ವಿಶ್ವಕಪ್ ಟೂರ್ನಿಯಲ್ಲಿ ಇಂದು ನ್ಯೂಝಿಲ್ಯಾಂಡ್ ಹಾಗೂ ಪಾಕಿಸ್ತಾನದ ನಡುವೆ ನಡೆಯುತ್ತಿರುವ ‘ಮಾಡು ಇಲ್ಲವೇ ಮಡಿ’ ಪಂದ್ಯದಲ್ಲಿ ಕಿವೀಸ್, ಪಾಕಿಸ್ತಾನಕ್ಕೆ ಗೆಲ್ಲಲು 402 ರನ್‌ಗಳ ಕಠಿಣ ಸವಾಲನ್ನು ನೀಡಿದೆ.
ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ 35ನೇ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ನ್ಯೂಝಿಲ್ಯಾಂಡ್, ನಿಗದಿತ 50 ಓವರ್‌ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 401 ರನ್ ದಾಖಲಿಸಿತು.
The team’s highest ever @cricketworldcup total and second highest ODI total ever! Time to bowl in Bengaluru. Follow play LIVE in NZ with @skysportnz. LIVE scoring | https://t.co/3Nuzua3Jiu #CWC23 pic.twitter.com/B86JlS0wo9
— BLACKCAPS (@BLACKCAPS) November 4, 2023
ಟಾಸ್ ಗೆದ್ದುಕೊಂಡಿದ್ದರೂ ಮೊದಲಿಗೆ ಬೌಲಿಂಗ್ ಮಾಡುವ ಪಾಕ್ ನಾಯಕ ಬಾಬರ್ ಆಝಂ ಆಯ್ಕೆಯನ್ನು ಸಮರ್ಥಿಸಿಕೊಳ್ಳುವಲ್ಲಿ ಸಂಪೂರ್ಣ ವಿಫಲರಾದ ಬೌಲರ್‌ಗಳು, ನ್ಯೂಝಿಲ್ಯಾಂಡ್ ಬ್ಯಾಟರ್‌ಗಳಿಂದ ಚಚ್ಚಿಸಿಕೊಂಡರು.
ವಿಶ್ವಕಪ್‌ನಲ್ಲಿ ಮತ್ತೊಮ್ಮೆ ಮಿಂಚಿದ ರಚಿನ್ ರವೀಂದ್ರ ದಾಖಲೆ
ನ್ಯೂಝಿಲ್ಯಾಂಡ್‌ನ 23ರ ಹರೆಯದ ಎಡಗೈ ಬ್ಯಾಟರ್, ಭಾರತೀಯ ಮೂಲದ ರಚಿನ್ ರವೀಂದ್ರ ವಿಶ್ವಕಪ್‌ನಲ್ಲಿ ಮತ್ತೊಮ್ಮೆ ಮಿಂಚಿದ್ದಾರೆ. ಪಾಕ್ ವಿರುದ್ಧ ಶತಕ ಬಾರಿಸಿ ದಾಖಲೆ ನಿರ್ಮಿಸಿದ್ದಾರೆ.
ಇಂದಿನ ಪಂದ್ಯದಲ್ಲಿ ರಚಿನ್ ರವೀಂದ್ರ 94 ಎಸೆತಗಳಲ್ಲಿ 1 ಸಿಕ್ಸ್ ಹಾಗೂ 15 ಬೌಂಡರಿಯ ನೆರವಿನಿಂದ 108 ರನ್ ಗಳಿಸಿ, ಮಿಂಚಿದರು. ಈ ಮೂಲಕ ಎರಡು ಹೊಸ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆಸಿಕೊಂಡಿದ್ದಾರೆ.
Rachin – 108 (94).
Williamson – 95 (79).
Phillips – 41 (25).New Zealand 401/6 – their highest ever World Cup total in history…!!! pic.twitter.com/PRDCakHOlE
— Mufaddal Vohra (@mufaddal_vohra) November 4, 2023
ತಮ್ಮ ಮೊದಲ ವಿಶ್ವಕಪ್‌ನಲ್ಲಿ 500ಕ್ಕೂ ಹೆಚ್ಚು ರನ್ ಗಳಿಸಿದಲ್ಲದೇ, ಈ ಸಾಧನೆ ಮಾಡಿದ 2ನೇ ಆಟಗಾರನಾಗಿ ಹೊರಹೊಮ್ಮಿದರು. ಇದಕ್ಕೂ ಮುನ್ನ ಬೈರ್‌ಸ್ಟೋವ್ 2019ರ ವಿಶ್ವಕಪ್‌ನಲ್ಲಿ 532 ರನ್ ಗಳಿಸಿದ್ದರು. ಮತ್ತೊಂದೆಡೆ, 500ಕ್ಕೂ ಹೆಚ್ಚು ರನ್ ಗಳಿಸಿದ 2ನೇ ಕಿರಿಯ ಬ್ಯಾಟರ್ ಎಂಬ ದಾಖಲೆ ಬರೆದರು. ಇದಕ್ಕೂ ಮುನ್ನ ಸಚಿನ್ ತೆಂಡೂಲ್ಕರ್ 1996ರ ವಿಶ್ವಕಪ್‌ನಲ್ಲಿ 523 ರನ್ ಗಳಿಸಿದ್ದರು.
ಉತ್ತಮ ಆರಂಭ ಪಡೆದಿದ್ದ ನ್ಯೂಝಿಲ್ಯಾಂಡ್, ಡೆವೊನ್ ಕಾನ್ವೆ-ರವೀಂದ್ರ ಜೋಡಿ ಮೊದಲ ವಿಕೆಟ್‌ಗೆ 68 ರನ್‌ಗಳನ್ನು ಕೂಡಿ ಹಾಕಿತು. ಕಾನ್ವೆ 35 ರನ್ ಗಳಿಸಿದ್ದಾಗ ಹಸನ್ ಅಲಿಗೆ ವಿಕೆಟ್ ಒಪ್ಪಿಸಿದರು. ಬಳಿಕ ಕ್ರೀಸ್‌ಗೆ ಬಂದ ನಾಯಕ ಕೇನ್ ವಿಲಿಯಮ್ಸ್ ಕೂಡ ರವೀಂದ್ರ ಜೊತೆಗೆ ಉತ್ತಮ ಜೊತೆಯಾಟ ನೀಡಿದರು. ಈ ಜೋಡಿ ಎರಡನೇ ವಿಕೆಟ್‌ಗೆ 180 ರನ್‌ಗಳ ಜೊತೆಯಾಟ ನಡೆಸಿದರು.
A landmark innings! The first player for the team to have three @cricketworldcup hundreds. Follow play LIVE in NZ with @skysportnz. LIVE scoring | https://t.co/3Nuzua3Jiu #CWC23 pic.twitter.com/XlhZedZGHM
— BLACKCAPS (@BLACKCAPS) November 4, 2023
ಗಾಯದಿಂದ ಚೇತರಿಸಿಕೊಂಡು ಇಂದಿನ ಪಂದ್ಯದಲ್ಲಿ ತಂಡ ಕೂಡಿಕೊಂಡಿದ್ದ ನಾಯಕ ಕೇನ್ ವಿಲಿಯಮ್ಸ್ 95 ರನ್ ಕೊಡುಗೆ ನೀಡಿದರು. 95 ರನ್ ಗಳಿಸಿದ್ದ ವೇಳೆ ಇಫ್ತಿಕಾರ್‌ಗೆ ಬೌಲಿಂಗ್ ಕ್ಯಾಚ್ ಔಟಾಗುವ ಮೂಲಕ, ಶತಕದಿಂದ ವಂಚಿತರಾದರು.
ನಂತರ ಬ್ಯಾಟಿಂಗ್‌ಗೆ ಬಂದ ಡರೆಲ್ ಮಿಚೆಲ್ 29, ಚಾಪ್ಟನ್ 39 ರನ್ ಬಾರಿಸಿದರೆ, ಕೊನೆಯಲ್ಲಿ ಗ್ಲೆನ್ ಫಿಲಿಫ್ಸ್ 41, ಮಿಚೆಲ್ ಸ್ಯಾಂಟನರ್ 26 ರನ್ ಬಾರಿಸಿದರು.
Pakistan are set a target of 402 after Rachin Ravindra and Kane Williamson star for @BLACKCAPS.#NZvPAK | #CWC23 | #DattKePakistani pic.twitter.com/uUbZx4t2BO
— Pakistan Cricket (@TheRealPCB) November 4, 2023
ಪಾಕಿಸ್ತಾನ ಪರ ಮೊಹಮ್ಮದ್ ವಾಸೀಂ 3 ವಿಕೆಟ್ ಪಡೆದರೆ ಹಸನ್ ಅಲಿ, ಇಪ್ಲಿಕಾರ್ ಅಹ್ಮದ್ ಹಾಗೂ ಹಾರಿಸ್ ತಲಾ ಒಂದು ವಿಕೆಟ್ ಕಬಳಿಸಿದರು. ಪ್ರಮುಖ ಬೌಲರ್ ಶಾಹೀನ್ ಶಾ ಅಫ್ರಿದಿ 10 ಓವರ್‌ಗಳಲ್ಲಿ 90 ರನ್ ನೀಡಿ, ದುಬಾರಿಯಾದರು.
ಎರಡೂ ತಂಡಕ್ಕೂ ಗೆಲುವು ಅನಿವಾರ್ಯ
ಸತತ ನಾಲ್ಕು ಗೆಲುವುಗಳ ಬಳಿಕ ‘ಹ್ಯಾಟ್ರಿಕ್’ ಸೋಲಿನಿಂದ ಕಂಗೆಟ್ಟಿರುವ ನ್ಯೂಝಿಲ್ಯಾಂಡ್ ತಂಡ ಒಂದೆಡೆಯಾದರೆ, ಏಳು ಪಂದ್ಯಗಳಲ್ಲಿ ನಾಲ್ಕರಲ್ಲಿ ಸೋತು ಮೂರರಲ್ಲಿ ಗೆದ್ದು ಕೇವಲ ಆರು ಅಂಕ ಗಳಿಸಿರುವ ಪಾಕಿಸ್ತಾನ ತಂಡಕ್ಕೂ ಕೂಡ ಇಂದಿನ ಪಂದ್ಯದಲ್ಲಿ ಗೆಲುವು ಅನಿವಾರ್ಯವಾಗಿದೆ.
Pakistan need to score 402 in 35.3 overs to overtake New Zealand’s NRR. pic.twitter.com/24zMH9DKej
— Mufaddal Vohra (@mufaddal_vohra) November 4, 2023
ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನದಲ್ಲಿ ನಡೆಯುತ್ತಿರುವ ‘ಮಾಡು ಇಲ್ಲವೇ ಮಡಿ’ ಪಂದ್ಯದಲ್ಲಿ ಯಾವ ತಂಡ ಸೆಮಿಫೈನಲ್ ಪ್ರವೇಶದ ಸಾಧ್ಯತೆಯನ್ನು ಜೀವಂತವಾಗಿರಿಸಿಕೊಳ್ಳಲಿದೆ ಎಂದು ಕಾದುನೋಡಬೇಕಿದೆ. ಈ ಎಲ್ಲ ಲೆಕ್ಕಾಚಾರಗಳ ನಡುವೆ ಅಫ್ಘಾನಿಸ್ತಾನ ತಂಡ ಕೂಡ ನಿನ್ನೆ ಲಕ್ನೋದಲ್ಲಿ ನಡೆದ ನೆದರ್‌ಲ್ಯಾಂಡ್ಸ್‌ ವಿರುದ್ಧದ ಪಂದ್ಯದಲ್ಲಿ ಭರ್ಜರಿ ಗೆಲುವು ಸಾಧಿಸುವ ಮೂಲಕ ತಾನೂ ಕೂಡ ಸೆಮಿಫೈನಲ್ ಆಸೆಯನ್ನು ಜೀವಂತವಾಗಿರಿಸಿದೆ. ಒಂದು ವೇಳೆ ಪಾಕಿಸ್ತಾನ ಇಂದಿನ ಪಂದ್ಯದಲ್ಲಿ ಸೋತರೆ ಅಫ್ಘಾನಿಸ್ತಾನದ ಆಸೆ ಮತ್ತಷ್ಟು ಚಿಗುರಲಿದೆ.
