ಈ ಬಾರಿಯ ದೀಪಾವಳಿಯು ದೇಶದ ವಿವಿಧ ರಾಜ್ಯಗಳಲ್ಲಿ ಶಾಲೆಗಳಿಗೆ ಹೆಚ್ಚುವರಿ ಮತ್ತು ವಿಸ್ಕೃತ ರಜೆಗಳನ್ನು ಒಳಗೊಂಡಿದೆ. ದೀಪಾವಳಿ ಹಬ್ಬಕ್ಕಾಗಿ ದೇಶಾದ್ಯಂತ ಶಾಲೆಗಳು ಮತ್ತು ಇತರ ಶಿಕ್ಷಣ ಸಂಸ್ಥೆಗಳಿಗೆ ಸುಮಾರು ಒಂದು ವಾರದವರೆಗೆ ರಜೆ ಇರಲಿದೆ. ಕರ್ನಾಟಕದಲ್ಲಿ ದಸರಾ ರಜೆ ವಿಸ್ತರಣೆಗೊಂಡಿದ್ದು, ಮಕ್ಕಳಿಗೆ ಹೆಚ್ಚುವರಿಯಾಗಿ ಮತ್ತಷ್ಟು ರಜೆಗಳು ದೊರೆತಿವೆ. ವಿವಿಧ ರಾಜ್ಯಗಳಲ್ಲಿ ಧಂತೇರಸ್, ಛೋಟಿ ದೀಪಾವಳಿ, ಗೋವರ್ಧನ ಪೂಜೆ ಹಾಗೂ ಭಾಯಿ ದೂಜ್‌ನಂತಹ ಹಲವಾರು ಹಬ್ಬಗಳಿದ್ದು, ಹೆಚ್ಚು ರಜೆಗಳು ಇರಲಿವೆ.
ಈ ವರ್ಷ, ದೀಪಾವಳಿಯನ್ನು ಅಕ್ಟೋಬರ್ 20 ರಂದು ಆಚರಿಸಲಾಗುತ್ತದೆ. ಕರ್ನಾಟಕ, ಮಹಾರಾಷ್ಟ್ರ, ರಾಜಸ್ಥಾನ, ಬಿಹಾರ ಹಾಗೂ ಉತ್ತರ ಪ್ರದೇಶ ರಾಜ್ಯಗಳಲ್ಲಿ ಶಾಲೆಗಳಿಗೆ ಅಧಿಕ ರಜೆಗಳು ದೊರೆಯಲಿವೆ.
ಕರ್ನಾಟಕದಲ್ಲಿ ಸಾಮಾಜಿಕ ಆರ್ಥಿಕ ಜಾತಿ ಸಮೀಕ್ಷೆ ನಡೆಯುತ್ತಿದೆ. ಸಮೀಕ್ಷೆಯಲ್ಲಿ ಶಿಕ್ಷಕರ ತೊಡಗಿರುವುದರಿಂದ, ಶಾಲೆಗಳಿಗೆ ದಸರಾ ರಜೆಯನ್ನು ಅಕ್ಟೋಬರ್ 18ರವರೆಗೆ ವಿಸ್ತರಿಸಲಾಗಿದೆ. ಇದರ ಜೊತೆಗೆ, ಅಕ್ಟೋಬರ್ 20 (ನರಕ ಚತುರ್ದಶಿ) ಮತ್ತು ಅಕ್ಟೋಬರ್ 22 (ಬಲಿಪಾಡ್ಯಮಿ, ದೀಪಾವಳಿ) ಕೂಡ ಇದ್ದು, ಅಧಿಕೃತ ರಜಾದಿನಗಳಾಗಿವೆ.
ಇನ್ನು ಮಹಾರಾಷ್ಟ್ರದಲ್ಲಿ ಅಕ್ಟೋಬರ್ 20 ರಿಂದ 25 ರವರೆಗೆ ಶಾಲೆಗಳಿಗ ರಜೆ ಇರಲಿದೆ. ಅಕ್ಟೋಬರ್ 19 ಮತ್ತು ಅಕ್ಟೋಬರ್ 26 ಭಾನುವಾರಗಳಾಗಿರುವುದರಿಂದ, ವಿದ್ಯಾರ್ಥಿಗಳು ವಿಸ್ತೃತ ರಜೆಗಳನ್ನು ಪಡೆಯಲಿದ್ದಾರೆ.
ರಾಜಸ್ಥಾನದಲ್ಲಿ ದೀಪಾವಳಿ ರಜೆಗಳು ಅಕ್ಟೋಬರ್ 13ರಿಂದ 24 ರವರೆಗೆ ಇರಲಿವೆ. ಬಿಹಾರದಲ್ಲಿ ಅಕ್ಟೋಬರ್ 18 ರಿಂದ ನಾಲ್ಕು ದಿನಗಳ ಕಾಲ ರಜೆ ಇರಲಿದೆ. ಉತ್ತರ ಪ್ರದೇಶ ಮತ್ತು ಪಶ್ಚಿಮ ಬಂಗಾಳದಲ್ಲಿ ಅಕ್ಟೋಬರ್ 19ರಿಂದ 23ರವರೆಗೆ ರಜೆ ಇರಲಿವೆ. ಉಳಿದೆಲ್ಲ ರಾಜ್ಯಗಳಲ್ಲಿಯೂ ಅಕ್ಟೋಬರ್ 19ರಿಂದ 22ರವರೆಗೆ ರಜೆ ಇರಲಿವೆ.
