ದಾವಣಗೆರೆ ವಿಶ್ವವಿದ್ಯಾನಿಲಯ, ಇಂಗ್ಲೀಷ್ ಅಧ್ಯಯನ ವಿಭಾಗ, ವಾಣಿಜ್ಯ ವಿಭಾಗದ ಹಾಗೂ ಮಾನವ ಬಂಧುತ್ವ ವೇದಿಕೆ, ಕರ್ನಾಟಕ ಇವರ ಸಹಯೋಗದೊಂದಿಗೆ ದಾವಣಗೆರೆ ವಿಶ್ವವಿದ್ಯಾನಿಲಯದ ಎಂ ಬಿ ಎ ಸಭಾಂಗಣದಲ್ಲಿ ಉದ್ಯಮಶೀಲತಾ ತರಬೇತಿ ಶಿಬಿರವನ್ನು ಆಯೋಜಿಸಲಾಗಿತ್ತು.
ಕಾರ್ಯಕ್ರಮವನ್ನು ಮಾನವ ಬಂಧುತ್ವ ವೇದಿಕೆಯ ರಾಜ್ಯ ಸಂಚಾಲಕರಾದ ಎಬಿ ರಾಮಚಂದ್ರಪ್ಪ ಉದ್ಘಾಟಿಸಿ ಮಾತನಾಡಿ, “ನಾವೆಲ್ಲರೂ ಸೌಹಾರ್ದತೆಯಿಂದ ಬದುಕಬೇಕಿದೆ. ಎಲ್ಲರೂ ಪದವಿ ನಂತರ ಉದ್ಯೋಗವನ್ನು ಪಡೆಯಲು ಸಾಧ್ಯವಾಗದಿರಬಹುದು. ಅಂತಹ ವೇಳೆ ಉದ್ಯಮ ಗಳನ್ನು, ಕೈಗಾರಿಕೆಗಳನ್ನು ಪ್ರಾರಂಭಿಸಿ ಉದ್ಯೋಗ ನೀಡಬಹುದಾಗಿದೆ. ಉದ್ಯಮಶೀಲತೆ ಬಗ್ಗೆ ಈಗಿನಿಂದಲೇ ಆಸಕ್ತಿ ಮಾಹಿತಿ ಬೆಳೆಸಿಕೊಳ್ಳಬೇಕು” ಎಂದು ಸಲಹೆ ನೀಡಿದರು.
ದಾವಣಗೆರೆ ವಿವಿಯ ಗೌರವಾನ್ವಿತ ಕುಲಪತಿಗಳಾದ ಪ್ರೊ. ಬಿ.ಡಿ. ಕುಂಬಾರ ಅಧ್ಯಕ್ಷತೆ ವಹಿಸಿ ಮಾತನಾಡಿ “ಮನೆಯ ಹಿರಿಯರು ನಮ್ಮನ್ನು ಕಷ್ಟಪಟ್ಟು ವಿದ್ಯಾಭ್ಯಾಸ ಮಾಡಿಸುತ್ತಾರೆ. ವಿದ್ಯಾರ್ಥಿಗಳು ಅವರ ನಿರೀಕ್ಷೆಗೆ ತಕ್ಕಂತೆ ಜ್ಞಾನಾರ್ಜನೆ ಪಡೆಯಬೇಕು. ಓದಿನ ನಂತರ ಅವರಿಗೆ ಹೊರೆಯಾಗದೆ ಉದ್ಯೋಗ ಪಡೆಯಬೇಕು. ಇಲ್ಲವಾದಲ್ಲಿ ಇರುವ ಅವಕಾಶ ನೆರವು ಬಳಸಿಕೊಂಡು ಬೇರೆ ಬೇರೆ ಕ್ಷೇತ್ರಗಳಲ್ಲಿ ಸಾಧನೆ ಮಾಡಬೇಕು. ಇಂತಹ ಉದ್ಯಮಶೀಲತಾ ತರಬೇತಿ ಶಿಬಿರಗಳು ವಿದ್ಯಾರ್ಥಿಗಳಿಗೆ ಅವಶ್ಯಕತೆ ಇದ್ದು, ಭವಿಷ್ಯಕ್ಕೆ ದಾರಿಯಾಗಬಲ್ಲವು” ಎಂದು ತಿಳಿಸಿದರು.
ಬೆಂಗಳೂರಿನ ದಲಿತ ಕೈಗಾರಿಕೋದ್ಯಮಿಗಳ ಸಂಘದ ಟ್ರೈಬಲ್ ವಿಂಗ್ ಅಧ್ಯಕ್ಷರಾದ ರಾಜನಾಯಕ ಮಾತನಾಡಿ, “ವಿದ್ಯಾರ್ಥಿಗಳ ಭವಿಷ್ಯದ ಆಯ್ಕೆಯಲ್ಲಿ ಪೋಷಕರು ಒಮ್ಮೊಮ್ಮೆ ತಪ್ಪು ನಿರ್ಧಾರ ಕೈಗೊಳ್ಳುತ್ತಾರೆ. ಇಂದಿನ ಪರಿಸ್ಥಿತಿಯಲ್ಲಿ ವಿದ್ಯಾರ್ಥಿಗಳು ಬಹು ಆಯ್ಕೆಗಳನ್ನು ಹೊಂದಿರಬೇಕಾಗುತ್ತದೆ. ವಿದ್ಯಾರ್ಥಿಗಳಿಗೆ ಅವರ ಆಸಕ್ತಿಗೆ ತಕ್ಕಂತೆ ಭೋಧನೆ ಮತ್ತು ಆಯ್ಕೆ ಕೊಡಬೇಕು. ಉದ್ದಿಮೆ, ಕೈಗಾರಿಕೆಗಳಲ್ಲಿ ವಿಪುಲ ಅವಕಾಶಗಳಿವೆ. ಅವುಗಳನ್ನು ಬಳಸಿಕೊಳ್ಳುವ ನೈಪುಣ್ಯ ಕಲಿಸಬೇಕು. ಇಂದು ಆರ್ಥಿಕವಾಗಿ ನೆರವು ನೀಡುವ ಅನೇಕ ಸಹಾಯಧನ ಮತ್ತು ಸರ್ಕಾರಿ ಯೋಜನೆಗಳನ್ನು ಬಳಸಿಕೊಂಡು ಉದ್ಯಮಿಗಳಾಗಿ ಬೆಳೆದು ನೀವೇ ಉದ್ಯೋಗ ನೀಡುವ ನಿಟ್ಟಿನಲ್ಲಿ ವಿದ್ಯಾರ್ಥಿಗಳು, ಯುವ ಸಮೂಹ ಮುನ್ನೆಡೆಯಬೇಕು” ಎಂದು ಅಭಿಪ್ರಾಯಪಟ್ಟರು.
ಬೆಂಗಳೂರಿನ ಖ್ಯಾತ ಉದ್ಯಮಿಗಳು ಹಾಗೂ ಸಾಮಾಜಿಕ ಕಾರ್ಯಕರ್ತರಾದ ಡಿ.ಟಿ. ವೆಂಕಟೇಶ್ ಕೈಗಾರಿಕೆ, ಉದ್ಯಮಶೀಲತೆ ಕುರಿತು ವಿಶೇಷ ಉಪನ್ಯಾಸ ನೀಡಿದರು. ಸಂಪನ್ಮೂಲ ವ್ಯಕ್ತಿಗಳಾದ ಲೀಡ್ ಬ್ಯಾಂಕ್ ಮುಖ್ಯವ್ಯವಸ್ಥಾಪಕ ಪದದಯ್ಯ. ಸಿ. ಹಿರೇಮಠ್ ಫೈನಾನ್ಸಿಯಲ್ ಇನ್‌ಫರ್ಮೇಷನ್, ಬೆಂಗಳೂರಿನ ಎನ್ ಎಸ್ ಐ ಸಿ ಮಾರ್ಕೆಟಿಂಗ್ ವಿಭಾಗದ ವ್ಯವಸ್ಥಾಪಕರಾದ ಎ. ಕೋಕಿಲಾ ಎಂ.ಎಸ್. ಎಂ.ಇ. ಯೋಜನೆ, ಬೆಂಗಳೂರಿನ ಪ್ರೊಪೆಷನಲ್ ನ್ಯಾಷನಲ್ ಎಸ್‌ಸಿಎಸ್‌ಟಿ ಹಬ್‌ನ ಗೀತಾ ಕೆ. ರಾಜ್ಯ ಮತ್ತು ರಾಷ್ಟ್ರೀಯ ಎಸ್.ಸಿ.ಎಸ್.ಟಿ. ಯೋಜನೆಗಳು, ಜಿಲ್ಲಾ ಕೈಗಾರಿಕಾ ಕೇಂದ್ರದ ಉಪನಿರ್ದೇಶಕರಾದ ವೀರೇಶ್ ನಾಯ್ಕ ಸರ್ಕಾರದ ಯೋಜನೆಗಳ ಕುರಿತ ಮಾಹಿತಿ ನೀಡಿದರು. ಪ್ರಾಸ್ತಾವಿಕವಾಗಿ ಇಂಗ್ಲೀಷ್ ಅಧ್ಯಯನ ವಿಭಾಗದ ಸಂಯೋಜನಾಧಿಕಾರಿಗಳಾದ ಡಾ. ಪಕ್ಕೀರೇಶ ಹಳ್ಳಳ್ಳಿ ಮಾತನಾಡಿದರು.
ನಗರದ ಕೆ.ಎಸ್.ಎಫ್‌.ಸಿ ಬ್ರಾಂಚ್ ಮ್ಯಾನೇಜರ್ ಪವನ್ ಇವರು ಉದ್ಯಮಸಾಲ ಸೌಲಭ್ಯಗಳ ಕುರಿತು ಮಾಹಿತಿ, ಹಾಗೂ ಕರ್ನಾಟಕ ಬ್ಯಾಂಕ್ ಸಹಾಯಕ ಜನರಲ್ ಮ್ಯಾನೇಜರ್ ನಾಗರಾಜ್ ಹೆಚ್.ಕೆ. ಇವರು ಬ್ಯಾಂಕ್ ಸಾಲ ಸೌಲಭ್ಯಗಳ ಕುರಿತು ಮಾಹಿತಿ ನೀಡಿದರು.
ಈ ಸುದ್ದಿ ಓದಿದ್ದೀರಾ? ದಾವಣಗೆರೆ | ಮಾಜಿ ಯೋಧರಿಂದ ಹೊನ್ನಾಳಿ ಸೈನಿಕ ಪ್ರತಿಮೆ ಬಳಿ ಕಾರ್ಗಿಲ್ ವಿಜಯೋತ್ಸವ ಮತ್ತು ಬೈಕ್ ರ್ಯಾಲಿ
ಮಾನ್ಯ ಸಿಂಡಿಕೇಟ್ ಹಾಗೂ ವಿದ್ಯಾ ವಿಷಯ ಪರಿಷತ್ ಸದಸ್ಯರುಗಳು ಹಾಗೂ ಆಯೋಜಕರು ಹಾಗೂ ಸಹಾಯಕ ಪ್ರಾಧ್ಯಾಪಕರುಗಳಾದ ಡಾ. ರವಿಕುಮಾರ್ ಎಸ್. ಕುಂಬಾರ, ಡಾ. ಯಜ್ಞಶ್ರೀ ಎಸ್.ಮದಕರಿ ನಾಯಕ ಹೆಚ್.ಆರ್., ಮತ್ತು ವಿದ್ಯಾರ್ಥಿಗಳ ಬಳಗ, ಹಾಗೂ ಸಂಶೋಧನಾರ್ಥಿಗಳು, ನಿವೃತ್ತ ಡಿವೈಎಸ್ಪಿ ರವಿ ನಾರಾಯಣ್, ನಿರಂಜನ್, ಸಹ ಆಯೋಜಕರುಗಳಾದ ಶಿವಕುಮಾರ್ ಮಾಡಾಳ್, ಕಂಬರಾಜ ಕೆ.ಜಿ., ವಸಂತ್,, ಗೋಶಾಲೆ ಸುರೇಶ್, ದೇವರಮನೆ ಪ್ರವೀಣ್, ಮಂಜುನಾಥ್ ಬಿ.ಎನ್. ಪಾಲಾಕ್ಷಿ, ಗೊಲ್ಲರಹಳ್ಳಿ, ಪರಶುರಾಮ್, ಗಣೇಶ್, ದಾವಣಗೆರೆಯ ಉದ್ಯಮಿ ಪ್ರಶಾಂತ್ ಸೇರಿದಂತೆ ಹಲವರು ಪಾಲ್ಗೊಂಡಿದ್ದರು.
