ಕೊಳಚೆ ನೀರು ಸಂಸ್ಕರಣಾ ಘಟಕದಿಂದ ಸಂಸ್ಕರಿತ ನೀರನ್ನು ವಿಭೂತಿಪುರ ಕೆರೆಗೆ ಹರಿಸಲಾಗುವ ಮಳೆ ನೀರು ಚರಂಡಿಯು (ರಾಜ ಕಾಲುವೆ) ಸರಿಯಾಗಿ ನಿರ್ವಹಣೆ ಮಾಡದ ಕಾರಣ ಕೊಳಚೆ ಮತ್ತು ಕಸದಿಂದ ತುಂಬಿಹೋಗಿದೆ. ರಾಜಕಾಲುವೆಗೆ ಹೂಳು ಬಲೆ ಇಲ್ಲವಾಗಿದ್ದು, ಕೆರೆಯಲ್ಲಿಯೂ ಹೂಳು ತುಂಬಿದೆ. ಕೆರೆಯ ಜೌಗು ಪ್ರದೇಶದಲ್ಲಿರುವ ಹೂಳು ತೆರವು ಮಾಡುವಲ್ಲಿ ಅಧಿಕಾರಿಗಳು ವಿಫಲರಾಗಿದ್ದಾರೆ.
ಇತ್ತೀಚೆಗಷ್ಟೇ, ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ಕಾರ್ಯಪಾಲಕ ಎಂಜಿನಿಯರ್ ಭೂಪ್ರದಾ, “ವಿಭೂತಿಪುರ ಕೆರೆಯ 1.5 ಎಕರೆ ಜೌಗು ಪ್ರದೇಶವನ್ನು ಹೂಳು ತೆಗೆಯಲಾಗಿದ್ದು, 1.5 ಎಂಎಲ್‌ಡಿ ಕೊಳಚೆ ನೀರು ಸಂಸ್ಕರಣಾ ಘಟಕದಿಂದ (ಎಸ್‌ಟಿಪಿ) ಸಂಸ್ಕರಿಸಿದ ನೀರನ್ನು ಮೊದಲು ಕೆರೆಗೆ ಬಿಡಲಾಗುವುದು” ಎಂದು ಹೇಳಿದ್ದರು.
ಬಿಬಿಎಂಪಿಯು ವಿಭೂತಿಪುರ ಕೆರೆಗೆ ಸಂಸ್ಕರಿಸಿದ ನೀರನ್ನು ತುಂಬಿಸುವ ಯೋಜನೆಯನ್ನು ಹೊಂದಿತ್ತು. ಆದರೆ, ಕೆರೆ ಮಳೆನೀರಿನ ಚರಂಡಿಗಳಲ್ಲಿ ಹರಿಯುವ ಕೊಳಚೆ ನೀರಿನಿಂದ ತುಂಬಿತ್ತು. ಕಳೆದ ಕೆಲ ದಿನಗಳಿಂದ ಸುರಿದ ಮಳೆ ನೀರಿಯಲ್ಲಿ ಪ್ಲಾಸ್ಟಿಕ್ ವಸ್ತುಗಳೂ ತೇಲಿಬಂದು ಕೆರೆಯನ್ನು ತುಂಬಿಕೊಂಡಿವೆ.
ಬಿಬಿಎಂಪಿಯ ಘನತ್ಯಾಜ್ಯ ನಿರ್ವಹಣೆಯ ಜಂಟಿ ಆಯುಕ್ತೆ ಆರ್.ಪ್ರತಿಬಾ ಮಾತನಾಡಿ, “ಅಧಿಕಾರಿಗಳು ಪರಿಸ್ಥಿತಿಯನ್ನು ಅರಿತುಕೊಂಡು ಮಳೆನೀರು ಚರಂಡಿಗಳಲ್ಲಿನ ತ್ಯಾಜ್ಯವನ್ನು ತೆರವುಗೊಳಿಸುವ ಕಾರ್ಯಾಚರಣೆ ಪ್ರಾರಂಭಿಸಿದ್ದಾರೆ” ಎಂದಿದ್ದಾರೆ.
“ಬಿಬಿಎಂಪಿಯು ಬುಧವಾರದಿಂದ 15 ದಿನಗಳ ಪ್ಲಾಸ್ಟಿಕ್ ಅಭಿಯಾನವನ್ನು ಪ್ರಾರಂಭಿಸಿದೆ. ಎಂಟು ವಲಯಗಳಲ್ಲಿ ಅಧಿಕಾರಿಗಳು ಮತ್ತು ಮಾರ್ಷಲ್‌ಗಳನ್ನು ನಿಯೋಜಿಸಲಾಗಿದೆ. ನಿಷೇಧಿತ ಪ್ಲಾಸ್ಟಿಕ್ ವಸ್ತುಗಳನ್ನು ತಯಾರಿಸುವ ಮತ್ತು ಮಾರಾಟ ಮಾಡುವ ಘಟಕಗಳ ಮೇಲೆ ದಾಳಿ ನಡೆಸಿ ದಂಡ ವಿಧಿಸಲು ಅಧಿಕಾರಿಗಳಿಗೆ ಆದೇಶ ನೀಡಲಾಯಿತು” ಎಂದು ಪ್ರತಿಭಾ ಹೇಳಿದ್ದಾರೆ.
“ನಿಷೇಧಿತ ಪ್ಲಾಸ್ಟಿಕ್ ಮತ್ತು ಇತರ ವಸ್ತುಗಳನ್ನು ಬಳಸದಂತೆ ಹಾಗೂ ಕಸ ಹಾಕದಂತೆ ಪಾಲಿಕೆಯು ಮಾಹಿತಿ ಮತ್ತು ಸಂವಹನ ಅಭಿಯಾನವನ್ನು ತೀವ್ರಗೊಳಿಸುತ್ತದೆ” ಎಂದು ಹೇಳಿದ್ದಾರೆ.
ಈ ಸುದ್ದಿ ಓದಿದ್ದೀರಾ? ಬೆಂಗಳೂರು | ಬಾತ್ ರೂಮ್‌ನಲ್ಲಿ ವಿದ್ಯಾರ್ಥಿನಿ ಮೃತದೇಹ ಪತ್ತೆ
ನಗರದ ಪರಿಸರವಾದಿ ಮತ್ತು ಫ್ರೆಂಡ್ಸ್ ಆಫ್ ಲೇಕ್ಸ್‌ನ ಸಹ ಸಂಸ್ಥಾಪಕ ರಾಮ್ ಪ್ರಸಾದ್ ಮಾತನಾಡಿ, “ಮಾನವಶಕ್ತಿ ಮತ್ತು ಯಂತ್ರಗಳನ್ನು ನಿಯೋಜಿಸಿದ ಮೈಕ್ರೋ ಪ್ಲಾನ್ ಪ್ರಕಾರ ಬಿಬಿಎಂಪಿ ತಪ್ಪಾಗಿದೆ. ಇದು ಜನರ ಸಂಖ್ಯೆ, ಟಿಪ್ಪರ್‌ಗಳು ಮತ್ತು ಟ್ರಕ್‌ಗಳಂತಹ ಸರಿಯಾದ ರೀತಿಯ ಸೂಕ್ಷ್ಮ ಯೋಜನೆಯೊಂದಿಗೆ ಹೋಗಬೇಕು. ಬಿಬಿಎಂಪಿಯ ಪೌರಕಾರ್ಮಿಕರು ತ್ಯಾಜ್ಯ ಸಂಗ್ರಹಿಸಲು ಆಟೋ ಟಿಪ್ಪರ್‌ಗಳಲ್ಲಿ 750 ಮನೆಗಳನ್ನು ತಲುಪಬೇಕು. ಆದರೆ, ಅವುಗಳು ಗರಿಷ್ಠ 500 ಆಗಿದೆ. ಕಸ ನಿರ್ವಹಣೆಯ ವಿಷಯದಲ್ಲಿ ಬೆಂಗಳೂರು ಎಂದಿಗೂ 100 ಪ್ರತಿಶತ ಮನೆ–ಮನೆಗೆ ಸಂಗ್ರಹಣೆಯನ್ನು ತಲುಪಲು ಸಾಧ್ಯವಿಲ್ಲ. ಏಕೆಂದರೆ, ಪಾಲಿಕೆಯು ನಿರೀಕ್ಷಿತ ಸೇವೆಯನ್ನು ನೀಡುತ್ತಿಲ್ಲ. ಆದ್ದರಿಂದ ಜನರು ಬೀದಿ ಮೂಲೆಗಳಲ್ಲಿ ತ್ಯಾಜ್ಯವನ್ನು ಎಸೆಯುತ್ತಾರೆ. ಇದು ಚರಂಡಿಗಳ ಮುಚ್ಚುವಿಕೆಗೆ ಕಾರಣವಾಗುತ್ತದೆ. ಮಳೆಗಾಲದಲ್ಲಿ ಮನೆಗಳಿಗೆ ನೀರು ನುಗ್ಗುತ್ತದೆ” ಎಂದು ತಿಳಿಸಿದ್ದಾರೆ.
