ಭಾರತೀಯರ ವಿರುದ್ಧ ಪಾಶ್ಚಿಮಾತ್ಯ ದೇಶಗಳ ಕೆಲವು ಸಾಮಾಜಿಕ ಜಾಲತಾಣ ವೇದಿಕೆಗಳಲ್ಲಿ ಜಾನಾಂಗೀಯ ದ್ವೇಷದ ಪೋಸ್ಟ್‌ಗಳು ಹೆಚ್ಚಾಗಿ ಪ್ರಕಟವಾಗುತ್ತಿವೆ. ಆ ಪೋಸ್ಟ್‌ಗಳು ಭಾರತೀಯರನ್ನು ಅವಹೇಳನಕಾರಿ, ದ್ವೇಷ ಹಾಗೂ ಅಪಹಾಸ್ಯ ಮಾಡುತ್ತಿವೆ. ಭಾರತೀಯರ ವಿರುದ್ಧ ವರ್ಣಭೇದ ನೀತಿಯನ್ನು ಅನುಸರಿಸುತ್ತಿವೆ. ಅಂತಹ ಪೋಸ್ಟ್‌ಗಳಲ್ಲಿ ಓರ್ವ ಭಾರತೀಯನ ಚಿತ್ರವನ್ನು ಅಗಾಧವಾಗಿ ಬಳಸಿಕೊಳ್ಳಲಾಗುತ್ತಿದೆ. ಆತನನ್ನೂ ಸೇರಿದಂತೆ ಭಾರತೀಯರನ್ನು ನಿಂದಿಸಲಾಗುತ್ತಿದೆ.
ವರ್ಣಬೇಧ ನೀತಿಅನ್ನು ಅನುಸರಿಸುವ ಖಾತೆಗಳಲ್ಲಿ ಹಂಚಿಕೊಳ್ಳಲಾಗಿರುವ ಪೋಸ್ಟ್‌ಗಳಲ್ಲಿ ಕಾಣುವ ಚಿತ್ರವು ಪುಣೆಯ ರಾಜೇಂದ್ರ ಪಾಂಚಾಲ್ ಅವರದ್ದು. ಅವರು ಕೇವಲ ಒಂದು ವರ್ಷ ವಯಸ್ಸಿನವರಿದ್ದಾಗ, ನಡೆಯಲು ಆರಂಭಿಸಿದ್ದ ದಿನಗಳಲ್ಲಿ ಅವರು ಆಯತಪ್ಪಿ ಬಿದ್ದಿದ್ದರು. ಆಗ, ಅವರ ದವಡೆಗೆ ಗಂಭೀರವಾಗಿ ಪೆಟ್ಟುಬಿದ್ದಿತ್ತು. ಆ ಪೆಟ್ಟಿನಿಂದಾದ ಹಾನಿಯನ್ನು ಸರಿಪಡಿಸಿಕೊಳ್ಳಲು, ಅವರ ಆರ್ಥಿಕ ಪರಿಸ್ಥಿತಿಯಿಂದಾಗಿ ಉತ್ತಮ ವೈದ್ಯಕೀಯ ಸೌಲಭ್ಯ ಪಡೆದುಕೊಳ್ಳಲು ಸಾಧ್ಯವಾಗಲಿಲ್ಲ. ಪರಿಣಾಮವಾಗಿ, ಪಾಂಚಾಲ್ ಅವರ ದವಡೆಯು ಒಳಭಾಗಗಕ್ಕೆ ಬೆಸೆದುಕೊಂಡಿತು, ಅವರು ತಮ್ಮ ಬಾಯಿಯನ್ನು ಸರಿಸುಮಾರು 1.5 ಸೆಂ.ಮೀ ಗಿಂತ ಹೆಚ್ಚು ತೆರೆಯಲು ಸಾಧ್ಯವಾಗದ ಪರಿಸ್ಥಿತಿ ಉಂಟಾಯಿತು. ಇದನ್ನು, ಟೆಂಪೊರೊಮ್ಯಾಂಡಿಬ್ಯುಲರ್ ಜಾಯಿಂಟ್ (ಟಿಎಂಜೆ) ಆಂಕೈಲೋಸಿಸ್ ಎನ್ನುತ್ತಾರೆ.
ಕಳೆದ 38 ವರ್ಷಗಳಿಂದ ಪಾಂಚಾಲ್ ಅವರು ಘನ ಆಹಾರವನ್ನು ತಿನ್ನಲು ಸಾಧ್ಯವಾಗದೆ ಬಳಲುತ್ತಿದ್ದಾರೆ. ಅವರು ದ್ರವ ಮತ್ತು ಮೃದು ಆಹಾರ ಸೇವಿಸುತ್ತಲೇ ಬದುಕಿದ್ದಾರೆ. ಆಹಾರವನ್ನು ಸರಿಯಾಗಿ ಸೇವಿಸಲು ಸಾಧ್ಯವಾಗದ ಪರಿಸ್ಥಿತಿಯು ಅವರನ್ನು ಅಪೌಷ್ಟಿಕತೆಗೆ ದುಡಿತು. 2017ರಲ್ಲಿ, ಅವರು ಅಂತಿಮವಾಗಿ ಎಂ.ಎ ರಂಗೂನ್‌ವಾಲಾ ಕಾಲೇಜ್ ಆಫ್ ಡೆಂಟಲ್ ಸೈನ್ಸಸ್ ಮತ್ತು ರಿಸರ್ಚ್ ಸೆಂಟರ್‌ನಲ್ಲಿ ಶಸ್ತ್ರಚಿಕಿತ್ಸೆಗೆ ಒಳಗಾದರು. ಅಲ್ಲಿ ಅವರ ದವಡೆಯನ್ನು ಮರುಹೊಂದಿಸಲಾಯಿತು. ಮ್ಯಾಕ್ಸಿಲೊಫೇಶಿಯಲ್ ಸರ್ಜನ್ ಡಾ ಸಮೀರ್ ಗಾರ್ಡೆ ಅವರು ಶಸ್ತ್ರಚಿಕಿತ್ಸೆಯನ್ನು ಉಚಿತವಾಗಿ ಮಾಡಿದರು.
“ಇದು ಅಪರೂಪದ ಪ್ರಕರಣ. ಸಾಮಾನ್ಯವಾಗಿ ಈ ರೀತಿಯ ಸಮಸ್ಯೆ ಇದ್ದಾಗ, ಹೆಚ್ಚು ವಿಳಂಬವಿಲ್ಲದೆ ಚಿಕಿತ್ಸೆ ನೀಡಲಾಗುತ್ತದೆ. ಆದರೆ, ಪಾಂಚಾಲ್ ಅವರು 38 ವರ್ಷಗಳಿಂದ ಈ ಸ್ಥಿತಿಯಲ್ಲಿಯೇ ಬದುಕಿದ್ದಾರೆ. ಇದು ಅತ್ಯಂತ ಅಪರೂಪವಾಗಿದೆ” ಎಂದು ಗಾರ್ಡೆ ಹೇಳಿದ್ದಾರೆ.
The Indian meme guy is Rajendra Panchal from Pune. At the age of 1, he fell on his face and misaligned his jaw. His parents were unable to get him medical attention. His jaw fused together, he had difficulty speaking and subsisted on a liquid diet for the next 38 years
— Derek Fine Allen🛑 (@DFine2002) November 25, 2025
In 2018,… https://t.co/MlVMVY1Fgw pic.twitter.com/1O9g16GHQp
“ಶಸ್ತ್ರಚಿಕಿತ್ಸೆಯು ನಾಲ್ಕು ಗಂಟೆಗಳಿಗೂ ಹೆಚ್ಚು ಕಾಲ ನಡೆಯಿತು. ಈ ಸಮಯದಲ್ಲಿ ಅವರ ಇಕ್ಕಟ್ಟಿನಿಂದ ಬೆಸೆದುಕೊಂಡಿದ್ದ ತಲೆಬುರುಡೆಯ ಮೂಳೆಯನ್ನು ಬಿಡುಗಡೆ ಮಾಡಲಾಯಿತು” ಎಂದು ಹೇಳಿದ್ದಾರೆ.
ಭಾರತೀಯರ ವಿರುದ್ಧ ವರ್ಣಭೇದ ನೀತಿ
ಭಾರತೀಯರ ವಿರುದ್ಧದ ವರ್ಣಭೇದ ನಿಂದನೆಯು ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚಾಗಿ ಕಂಡುಬರುತ್ತಿದೆ. ಅಮೆರಿಕದಿಂದ ಪ್ರಕಟವಾಗುತ್ತಿರುವ ಅವಹೇಳನಕಾರಿ ಪೋಸ್ಟ್‌ಗಳಿಗೆ ಪಾಂಚಾಲ್ ಮತ್ತು ಇತರ ಮತ್ತೊಬ್ಬ ವ್ಯಕ್ತಿಯ ಚಿತ್ರಗಳನ್ನು ಹೆಚ್ಚಾಗಿ ಬಳಸಲಾಗುತ್ತಿದೆ. ಅಲ್ಲದೆ, ಅಮೇರಿಕನ್ ಕ್ರಿಪ್ಟೋಕರೆನ್ಸಿ-ಆಧಾರಿತ ಪಾಲಿಮಾರ್ಕೆಟ್ ಕಂಪನಿಯು ‘ಭಾರತ, ನೈಜೀರಿಯಾ ಮತ್ತು ಟರ್ಕಿ ಮೂಲದ ಕೆಲವರು ಮಹಿಳೆಯರಂತೆ ವರ್ತಿಸುತ್ತಿದ್ದಾರೆ’ ಎಂದು ನಿಂದಿಸಿದೆ. ಬಳಿಕ ಆ ಪೋಸ್ಟ್‌ಅನ್ನು ಅಳಿಸಿಹಾಕಿದೆ.
ಬಳಿಕ, ಕಂಪನಿಯ ಮುಖ್ಯ ಕಾನೂನು ಅಧಿಕಾರಿ ನೀಲ್ ಕುಮಾರ್ ಅವರು, ತಮ್ಮ ಕಂಪನಿಯಿಂದ ಪ್ರಕಟವಾದ ಅವಹೇಳನಾಕಾರಿ ಪೋಸ್ಟ್ ಕಾರಣಕ್ಕಾಗಿ ಕ್ಷಮೆಯಾಚಿಸಿದ್ದಾರೆ. ಪೋಸ್ಟ್ ವಿಚಾರವಾಗಿ ಕಂಪನಿಯು ಸಂಪೂರ್ಣ ಜವಾಬ್ದಾರಿಯನ್ನು ತೆಗೆದುಕೊಳ್ಳುತ್ತದೆ. ನಾನೊಬ್ಬ ಭಾರತೀಯ ಅಮೆರಿಕನ್ ಪ್ರಜೆಯಾಗಿ ತಮ್ಮ ಕಂಪನಿ ಬಳಸಿದ ಪದಗಳ ಇತಿಹಾಸವನ್ನು ಹುಡುಕುತ್ತಿದ್ದೇನೆ ಎಂದು ಹೇಳಿದ್ದಾರೆ.
