ದಕ್ಷಿಣ ಕನ್ನಡ ಜಿಲ್ಲೆಯ ಉಳ್ಳಾಲ ಹೊಯಿಗೆಯ ನೇತ್ರಾವತಿ ನದಿಯ ಹಿನ್ನೀರಿನಲ್ಲಿ ನಿರ್ಮಿಸಿರುವ ಪಾದಚಾರಿ ಸೇತುವೆ ಕುಸಿದಿದ್ದು, ಇದರ ಪರಿಶೀಲನೆಗೆ ಮಂಗಳೂರು ಉಪ ಆಯುಕ್ತ ದರ್ಶನ್ ಎಚ್ ವಿ ಮತ್ತು ಎಂಸಿಸಿ ಆಯುಕ್ತ ರವಿಚಂದ್ರ ನಾಯಕ್ ದೋಣಿಯಲ್ಲಿ ಪ್ರಯಾಣಿಸಿದರು.
ನಾಲ್ಕು ವರ್ಷಗಳ ಹಿಂದೆಯೇ ಕುಸಿದಿರುವ ಸೇತುವೆಯನ್ನು ಪುನರ್‌ ನಿರ್ಮಾಣ ಮಾಡಿಕೊಡುವಂತೆ ಮನವಿ ಮಾಡಿದ್ದ ಸ್ಥಳೀಯರ ಕಳವಳಕ್ಕೆ ಸ್ಪಂದಿಸಿದ ಉಪ ಆಯುಕ್ತರು, ಸ್ಥಳಕ್ಕೆ ಭೇಟಿ ನೀಡಿ ವಿವರವಾದ ಪರಿಶೀಲನೆ ನಡೆಸಿದರು.
ಹಲವು ವರ್ಷಗಳ ಹಿಂದೆ, ಮಂಗಳೂರು ಮಹಾನಗರ ಪಾಲಿಕೆಯ ವಾರ್ಡ್ 54ರಲ್ಲಿ ನೇತ್ರಾವತಿ ನದಿಯ ದಂಡೆಯ ಉದ್ದಕ್ಕೂ ಒಂದು ಪಾದಚಾರಿ ಸೇತುವೆಯನ್ನು ನಿರ್ಮಿಸಲಾಗಿತ್ತು. ಇದರಿಂದ ನಿವಾಸಿಗಳು ನದಿಯ ಉದ್ದಕ್ಕೂ ನಡೆದು ನಗರವನ್ನು ಸುಲಭವಾಗಿ ಪ್ರವೇಶಿಸಬಹುದಾಗಿತ್ತು.
ಈ ಸುದ್ದಿ ಓದಿದ್ದೀರಾ? ಗದಗ | ವಿವಿಧ ಬೇಡಿಕೆಗಳನ್ನು ಈಡೇರಿಸುವಂತೆ ಅತಿಥಿ ಉಪನ್ಯಾಸಕರು ಧರಣಿ
ಈ ಪ್ರದೇಶದಲ್ಲಿ 300ಕ್ಕೂ ಹೆಚ್ಚು ಕುಟುಂಬಗಳು ವಾಸಿಸುತ್ತಿದ್ದು, ಪಾದಚಾರಿ ಮಾರ್ಗವು ಅನುಕೂಲಕರ ಸಂಪರ್ಕವಾಗಿ ಕಾರ್ಯನಿರ್ವಹಿಸುತ್ತಿತ್ತು. ಈ ಸೇತುವೆ ಕುಸಿದಿರುವುದರಿಂದ ಸ್ಥಳೀಯ ನಿವಾಸಿಗಳಿಗೆ ಗಮನಾರ್ಹ ಅನಾನುಕೂಲತೆ ಉಂಟಾಗಿತ್ತು. ಅಂದಿನಿಂದ ಸ್ಥಳೀಯರು ದುರಸ್ತಿ ಅಥವಾ ಪುನರ್‌ ನಿರ್ಮಾಣಕ್ಕಾಗಿ ಒತ್ತಾಯಿಸುತ್ತಿದ್ದರು.
