ಸರ್ಕಾರ ಕಾರ್ಮಿಕರ ಇಎಸ್ಐ ಸಮಸ್ಯೆ ಬಗೆಹರಿಸಬೇಕು ಶಾಶ್ವತ ಪರಿಹಾರಕ್ಕೆ ಕುಂದಾಪುರದಲ್ಲಿ ಸರ್ಕಾರ ಇಎಸ್ಐ ಆಸ್ಪತ್ರೆ ಮಂಜೂರು ಮಾಡಬೇಕು, ಬ್ರಹ್ಮಾವರದಲ್ಲಿ ಮಂಜೂರಾದ ಇಎಸ್ಐ ಆಸ್ಪತ್ರೆ ಕಾಮಗಾರಿ ಶೀಘ್ರ ಆರಂಭಿಸಬೇಕು, ಪಿಎಫ್ ಪಿಂಚಣಿ ರೂ,9000/- ಕ್ಕೆ ಹೆಚ್ಚಳ ಮಾಡಬೇಕು,ಪಿಎಫ್ ಮತ್ತು ಪಿಂಚಣಿ ಹಿಂಪಡೆಯುವ ಕಾನೂನು ಬದಲಾವಣೆ ಕಾರ್ಮಿಕ ವಿರೋಧಿಯಾಗಿ ಮಾಡಿರುವುದನ್ನು ಖಂಡಿಸಿ ನಿರ್ಣಯ ಮಾಡಲಾಯಿತು.
ರಾಜ್ಯ ಸರ್ಕಾರ ಪರಿಷ್ಕರಿಸಿದ ಕನಿಷ್ಠ ಕೂಲಿ ಯಥಾವತ್ತಾಗಿ ಜಾರಿ ಮಾಡಬೇಕು ಎಂದು ಇಂದು ಕುಂದಾಪುರ ಹಂಚು ಕಾರ್ಮಿಕರ ಭವನದಲ್ಲಿ ನಡೆದ 26 ನೇ ವಾರ್ಷಿಕ ಮಹಾಸಭೆಯಲ್ಲಿ ನಿರ್ಣಯ ಕೈಗೊಳ್ಳಲಾಯಿತು.
ಸಭೆಯ ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿದ ಉಡುಪಿ ಜಿಲ್ಲಾ ಹಂಚು ಕಾರ್ಮಿಕರ ಸಂಘ (ಸಿಐಟಿಯು) ಅಧ್ಯಕ್ಷರಾದ ವಿ.ನರಸಿಂಹ, ಅವರು ಕಾರ್ಮಿಕ ವರ್ಗದ ಉತ್ತಮ ಬದುಕಿಗಾಗಿ
ದಾಳಿ ದಬ್ಬಾಳಿಕೆ ಎದುರಿಸಿ ಸಂಘಟನೆ ಬೆಳೆದಿದೆ ಅಲ್ಲದೇ ಅಂತಹ ಕಾರ್ಮಿಕರ ಜೊತೆಯಲ್ಲಿ ಗ್ರಾಮಗಳ ಜನರಿಗೂ ಸಮಾಜ ಸೇವೆ ಮಾಡಲೂ ಸಾಧ್ಯವಾಗಿರುವುದು ಸಂಘದ ಇತಿಹಾಸ ಎಂದು ಹೇಳಿದರು.
ಇಂದಿಗೂ ಹಲವು ಸಮಸ್ಯೆಗಳನ್ನು ಪರಿಹರಿಸಲು ಸಂಘ ನಿರಂತರವಾಗಿ ಪ್ರಾಮಾಣಿಕವಾಗಿ ತೊಡಗಿಸಿಕೊಂಡಿದೆ ಎಂದು ಹೇಳಿದರು.
ಸಂಘದ ಪ್ರಧಾನ ಕಾರ್ಯದರ್ಶಿ ಎಚ್ ನರಸಿಂಹ ವಾರ್ಷಿಕ ಕರಡು ವರದಿ ಮಂಡಿಸಿದರು, ಕೋಶಾಧಿಕಾರಿ ಪ್ರಕಾಶ್ ಕೋಣಿ ವಾರ್ಷಿಕ ಲೆಕ್ಕಪತ್ರ ಮಂಡಿಸಿದರು. ವರದಿ, ಲೆಕ್ಕ ಪತ್ರ ಮೇಲೆ ಚರ್ಚೆ ನಡೆಸಿ ಅಂಗೀಕಾರ ಮಾಡಲಾಯಿತು.
ಮಹಾಸಭೆಯಲ್ಲಿ ಅತಿಥಿಗಳಾಗಿ ಸಿಐಟಿಯು ರಾಜ್ಯ ಕಾರ್ಯದರ್ಶಿ ಸುರೇಶ್ ಕಲ್ಲಾಗರ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ ವಿ, ಹಿರಿಯ ಮುಖಂಡ ಕೆ ಶಂಕರ್,ಮಹಾಬಲ ವಡೇರಹೋಬಳಿ,ಜನವಾದಿ ಮಹಿಳಾ ಸಂಘಟನೆಯ ಶೀಲಾವತಿ, ಬೀಡಿ ಕಾರ್ಮಿಕರ ಸಂಘದ ಬಲ್ಕೀಸ್ ಇದ್ದರು.
ಸಂಘದ ಪದಾಧಿಕಾರಿಗಳಾದ ಸುರೇಂದ್ರ ಎಚ್, ಚಂದ್ರ ಪೂಜಾರಿ, ಲಕ್ಷ್ಮಣ ಡಿ, ಜಿ ಡಿ ಪಂಜುಪೂಜಾರಿ ಉಪಸ್ಥಿತರಿದ್ದರು.
ಹೊಸ ಸಮಿತಿ ಆಯ್ಕೆ: ಅಧ್ಯಕ್ಷರಾಗಿ ವಿ ನರಸಿಂಹ, ಪ್ರಧಾನ ಕಾರ್ಯದರ್ಶಿ ಯಾಗಿ ಎಚ್ ನರಸಿಂಹ ಕೋಶಾಧಿಕಾರಿ ಪ್ರಕಾಶ್ ಕೋಣಿಯನ್ನು ಸೇರಿದಂತೆ ಪದಾಧಿಕಾರಿಗಳು,ಕಾರ್ಯಕಾರಿ ಸಮಿತಿಯನ್ನು ಮಹಾಸಭೆ ಆಯ್ಕೆ ಮಾಡಿತು.
