ಬಂಡಾಯ ಸಾಹಿತ್ಯ ಸಂಘಟನೆ ‘ಚಳವಳಿಯ ಸಂಗಾತಿಯಾಗಿ ಕನ್ನಡ ಸಾಹಿತ್ಯ’ ವಿಷಯ ಕುರಿತು ತುಮಕೂರು ನಗರದ ರವೀಂದ್ರ ಕಲಾ ನಿಕೇತನ ಸಭಾಂಗಣದಲ್ಲಿ ಜುಲೈ 27ರಂದು ರಾಜ್ಯ ಮಟ್ಟದ ಸಾಹಿತ್ಯ ಸಂವಾದ ಆಯೋಜಿಸಿದೆ
ದಲಿತ ಚಳವಳಿ, ಮಹಿಳಾ ಚಳವಳಿ, ಕನ್ನಡ ಚಳವಳಿ ಹಾಗೂ ರೈತ, ಕಾರ್ಮಿಕ ಚಳವಳಿಯ ಆಶಯಗಳು ಅಭಿವ್ಯಕ್ತ-ಗೊಂಡ ವಿಧಾನವನ್ನು ಚರ್ಚಿಸಲಾ ಗುತ್ತದೆ. ಪ್ರತಿ ಗೋಷ್ಠಿಯಲ್ಲಿ ವಿಷಯ ಮಂಡನೆ ಬಳಿಕ ಸಂವಾದಕ್ಕೆ ಸಮಯ ನೀಡುವುದು ಕಾರ್ಯಕ್ರಮದ ಮುಖ್ಯ ಆಶಯವಾಗಿದೆ ಎಂದು ಸಾಹಿತಿ ಪ್ರೊ. ಬರಗೂರು ರಾಮಚಂದ್ರಪ್ಪ ತಿಳಿಸಿದ್ದಾರೆ
ರಾಜ್ಯದ ವಿವಿಧ ಭಾಗಗಳ ವಿದ್ವಾಂಸರು ವಿಷಯ ಮಂಡಿಸುವರು. ಚಳವಳಿ ಪ್ರಜ್ಞೆಯನ್ನು ತಾತ್ವಿಕ ನೆಲೆಯಲ್ಲಿ ಜಾಗೃತವಾಗಿಸಲು ಸಂವಾದ ಏರ್ಪಡಿಸಿದೆ. ಈ ವರ್ಷ ಕೆಲ ಜಿಲ್ಲೆಗಳಲ್ಲಿ ರಚನಾತ್ಮಕ ಚಳವಳಿ ಕೇಂದ್ರಿತ ಕಾರ್ಯಕ್ರಮ ಏರ್ಪಡಿಸಲಾಗುವುದು ಎಂದಿದ್ದಾರೆ.
ಹರಿಕಥಾ ವಿದ್ವಾನ್ ಲಕ್ಷ್ಮಣದಾಸ್ ಕಾವ್ಯ ಗಾಯನದ ಮೂಲಕ ಜುಲೈ 27ರಂದು ಕಾರ್ಯಕ್ರಮಕ್ಕೆ ಚಾಲನೆ ನೀಡುವರು. ಆಸಕ್ತರು ವಿವರಗಳಿಗೆ ಬಂಡಾಯ ಸಾಹಿತ್ಯ ಸಂಘಟನೆ ಜಿಲ್ಲಾ ಸಂಚಾಲಕರಾದ ನಾಗಭೂಷಣ್ ( 9964852518) ಇಲ್ಲವೇ ಓ.ನಾಗರಾಜ್ (ಮೊಬೈಲ್ 9448659646) ಸಂಪರ್ಕಿಸಬಹುದು.
