಕೆ?
4. ಶೋಷಿತ ಸಮುದಾಯದವರು ಮಾತ್ರ ಏಕೆ ಇ.ಡಿ. ದಾಳಿಗೆ ಗುರಿ?
ಸಂಘಟನೆಯ ಪರವಾಗಿ ಪ್ರಶ್ನೆ ಎತ್ತಿದವರು ವೆಂಕಟೇಶ್‌ ಎಚ್ ಆರ್, ನಾಗರಾಜ್‌ ಎಚ್, ಮದನ ಮೋಹನ ನಾಯಕ್, ಎಸ್ ಟಿ ಕೊಟ್ರೀಶ ಹೊನ್ನಜ್ಜರು ದೂರ, ಮಂಜುನಾಥ್‌ ಜೆ, ಪರಶುರಾಮ್, ಕುಮಾರ್ ಎಸ್ ಆರ್, ಲಕ್ಷ್ಮಣ ಮಂಡಲಗೇರಾ, ರಾಮು.ಎಚ್.ಎಸ್, ಕಂಬರಾಜ ಕೆಜೆ, ಎಸ್ ಟಿ ಕೊಟ್ರೀಶ ನಾಯಕ, ಮಂಜನಾಥ ಎನ್‌ ಆರ್, ಅಣ್ಣಪ್ಪ ಎಮ್‌ ಹೊದಿಗೆರ, ಶ್ರೀನಿವಾಸ ವಿ, ನವೀನ್‌ ಕುಮಾರ್ ಟಿ ಎಸ್, ಶಿವಕುಮಾರ್‌ ಮಾಡಳ್‌, ಅನಿಲ್‌ ಕುಮಾರ್ ಚಿಕ್ಕದಾಳವಟ್ಟ, ನಿರುಪಾದಿ ಬ್ಯಾಡಗಿ.
