ಅಮೆರಿಕ -ಇಸ್ರೇಲ್ ದಾಳಿಗೆ ಪ್ರತಿಯಾಗಿ ಅರಬ್ ದೇಶಗಳ ಮೇಲೇಕೆ ದಾಲಿ ನಡೆಸಿದೆ ಇರಾನ್? ಈ ದಾಳಿಯ ಮರ್ಮವೇನು ತಿಳಿಯೋಣ ಬನ್ನಿ.
ಇರಾನ್ ಸುತ್ತಮುತ್ತ ಅಮೆರಿಕದ ಭಾರೀ ಮಿಲಿಟರಿ ಜಮಾವಣೆಯು ಗಲ್ಫ್ ರಾಷ್ಟ್ರಗಳ ಸುತ್ತ ಉಲ್ಬಣಗೊಳ್ಳುತ್ತಿರುವ ಗಂಭೀರ ಪರಿಸ್ಥಿತಿಯತ್ತ ಕೈ ಮಾಡಿತ್ತು. ಒಂದು ನಿರ್ದಿಷ್ಟ ಹಂತದ ನಂತರ ದೊಡ್ಡ ಪ್ರಮಾಣದಲ್ಲಿ ಸೈನಿಕ ಸಂಪನ್ಮೂಲಗಳು, ಯುದ್ಧೋಪಕರಣಗಳು, ನೌಕಾಪಡೆ, ವಾಯುಪಡೆ ಹಾಗೂ ಕ್ಷಿಪಣಿ ವ್ಯವಸ್ಥೆಗಳು ಒಂದು ಪ್ರದೇಶದಲ್ಲಿ ಜಮೆಯಾಗಿದೆಯೆಂದರೆ, ಅದು ‘ಹಿಂತಿರುಗಲಾರದ ಹಂತ’ವನ್ನು ತಲುಪುತ್ತದೆ. ಆ ಮಟ್ಟದ ಸಿದ್ಧತೆಯ ನಂತರ ಯುದ್ಧವನ್ನು ತಪ್ಪಿಸುವುದು ಬಹುತೇಕ ಅಸಾಧ್ಯ. ಸೇನಾ ಕಾರ್ಯಾಚರಣೆಗಳ ಚರಿತ್ರೆಯಿಂದ ಹೊಮ್ಮುವ ಈ ಪ್ರಮುಖ ತತ್ವ ಇದೀಗ ನಿಜವಾಗಿದೆ.
ಅಮೆರಿಕ ಮತ್ತು ಇಸ್ರೇಲ್ ಏಕ ಕಾಲಕ್ಕೆ ಲೆಬನಾನ್‌, ಯೆಮನ್‌, ಇರಾಕ್‌ ಹಾಗೂ ಮುಖ್ಯವಾಗಿ ಇರಾನ್ ಮೆಲೆ ದಾಳಿ ಮಾಡಲು ಯೋಜನೆ ರೂಪಿಸಿದ್ದವು. ಇದೇ ಸಂದರ್ಭದಲ್ಲಿ, ಇರಾನ್ ದೇಶವು ಯುನೈಟೆಡ್ ಅರಬ್ ಎಮಿರೇಟ್ಸ್‌, ಜೋರ್ಡನ್, ಬಹ್ರೇನ್ ಹಾಗೂ ಕತಾರ್ ಮೇಲೆ ದಾಳಿಯನ್ನು ಯೋಜಿಸುತ್ತಿತ್ತು. ಕೆಲವು ಅರಬ್ ರಾಷ್ಟ್ರಗಳು ಸ್ವತಃ ಇರಾನ್‌ಗೆ ಯುಎಇ (UAE) ಯನ್ನು ಗುರಿಯಾಗಿಸಲು ಪ್ರಚೋದಿಸಿವೆ ಎಂಬ ಮಾತುಗಳು ಕೇಳಿಬಂದಿದ್ದವು. ಇದು ಆ ಪ್ರದೇಶದ ಒಳರಾಜಕೀಯ ವೈಷಮ್ಯ ಮತ್ತು ಭಿನ್ನಾಭಿಪ್ರಾಯಗಳನ್ನು ತೋರಿಸುತ್ತದೆ.
ಇತ್ತೀಚಿಗಷ್ಟೆ, ಸೌದಿ ಅರೇಬಿಯಾ ಮಾತ್ತು ಯುಎಇ ನಡುವೆ ತೀವ್ರ ಸ್ವರೂಪದ ಬಿಕ್ಕಟ್ಟು ಏರ್ಪಟ್ಟಿತ್ತು. ಬಹ್ರೇನ್‌ನಲ್ಲಿ ಅಮೇರಿಕಾದ Fifth Fleet ಮತ್ತು ಬ್ರಿಟಿಷ್ ನೌಕಾಪಡೆಯ ಪ್ರಮುಖ ನೆಲೆಗಳಿವೆ. ಅಮೆರಿಕಾದ ಸೆಂಟ್ರಲ್‌ ಕಮಾಂಡ್‌ ಮಾತ್ತು ಅಮೆರಿಕದ ಅತಿದೊಡ್ಡ ಮಿಲಿಟರಿ ನೆಲೆ ಕತಾರ್ ನ ಅಲ್-ಉದಿದ್‌. ಬಹ್ರೇನ್ ಮಾತ್ತು ಕತಾರ್ ಪಶ್ಚಿಮ ರಾಷ್ಟ್ರಗಳಿಗೆ ಅತ್ಯಂತ ಪ್ರಮುಖ ಮಿಲಿಟರಿ ನೆಲೆಗಳು. ಇನ್ನೊಂದು ಪ್ರಮುಖ ದೇಶ ಜೋರ್ಡನ್. ಪ್ಯಾಲೆಸ್ತೀನ್‌ ಸಮಸ್ಯೆಯ ಹಿನ್ನೆಲೆಯಲ್ಲಿ ಜೋರ್ಡನ್‌ನ ರಾಜಕೀಯ ಮತ್ತು ಭದ್ರತಾ ಪರಿಸ್ಥಿತಿ ಅತ್ಯಂತ ಸೂಕ್ಷ್ಮವಾಗಿದೆ ಮಾತ್ತು ಇಲ್ಲಿ ಯುದ್ಧೋಪಕರಣಗಳು, ವಾಯುಪಡೆ ದೊಡ್ಡ ಪ್ರಮಾಣದಲ್ಲಿ ನಿಯುಕ್ತಿಗೊಂಡಿದ್ದವು. ಈ ಎಲ್ಲ ಅಂಶಗಳು ಸೇರಿ, ಗಲ್ಫ್ ಮತ್ತು ಮಧ್ಯಪ್ರಾಚ್ಯದಲ್ಲಿ ಸಂಭವಿಸಬಹುದಾದ ಯಾವುದೇ ಯುದ್ಧ ಅಥವಾ ಸಂಘರ್ಷವು ಕೇವಲ ಎರಡು ದೇಶಗಳ ನಡುವೆ ಸೀಮಿತವಾಗದೇ, ಸಂಪೂರ್ಣ ಪ್ರದೇಶವನ್ನು ಒಳಗೊಂಡ ದೊಡ್ಡ ಪ್ರಾದೇಶಿಕ ಸಂಘರ್ಷವಾಗಿ ವಿಸ್ತರಿಸುವ ಸಾಧ್ಯತೆಯನ್ನು ಸೂಚಿಸಿದ್ದವು.
ಈ ಲೇಖನ ಓದಿದ್ದೀರಾ?: ಎಪ್‌ಸ್ಟೀನ್‌ ಪ್ರಕರಣ: ಟ್ರಂಪ್ ಮೇಲಿನ ಲೈಂಗಿಕ ದೌರ್ಜನ್ಯ ಆರೋಪದ ಕಡತಗಳೇ ನಾಪತ್ತೆ
ಬಲಿಷ್ಠ ಶತ್ರುವನ್ನು ದೀರ್ಘಕಾಲ ದುರ್ಬಲಗೊಳಿಸುವ ಪರೋಕ್ಷ ಮತ್ತು ಸೀಮಿತ ಸಂಪನ್ಮೂಲಗಳನ್ನು ಬಳಸಿಕೊಂಡು ಪರಿಣಾಮಕಾರಿ ಸವಾಲು ಒಡ್ಡುವ ಯುದ್ಧನೀತಿಯನ್ನು ಇರಾನ್ ಅವಲಂಬಿಸಿದೆ. ಮುಖ್ಯವಾಗಿ ‘ವಿಶ್ವದ ತೈಲ ಜೀವನಾಡಿ’ ಎಂದು ಕರೆಲ್ಪಡುವ, ವಿಶ್ವದ 20% ರಿಂದ 30% ರಷ್ಟು ಕಚ್ಚಾ ತೈಲ ಹಾದು ಹೋಗುವ ಹಾರ್ಮುಜ್ ಜಲಸಂಧಿಯನ್ನು ಸಂಪೂರ್ಣ ಬಂದ್‌ ಮಾಡಲು ನಮಗೆ ಹೆಚ್ಚು ಸಮಯ ಹಿಡಿಯುವುದಿಲ್ಲ ಎಂದು ಎಚ್ಚರಿಕೆ ಕೊಡುತ್ತಲೇ ಬಂದಿದೆ.
ಈಗಾಗಲೆ, ಕೆಂಪು ಸಮುದ್ರದ ಮೆಲೆ ಗಾಝಾ ನರಮೇದದ ವಿರುದ್ದ ಯೆಮನ್‌ನ ಹೌತಿ (Houthi) ಪಡೆಗಳು ಹಾಕಿರುವ ನಿರ್ಬಂಧದಿಂದ ತ್ತತ್ತರಿಸಿಹೋಗಿರುವ ಜಾಗತಿಕ ವ್ಯಾಪಾರ, ಜಾಗತಿಕ ತೈಲ ಸಾಗಣೆ ಮತ್ತು ವಾಣಿಜ್ಯ ಇನ್ನಷ್ಟು ಬಿಕ್ಕಟ್ಟು ಎದುರಿಸಲಿವೆ. ಅನೇಕ ಹಡಗುಗಳು ಕೆಂಪು ಸಮುದ್ರದ ಮಾರ್ಗವನ್ನು ತಪ್ಪಿಸಿ, ಆಫ್ರಿಕಾದ ದಕ್ಷಿಣ ತುದಿಯಾದ ಕೇಪ್ ಆಫ್ ಗುಡ್ ಹೋಪ್ ಮೂಲಕ ದೀರ್ಘ ಮಾರ್ಗವನ್ನು ಬಳಸಲು ಪ್ರಾರಂಭಿಸಿವೆ. ಇದರಿಂದ ಸಾಗಣೆ ವೆಚ್ಚ ಹೆಚ್ಚಾಗಿದೆ ಮತ್ತು ಸರಕು ಸಾಗಣೆಯಲ್ಲಿ ವಿಳಂಬ ಉಂಟಾಗಿದೆ.
ಒಟ್ಟಾರೆ, ಈ ಮಿಲಿಟರಿ ಬಿಲ್ಡಪ್ ಪ್ರಾದೇಶಿಕ ಮತ್ತು ಜಾಗತಿಕ ರಾಜಕೀಯದ ಮೇಲೆ ಮಹತ್ವದ ಪರಿಣಾಮ ಬೀರುವ ಸಾಧ್ಯತೆಯನ್ನು ಹೊಂದಿದೆ. ನೊರು ವರ್ಷಗಳ ಹಿಂದೆ ಬ್ರಿಟನ್‌ ಮತ್ತು ಫ್ರಾನ್ಸ್‌ ವಸಾಹುತುಗಳು ಎಳೆದ್ದಿದ್ದ ರಾಷ್ಟ್ರೀಯ ಗಡಿ ರೇಖೆಗಳು ಮತ್ತೊಮ್ಮೆ ಬದಲಾವಣೆಗೆ ಸಿದ್ದವಾಗುತ್ತಿದೆ.
