ಪ್ರಧಾನಿ ನರೇಂದ್ರ ಮೋದಿಯವರ ಸಂಸದೀಯ ಕ್ಷೇತ್ರ ವಾರಣಾಸಿಯಲ್ಲಿ ಹಾಗೂ ಯು ಪಿ ಮುಖ್ಯಮಂತ್ರಿ ಯೋಗಿ ಆದಿತ್ಯ ನಾಥ ಕ್ಷೇತ್ರದಲ್ಲಿ ಅತ್ಯಾಚಾರ ಘಟನೆ ಹೆಚ್ಚಾಗಿ ನಡೆಯುತ್ತಿದ್ದನ್ನು ಖಂಡಿಸಿ ಅಖಿಲ ಭಾರತ ಕ್ರಾಂತಿಕಾರಿ ಮಹಿಳಾ ಸಂಘಟನೆ ಮತ್ತು ಸಿಪಿಐ(ಎಂಎಲ್)ರೆಡ್ ಸ್ಟಾರ್ ಪಕ್ಷದಿಂದ ಸಿಂಧನೂರು ತಾಲೂಕು ತಹಶಿಲ್ದಾರರ ಕಚೇರಿ ಮುಂದೆ ಪ್ರತಿಭಟನೆ ನಡೆಸಿದರು.
ವಾರಣಾಸಿಯಲ್ಲಿ ಹೆಚ್ಚುತ್ತಿರುವ ಅತ್ಯಾಚಾರ ಪ್ರಕರಣಗಳನ್ನು ತಡೆಯಲು, ಪ್ರಧಾನಿಯೇ ಈ ಬಗ್ಗೆ ಗಮನಹರಿಸಿ ಪೊಲೀಸ್ ಆಡಳಿತಕ್ಕೆ ಸಮನ್ಸ್ ಜಾರಿ ಮಾಡುವುದರ ಜೊತೆಗೆ ಕಠಿಣ ಮತ್ತು ದೃಢವಾದ ಕ್ರಮಗಳನ್ನು ತೆಗೆದುಕೊಳ್ಳಬೇಕು.ಇಂತಹ ಘಟನೆಯನ್ನು ಬಂಧಿಸಿ ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಉತ್ತರಪ್ರದೇಶ ಸರ್ಕಾರವನ್ನು ಒತ್ತಾಯಿಸಿದರು.
ವರದಿಗಳ ಪ್ರಕಾರ, ವಾರಣಾಸಿಯ ಹುಕುಲ್‌ಗಂಜ್ ಪೊಲೀಸ್ ಠಾಣೆ ಪ್ರದೇಶದ 19 ವರ್ಷದ 12ನೇ ತರಗತಿಯ ಬಾಲಕಿಯನ್ನು ಕ್ರೀಡಾಪಟುವಾಗಲು ಬಯಸಿ ತನ್ನ ಆರ್ಥಿಕ ಸ್ಥಿತಿಯನ್ನು ಬಲಪಡಿಸಲು ಹೋಟೆಲ್ ಸ್ಪಾ ಕೇಂದ್ರದಲ್ಲಿ ಕೆಲಸ ಮಾಡುತ್ತಿದ್ದಳು.
ಮಾರ್ಚ್ 29 ರಂದು ಪಾಂಡೆಪುರ್ ಲಾಲ್‌ಪುರ್ ಪ್ರದೇಶದಿಂದ ಅಪಹರಿಸಿ 7 ದಿನಗಳ ಕಾಲ ಸಾಮೂಹಿಕ ಅತ್ಯಾಚಾರ ಎಸಗಲಾಗಿದೆ. ಈ ಸಮಯದಲ್ಲಿ ಅಪ್ರಾಪ್ತೆಯ ಫೋನ್ ಅನ್ನು ಕಸಿದುಕೊಳ್ಳಲಾಯಿತು. ಏಪ್ರಿಲ್ ಮಾರ್ಚ್ 29 ರಂದು ಕಾಣೆಯಾದ ವ್ಯಕ್ತಿಯ ದೂರು ದಾಖಲಿಸಲು ಬಾಲಕಿ ತಂದೆ ಪೊಲೀಸ್ ಠಾಣೆಗೆ ಹೋದಾಗ ದೂರು ತೆಗೆದುಕೊಂಡಿಲ್ಲ ಎಂದು ಕಿಡಿಕಾರಿದರು.
ಈ ಸುದ್ದಿ ಓದಿದ್ದೀರಾ? ರಾಯಚೂರು | ಬೆಲೆ ಏರಿಕೆ ಖಂಡಿಸಿ ಪ್ರತಿಭಟನೆ
ಬಾಲಕಿ ತಾಯಿ ಏಪ್ರಿಲ್ 6 ರಂದು 12 ಜನ ಹೆಸರಿಸಲಾದ ಮತ್ತು 11 ಜನ ಅಪರಿಚಿತ ಜನರ ವಿರುದ್ಧ ದೂರು ದಾಖಲಿಸಿದ್ದಾರೆ. ಈ ಪ್ರಕರಣದಲ್ಲಿ, ಪೊಲೀಸರು ಎರಡು ದಿನಗಳ ನಂತರ ಏಪ್ರಿಲ್ 8 ರಂದು ಹುಕ್ಕಾ ಬಾರ್ ಆಪರೇಟರ್ ಅನ್ಮೋಲ್ ಗುಪ್ತಾ ಸೇರಿದಂತೆ ವಾರಣಾಸಿ(ಯುಪಿ)ಯಲ್ಲಿ, 19 ವರ್ಷದ 12 ನೇ ತರಗತಿಯ ವಿದ್ಯಾರ್ಥಿನಿಯ ಮೇಲೆ ಮಾರ್ಚ್ 29 ರಿಂದ ಏಪ್ರಿಲ್ 4, 2025 ರವರೆಗೆ 7 ದಿನಗಳಲ್ಲಿ 23 ಪುರುಷರು ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ ಎಂದು ಆರೋಪಿಸಲಾಗಿದೆ.
ಆಕೆ ಸ್ನೇಹಿತನೊಂದಿಗೆ ಮನೆಯಿಂದ ಹೊರಟು ನಾಪತ್ತೆಯಾಗಿದ್ದಳು, ದುಃಖಿತಳಾಗಿ ಮನೆಗೆ ಹಿಂತಿರುಗಿ ತನ್ನ ಕುಟುಂಬಕ್ಕೆ ತಿಳಿಸಿದಳು, ಅವರು ಪೊಲೀಸರಿಗೆ ದೂರು ನೀಡಿದರು.
ಈ ಪ್ರಕರಣವು ಸಾಮೂಹಿಕ ಅತ್ಯಾಚಾರ ಮತ್ತು ಮಾದಕವಸ್ತು ಸೇವನೆಯಂತಹ ಆರೋಪಗಳನ್ನು ಒಳಗೊಂಡಿದೆ, ಇದರಲ್ಲಿ 12 ಜನರನ್ನು ಹೆಸರಿಸಲಾಗಿದೆ ಮತ್ತು 11 ಹೆಸರಿಸದ ಶಂಕಿತರನ್ನು ಎಫ್‌ಐಆರ್‌ನಲ್ಲಿ ದಾಖಲಿಸಲಾಗಿದೆ. 9 ಜನರನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಕಳುಹಿಸಲಾಗಿದೆ. ಇವರಲ್ಲಿ ರಾಜ್ ವಿಶ್ವಕರ್ಮ, ಆಯುಷ್ ಧೂಸಿಯಾ, ಸಾಜಿದ್, ಸುಹೇಲ್ ಶೇಖ್, ಡ್ಯಾನಿಶ್ ಅಲಿ, ಇಮ್ರಾನ್ ಅಹ್ಮದ್, ಶಬ್ಬೀರ್ ಅಲಮ್ (ಅಲಿಯಾಸ್ ಸಮೀರ್ ಅಹ್ಮದ್), ಸೊಹೇಲ್ ಖಾನ್ ಮತ್ತು ಅನ್ಮೋಲ್ ಗುಪ್ತಾ ಎಂದು ಗುರುತಿಸಲಾದ ವ್ಯಕ್ತಿಗಳು ಸೇರಿದ್ದಾರೆ. ಇತರರು ಇನ್ನೂ ತಲೆಮರೆಸಿಕೊಂಡಿದ್ದಾರೆ ಎಂದು ದೂರಿದರು.
ನಗರದ ವ್ಯಾಪ್ತಿಯ ಹೋಟೆಲ್‌ನಲ್ಲಿ, ಕಾರಿನಲ್ಲಿ ವಿವಿಧ ಗೋದಾಮುಗಳಲ್ಲಿ 7 ದಿನಗಳ ಕಾಲ ಬಾಲಕಿಯೊಬ್ಬಳ ಮೇಲೆ 23 ಜನರಿಂದ ಸಾಮೂಹಿಕ ಅತ್ಯಾಚಾರ ನಡೆದಿದ್ದು, ಅದು ಪೊಲೀಸರಿಗೆ ತಿಳಿಯದೇ ಇರುವುದೆ? ಬನಾರಸ್ ಪೊಲೀಸ್ ಆಡಳಿತದ ಗಂಭೀರ ವೈಫಲ್ಯ ಎದ್ದುಕಾಣುತ್ತದೆ.
ಪ್ರಧಾನಿ ನರೇಂದ್ರ ಮೋದಿಯವರ ಸಂಸದೀಯ ಕ್ಷೇತ್ರವಾಗಿರುವ ಉತ್ತರ ಪ್ರದೇಶದ ವಾರಣಾಸಿ ಜಿಲ್ಲೆಯಲ್ಲಿ ಮಹಿಳೆಯರ ಮೇಲೆ ದೌರ್ಜನ್ಯ ಎಸಗುವ ಅಪರಾಧಿಗಳು ಹೇಗೆ ನಿರ್ಭಯದಿಂದ ಇದ್ದಾರೆ.ಫ್ಯಾಸಿಸ್ಟ್ ಸಂಘ ಪರಿವಾರಕ್ಕೆ ಸೇರಿದ ಈ ಅತ್ಯಾಚಾರಿಗಳ ಬಿಡುಗಡೆಯ ನಂತರ, ಕೇಸರಿ ಪಡೆಗಳು ಅವರ ಬಿಡುಗಡೆಯನ್ನು ಹಾರ ತುರಾಯಿ ಮೂಲಕ ಸಂಭ್ರಮಿಸಿ ಇಂತಹ ಪ್ರಕರಣಗಳು ಹೆಚ್ಚಾಗಿ ನಡೆಯಲಿ ಎಂದು ಸಂದೇಶ ನೀಡುತ್ತಿದ್ದಾರೆ ಎಂದು ಬೇಸರ ವ್ಯಕ್ತಪಡಿಸಿದರು.
ಎಲ್ಲಾ ಅಪರಾಧಿಗಳನ್ನು ಆದಷ್ಟು ಬೇಗ ಬಂಧಿಸಬೇಕು ಮತ್ತು ಅವರೆಲ್ಲರನ್ನೂ ಗ್ಯಾಂಗ್ ರೇಪ್ ಸೆಕ್ಷನ್ ಅಡಿಯಲ್ಲಿ ತ್ವರಿತ ನ್ಯಾಯಾಲಯದಲ್ಲಿ ವಿಚಾರಣೆಗೆ ಒಳಪಡಿಸಬೇಕು.ಬಾಲಕಿಗೆ ಸರ್ಕಾರಿ ವೆಚ್ಚದಲ್ಲಿ ಆಕೆಯ ಆಯ್ಕೆಯ ಸಮರ್ಥ ವಕೀಲರನ್ನು ಒದಗಿಸಬೇಕು ಮತ್ತು ಆಕೆಗೆ ಸಾಧ್ಯವಾದಷ್ಟು ಬೇಗ ನ್ಯಾಯ ಒದಗಿಸಬೇಕು.ಬಾಲಕಿಯ ತಂದೆಯ ಪರವಾಗಿ ನಾಪತ್ತೆ ವರದಿಯನ್ನು ಬರೆಯಲು ನಿರಾಕರಿಸಿದ ಪೊಲೀಸ್ ಸಿಬ್ಬಂದಿಯನ್ನು ಕೂಡಲೇ ವಜಾಗೊಳಿಸಬೇಕು.
ಬಾಲಕಿಗೆ ಅಗತ್ಯವಾದ ದೈಹಿಕ ಮತ್ತು ಮಾನಸಿಕ ಚಿಕಿತ್ಸೆಯನ್ನು ಒದಗಿಸಬೇಕು, ಜೊತೆಗೆ ಕ್ರೀಡಾಪಟುವಾಗುವ ಅವಳ ಕನಸನ್ನು ಈಡೇರಿಸಲು ಎಲ್ಲಾ ರೀತಿಯ ಸಹಾಯವನ್ನು ಸರಕಾರ ನೀಡಬೇಕು.
ಬನಾರಸ್‌ನಲ್ಲಿ (ವಾರಾಣಸಿ)ಹೆಚ್ಚುತ್ತಿರುವ ಅತ್ಯಾಚಾರ ಅಪರಾಧಗಳನ್ನು ನಿಲ್ಲಿಸಲು ಮತ್ತು ಮಹಿಳೆಯರಿಗೆ ಭಯಮುಕ್ತ ವಾತಾವರಣವನ್ನು ಸೃಷ್ಟಿಸಲು ಅಗತ್ಯ ಕ್ರಮಗಳನ್ನು ಶೀಘ್ರದಲ್ಲೇ ತೆಗೆದುಕೊಳ್ಳಬೇಕು ಎಂದು ಒತ್ತಾಯಿಸಿದರು.
ಪಕ್ಷದ ರಾಜ್ಯ ಸಮಿತಿ ಸದಸ್ಯ ಎಂ. ಗಂಗಾಧರ,
ತುಳಸಮ್ಮ ಹೊಸಮನಿ, ಹನುಮಂತ ಗೋಡಿಹಾಳ, ಹೆಚ್. ಆರ್.ಹೊಸಮನಿ, ಮುದಿಯಪ್ಪ ಹನುಮನಗರ ಕ್ಯಾಂಪ್, ಧರಗಯ್ಯ,ಹುಲುಗಪ್ಪ ಬಳ್ಳಾರಿ
ರುಕ್ಮಿಣೆಮ್ಮ, ಯಮನೂರ, ಬಸವರಾಜ ಭೂತಲದಿನ್ನಿ ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು.
