ರಾಜ್ಯ ಸರ್ಕಾರ ಕುರಬ ಸಮುದಾಯವನ್ನು ಎಸ್‌ಟಿ ಪಟ್ಟಿಗೆ ಸೇರ್ಪಡೆ ಮಾಡಲು ಮುಂದಾಗಿರುವುದನ್ನು ಖಂಡಿಸಿ ಬಾಗಲಕೋಟೆ ಜಿಲ್ಲೆಯ ಗುಳೇದಗುಡ್ಡ ಪಟ್ಟಣದಲ್ಲಿ ಅಖಿಲ ಕರ್ನಾಟಕ ಮಹರ್ಷಿ ವಾಲ್ಮೀಕಿ ನಾಯಕ ಮಹಾಸಭಾ ಬೃಹತ್ ಪ್ರತಿಭಟನೆ ನಡೆಸಿತು.
ಪಟ್ಟಣದ ಅಂಬೇಡ್ಕರ್ ಭವನದಿಂದ ಪ್ರತಿಭಟನೆ ಆರಂಭಿಸಿ ಪವರ್ ಕ್ರಾಸ್, ಪುರಸಭೆ, ಬನ್ನಿಕಟ್ಟಿ, ಸರಫ್ ಬಜಾರ್, ಕಂಠಿಪೇಟೆ ಬಾದಾಮಿ ನಕ ಮೂಲಕ ತಹಶೀಲ್ದಾರ್ ಕಚೇರಿಗೆ ಆಗಮಿಸಿ ಸರ್ಕಾರಕ್ಕೆ ಮನವಿ ಸಲ್ಲಿಸಲಾಯಿತು.
ಅಖಿಲ ಕರ್ನಾಟಕ ಮಹರ್ಷಿ ವಾಲ್ಮೀಕಿ ನಾಯಕ ಮಹಾಸಭಾ ತಾಲೂಕು ಅಧ್ಯಕ್ಷ ಫಕೀರಪ್ಪ ತಳವಾರ ಮಾತನಾಡಿ, “ಕುರುಬ ಸಮುದಾಯ ರಾಜ್ಯದ ಪ್ರಬಲ ಸಮುದಾಯಗಳಲ್ಲಿ ಒಂದಾಗಿದ್ದು, ಆ ಸಮುದಾಯ ಶಿಕ್ಷಣ ಸೇರಿದಂತೆ ಹಲವು ರಂಗಗಳಲ್ಲಿ ಬೆಳವಣಿಗೆ ಹೊಂದಿದೆ. ಅಂತಹ ಸಮುದಾಯವನ್ನು ಹಿಂದುಳಿದಿರುವ ಪರಿಶಿಷ್ಟ ಪಂಗಡ ಸಮುದಾಯಕ್ಕೆ ಸೇರಿಸಲು ಸರ್ಕಾರ ಹೊರಟಿದೆ. ಇದರಿಂದ ಪರಿಶಿಷ್ಟ ಪಂಗಡಗಳಿಗೆ ಅನ್ಯಾಯವಾಗಲಿದೆ. ಈಗಾಗಲೇ ರಾಜ್ಯಾದ್ಯಂತ ನಮ್ಮ ಸಮುದಾಯ ವಿರೋಧ ವ್ಯಕ್ತಪಡಿಸಿದೆ. ಇದು ಮುಂದುವರೆಯಲಿದೆ” ಎಂದರು.
“ತಾಲೂಕಿನಲ್ಲಿ 140 ಜನರು ನಕಲಿ ಪರಿಶಿಷ್ಟ ಪಂಗಡದ ಜಾತಿ ಪ್ರಮಾಣ ಪತ್ರ ಪಡೆದಿದ್ದು, ಇದರಿಂದ ನಮ್ಮ ನಮಗೆಲ್ಲ ಅನ್ಯಾಯವಾಗಿದೆ. ನಾಲ್ಕೈದು ತಿಂಗಳಿಂದ ನಕಲಿ ಜಾತಿ ಪ್ರಮಾಣ ಪತ್ರ ಪಡೆದವರ ಮೇಲೆ ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಿದರು ಕ್ರಮ ಆಗಿಲ್ಲ. ಸೆ.30 ರೊಳಗೆ ಅವರ ಮೇಲೆ ಕ್ರಮ ಕೈಗೊಳ್ಳದಿದ್ದರೆ ಉಗ್ರ ಪ್ರತಿಭಟನೆ ಮಾಡಲಾಗುತ್ತದೆ” ಎಂದು ಎಚ್ಚರಿಸಿದರು.
ಇದನ್ನೂ ಓದಿ; ಬಾಗಲಕೋಟೆ | ಭಾರೀ ಮಳೆಯಿಂದ ಈರುಳ್ಳಿ ಬೆಳೆನಾಶ; ಪರಿಹಾರಕ್ಕೆ ಕಿಸಾನ್‌ ಸಂಘ ಆಗ್ರಹ
ಮುಖಂಡರಾದ ಶಿವಾನಂದ ವಾಲೆಕಾರ, ಪರಶುರಾಮ ತಳವಾರ,ಶಿವಾನಂದ ವಾಲೀಕಾರ, ರಾಮಣ್ಣ ಚಂದರಗಿ, ಲಾಯಪ್ಪ ಗುಡಿಸಲಮನಿ,ಯಮನಪ್ಪ ಗೌಡರ, ಶಂಕ್ರಪ್ಪ ಗೌಡರ,ಹನುಮಂತ ಎತ್ತಿನಮನಿ, ಭೀಮಪ್ಪ ಗೌಡರ, ಹನುಮಂತ ತಳವಾರ,ಕಲ್ಲನಗೌಡರ ಶಿವಾನಂದ, ಲಕ್ಷ್ಮಣ ಗದ್ದನಕೇರಿ, ಹೇಮಂತ ಮಲ್ಲಾರ, ದ್ಯಾಮಣ್ಣ ಗೌಡ,ಪರಶುರಾಮ ತಳವಾರ, ಅರ್ಜುನ ಮನ್ನಿಕಟ್ಟಿ, ಬರಮಪ್ಪ ಪೂಜಾರಿ, ರಾಮನಗೌಡ ಗೌಡರ, ಗಣಪತಿ ತಳವಾರ,ಸುಭಾಸ ಹೊಸಮನಿ,ಯಮನಪ್ಪ ಗುಡಿಸಲಮನಿ, ಶಿವಪ್ಪ, ಬಸವರಾಜ ಸಂಗೊಂದಿ ಇದ್ದರು.
