ಮುಂಬೈನ ವಿಲೇ ಪಾರ್ಲೆಯಲ್ಲಿರುವ 90 ವರ್ಷ ಹಳೆಯ ಪಾರ್ಶ್ವನಾಥ ದಿಗಂಬರ ಜೈನ ದೇವಾಲಯವನ್ನು ಬಿಎಂಸಿ (ಬೃಹನ್‌ ಮುಂಬೈ ಕಾರ್ಪೊರೇಷನ್) ಬುಧವಾರ ಕೆಡವಿದ್ದರ ವಿರುದ್ಧ ಜೈನ ಸಮುದಾಯದ ಸಾವಿರಾರು ಮಂದಿ ಇಂದು ಪ್ರತಿಭಟನೆ ನಡೆಸಿ ಆಕ್ರೋಶ ವ್ಯಕ್ತಪಡಿಸಿದರು.
ದೇವಾಲಯದ ಧ್ವಂಸವನ್ನು ವಿರೋಧಿಸಿ ಶನಿವಾರ ಬೆಳಗ್ಗೆ ಸಮುದಾಯದ ಮುಖಂಡರು ಅಹಿಂಸಾತ್ಮಕ ಬೃಹತ್ ರ್‍ಯಾಲಿಯನ್ನು ನಡೆಸಿದರು. ಸಚಿವ ಮಂಗಲ್‌ಪ್ರಭಾತ್ ಲೋಧಾ, ಶಾಸಕ ಪರಾಗ್ ಅಲ್ವಾನಿ, ಸಂಸದ ವರ್ಷ ಗಾಯಗ್ವಾಡ್ ಮತ್ತು ಜೈನ ಸಮುದಾಯದ ಸಂತರು ಈ ರ್‍ಯಾಲಿಯಲ್ಲಿ ಭಾಗವಹಿಸಿದ್ದರು.
ಎಲ್ಲ ಪಕ್ಷಗಳ ನಾಯಕರು ರ್‍ಯಾಲಿಯಲ್ಲಿ ಪಾಲ್ಗೊಂಡು ಬಿಎಂಸಿಯ ಈ ಕ್ರಮವನ್ನು, ಅಧಿಕಾರದಲ್ಲಿರುವ ಬಿಜೆಪಿ ಸರ್ಕಾರವನ್ನು ಖಂಡಿಸಿದರು. ಈ ನಾಯಕರೆಲ್ಲರೂ ಸಭೆ ನಡೆಸಿ ಭವಿಷ್ಯದ ಕಾನೂನು ಹೋರಾಟ ಸೇರಿದಂತೆ ಮುಂತಾದ ಕಾರ್ಯತಂತ್ರದ ಬಗ್ಗೆ ಚರ್ಚಿಸಿದರು. ಬಿಎಂಸಿಯ ಈ ಕ್ರಮದಿಂದ ಜೈನ ಸಮುದಾಯದಲ್ಲಿ ತೀವ್ರ ಆಕ್ರೋಶ ವ್ಯಕ್ತವಾಗಿದ್ದು, ತಪ್ಪಿತಸ್ಥ ಅಧಿಕಾರಿಗಳ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಪ್ರತಿಭಟನಾಕಾರರು ಒತ್ತಾಯಿಸಿದರು.
ಇದನ್ನು ಓದಿದ್ದೀರಾ? ಈ ದಿನ ಸಂಪಾದಕೀಯ | ಭಾರತೀಯ ಸಮಾಜದಲ್ಲಿ ಬ್ರಾಹ್ಮಣ್ಯ-ಮನುವಾದ ಮರುಕಳಿಸುತ್ತಿದೆಯೇ?
ಮುಂಬೈನ ಕಾಂಬ್ಲಿವಾಡಿಯ ನೇಮಿನಾಥ್ ಸಹಕಾರಿ ವಸತಿ ಸೊಸೈಟಿಯ ಒಳಗಿರುವ ದೇವಾಲಯದ (ಚೈತಾಲಯ) ಟ್ರಸ್ಟಿ ಅನಿಲ್ ಶಾ ಮಾತನಾಡಿ, ಏಪ್ರಿಲ್ 16 ರಂದು 90 ವರ್ಷ ಹಳೆಯ ಪಾರ್ಶ್ವನಾಥ ದಿಗಂಬರ ಜೈನ ದೇವಾಲಯವನ್ನು ಯಾವುದೇ ಕಾರಣವಿಲ್ಲದೆ ಕೆಡವಲಾಗಿದೆ. ಈ ದೇಗುಲವನ್ನು 1960ರ ದಶಕದ ಹಿಂದೆಯೇ ನಿರ್ಮಿಸಲಾಗಿದ್ದು, ಬಿಎಂಸಿಯ ಅನುಮತಿಯೊಂದಿಗೆ ನವೀಕರಿಸಲಾಗಿತ್ತು. ದೇಗುಲವನ್ನು ನವೀಕರಿಸಲಾಗಿರುವ ಬಗ್ಗೆ ಸರ್ಕಾರಕ್ಕೆ ಪ್ರಸ್ತಾವನೆ ಕೂಡ ಸಲ್ಲಿಸಲಾಗಿತ್ತು. ಆದರೆ ಬಿಎಂಸಿ ಯಾವುದೇ ಕಾರಣ ನೀಡದೆ ದೇಗುಲವನ್ನು ನಾಶಗೊಳಿಸಿದೆ. ಇದರ ವ್ಯಾಜ್ಯ ಕೋರ್ಟ್‌ನಲ್ಲಿರುವಾಗಲೇ ಧ್ವಂಸಗೊಳಿಸಲಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು
ದೇವಾಲಯದ ಧ್ವಂಸಕ್ಕೆ ಸಂಬಂಧಿಸಿದಂತೆ ಬಿಎಂಸಿ ನಿರ್ವಹಣಾ ಸಮಿತಿಗೆ ನೋಟಿಸ್ ನೀಡಿತ್ತು. ಇದರ ವಿರುದ್ಧ ಜೈನ ಸಮುದಾಯ ಬಾಂಬೆ ಹೈಕೋರ್ಟ್ ಮೆಟ್ಟಿಲೇರಿತ್ತು. ಪ್ರಕರಣದ ವಿಚಾರಣೆ ಗುರುವಾರ ನಡೆಯಬೇಕಿತ್ತು, ಆದರೆ ಅದಕ್ಕೂ ಮೊದಲು ಬುಧವಾರ ಬಿಎಂಸಿ ತಂಡ ದೇವಾಲಯವನ್ನು ಕೆಡವಿದೆ.
THIS IS MASSIVE 🚨⚡
— Ankit Mayank (@mr_mayank) April 19, 2025
Huge protest by Jain community against BJP Govt in Mumbai over the demolition of a sacred temple
Where are Godi Media & IT cell trolls who cheer bulldozer mafia? pic.twitter.com/1eKJxbIvhP
<blockquote class=”twitter-tweet” data-media-max-width=”560″><p lang=”en” dir=”ltr”>THIS IS MASSIVE 🚨⚡<br><br>Huge protest by Jain community against BJP Govt in Mumbai over the demolition of a sacred temple<br><br>Where are Godi Media & IT cell trolls who cheer bulldozer mafia? <a href=”https://t.co/1eKJxbIvhP”>pic.twitter.com/1eKJxbIvhP</a></p>— Ankit Mayank (@mr_mayank) <a href=”https://twitter.com/mr_mayank/status/1913534743989420455?ref_src=twsrc%5Etfw”>April 19, 2025</a></blockquote> <script async src=”https://platform.twitter.com/widgets.js” charset=”utf-8″></script>
