“ಬಸವಣ್ಣನವರ ಚಳುವಳಿ ಜೊತಗೆ ಅಕ್ಕಮಹಾದೇವಿ, ಲಕ್ಕವ್ವ ಸೇರಿದಂತೆ ಮೂವತ್ಐದಕ್ಕೂ ಹೆಚ್ಚು ಶರಣೆಯರು (ಮಹಿಳೆಯರು) 12ನೇ ಶತಮಾನದ ಚಳುವಳಿ ಹೋರಾಟಗಳಲ್ಲಿ ಭಾಗವಿಹಿಸಿ ಮಹಿಳೆಯರಿಗೆ ಜಾಗೃತಿ ಮೂಡಿಸುತ್ತಿದ್ದರು” ಎಂದು ಶಾಸಕ ಶ್ರೀನಿವಾಸ ಮಾನೆ ಹೇಳಿದರು.
ಹಾವೇರಿ ಜಿಲ್ಲೆಯ ಹಾನಗಲ್ಲ ಪಟ್ಟಣದ ನಾಲ್ಕಾರ್ ಕ್ರಾಸ್ ಹತ್ತಿರ ವ್ಯಸನಮುಕ್ತ ಕೇಂದ್ರ ಸಭಾಭವನದಲ್ಲಿ ಇಂದು ರೋಶನಿ ಸಮಾಜ ಸೇವಾ ಸಂಸ್ಥೆ ಹಾಗೂ ಆದರ್ಶ ತಾಲೂಕು ಮಹಿಳಾ ಒಕ್ಕೂಟ ಇವರ ಸಂಯುಕ್ತ ಆಶ್ರಯದಲ್ಲಿ ವಿಶ್ವ ಮಹಿಳಾ ದಿನಾಚರಣೆ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.
“12ನೇ ಶತಮಾನದಲ್ಲಿ ಬಸವಣ್ಣ ಅಸಮಾನತೆ, ಲಿಂಗ ತಾರತಮ್ಯ, ವರ್ಗ ತಾರತಮ್ಯದಂತಹ ಪೀಡುಗುಗಳನ್ನು ಸಮಾಜದಿಂದ ದೂರ ಹಾಕಲು ಬಹುದೊಡ್ಡ ಚಳುವಳಿಗಳನ್ನು ಮಾಡಿದರು” ಎಂದು ಹೇಳಿದರು.
“ಮಹಿಳೆಯರು ಎಷ್ಟೆ ಪ್ರತಿಭಾನ್ವಿತರಾಗಿದ್ದರೂ ಸಹ ಮನೆ ಕೆಲಸಕ್ಕೆ ಮಾತ್ರ ಸೀಮಿತಗೊಳಿಸಿದ್ದರು. ವರ್ಷಗಟ್ಟಲೇ ಮನೆಯಿಂದ ಹೊರಗೆ ಬರುತ್ತಿರಲಿಲ್ಲ. ಸೂರ್ಯನ ಬೆಳಕು ನೋಡುತ್ತಿರಲಿಲ್ಲ. ಮಹಿಳೆಯರಿಗೆ ಜಾಗೃತಿ ಮೂಡಿಸಬೇಕು ಎಂಬ ವಿಶ್ವದ ಮೊದಲ ಪ್ರಯತ್ನ 1908 ಮಾರ್ಚ 8ರಂದು ಮಹಿಳೆಯರಿಗೆ ಜಾಗೃತಿ ಮೂಡಿಸಲು ವಿಶ್ವದಲ್ಲಿಯೇ ಮೊದಲ ಪ್ರಯತ್ನ ಆಗಿತ್ತು. ತದನಂತರಲ್ಲಿ ಮಾರ್ಚ 8ರಂದು ವಿಶ್ವ ಮಹಿಳಾ ದಿನಾಚರಣೆ ಆಚರಿಸಲಾಗುತ್ತಿದೆ” ಎಂದು ಹೇಳಿದರು.
ಜಾಥಾ ಉದ್ಘಾಟಿಸಿದ ಅಲ್ಪ ಸಂಖ್ಯಾತರ ಆಯೋಗದ ಸದಸ್ಯರು ಪರಿಮಳ ಜೈನ್ ಅವರು ಮಾತನಾಡಿ, “ನಮ್ಮ ದೇಶದಲ್ಲಿ ಮಹಿಳೆಯರ ಮೇಲೆ ಶೋಷನೆ, ದೌರ್ಜನ್ಯ, ಅತ್ಯಾಚಾರಗಳು ನಡೆಯುತ್ತಿವೆ. ಲಿಂಗ ತಾರತಮ್ಯ, ಆರ್ಥಕ ತಾರತಮ್ಯ , ಸಮಾನತೆ ಮಹಿಳೆಯರಿಗೆ ಇಲ್ಲದೇ ಮನೆಯಿಂದ ಹೊರ ಉಳಿಯುತ್ತಿದ್ದಾರೆ” ಎಂದರು.
“ಮಹಿಳೆ ಹೊಂದಾಣಿಕೆಯಿಂದ ಸಮಾಜ, ಮನೆಯಿಂದ ದೂರ ಉಳಿಯುತ್ತಲೇ ಬಂದಿರುವಳು. ಆದರೇ ಕಾಲ ಉರುಳಿದಂತೆ ಮಹಿಳೆಯರು ಜಾಗೃತರಾಗುತ್ತಿದ್ದು, ಎಲ್ಲ ಕ್ಷೇತ್ರಗಳಲ್ಲೂ ಚಾಪು ಮೂಡಿಸುತ್ತಿದ್ದಾರೆ” ಎಂದು ಹೇಳಿದರು.
ರೋಶನಿ ಸಮಾಜ ಸೇವಾ ಸಂಸ್ಥೆಯ ನಿರ್ದೇಶಕರು ಸಿಸ್ಟರ್ ಅನಿತಾ ಡಿಸೋಜಾ ಅವರು ಪ್ರಾಸ್ತಾವಿಕ ಮಾತನಾಡಿದ ಅವರು, “ಸಮಾಜದಲ್ಲಿ ಯಾವ ಪ್ರತಿಯೊಬ್ಬ ಮಹಿಳೆಗೂ ಅನ್ಯಾಯ ಆಗಬಾರದು. ಮಹಿಳೆಯರಿಗೆ ಅನ್ಯಾಯ, ದೌರ್ಜನ್ಯ ಆದಾಗಲೆಲ್ಲ ರೋಶನಿ ಸಮಾಜ ಸೇವಾ ಸಂಸ್ಥೆ ಮೂಲಕ ಪ್ರತಿಭಟನೆ ಮಾಡುತ್ತಾ ಬಂದಿದ್ದೇವೆ” ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ಹುಬ್ಬಳ್ಳಿ ಪ್ರಾಂತ್ಯದ ಪ್ರಾಂತೀಯ ಸಲಹೆದಾರರು ಸಿಸ್ಟರ್ ಸ್ಟೆಲ್ಲಾ ಸಲ್ಡಾನ್ಹಾ ಅಧ್ಯಕ್ಷೀಯ ನುಡಿಗಳನ್ನಾಡಿದರು. ಆದರ್ಶ ತಾಲೂಕು ಮಹಿಳಾ ಒಕ್ಕೂಟದ ಅಧ್ಯಕ್ಷರು ಗಂಗಾ ಗೋಣಿಬಸಣ್ಣನವರ ಹಾಗೂ ಪ್ರಗತಿಪರ ಸಂಘಟನೆ ಅಧ್ಯಕ್ಷರು ಎನ್.ಎಮ್ ಪೂಚಾರ, ಫೈರೋಸ್ ಸೇರಿದಂತೆ ಅನೇಕ ಗಣ್ಯರು, ಮಹಿಳೆಯರು ವೇದಿಕೆ ಮೇಲಿದ್ದರು. ವೇದಿಕೆ ಮುಂಭಾಗದಲ್ಲಿ ಮಹಿಳೆಯರು ಉಪಸ್ಥಿತರಿದ್ದರು.
