ಬೆಳಗಾವಿ ಜಿಲ್ಲೆ ಅಥಣಿ ತಾಲ್ಲೂಕಿನ ತಾಂವಶಿ ಗ್ರಾಮದಲ್ಲಿ ಖದೀಮರು ಎಮ್ಮೆ ಮತ್ತು ಕರುವನ್ನೂ ಕಳ್ಳತನ ಮಾಡಿ ಪರಾರಿಯಾಗಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಗ್ರಾಮದ ಕಾಕಾಸಾಬ್ ಸಂಗಪ್ಪ ಪಾಟೀಲ್ ಎಂಬುವವರ ದನದ ಕೊಟ್ಟಿಗೆಯಲ್ಲಿ ಕಟ್ಟಿದ ಎಮ್ಮೆ ಹಾಗೂ ಕರುವನ್ನು ಬುಧವಾರ ರಾತ್ರಿAround 3 ಗಂಟೆ ಸುಮಾರಿಗೆ ದುಷ್ಕರ್ಮಿಗಳು ಬಿಚ್ಚಿಕೊಂಡು, ತಾಂವಶಿ ಹತ್ತಿರದ ಆಗ್ರಾಣಿ ಹಳ್ಳದಿಂದ ಕಲ್ಲೋತಿ ರಸ್ತೆಯ ಮೂಲಕ ದೋಚಿಕೊಂಡು ಹೋಗಿದ್ದಾರೆ ಎಂದು ಶಂಕಿಸಲಾಗಿದೆ.
ಕಳೆದಿರುವ ಎಮ್ಮೆ ಹಾಗೂ ಕರುವಿನ ಮೌಲ್ಯ ಅಂದಾಜು ₹75,000 ರೂ. ಆಗಿದ್ದು, ಈ ಕಳವು ರೈತ ಕುಟುಂಬಕ್ಕೆ ಭಾರೀ ಆರ್ಥಿಕ ನಷ್ಟ ಉಂಟುಮಾಡಿದೆ. ಗ್ರಾಮಸ್ಥರು ಕಳವು ಸಂಬಂಧ ತೀವ್ರ ಆತಂಕ ವ್ಯಕ್ತಪಡಿಸಿದ್ದಾರೆ. ಜಾನುವಾರು ಕಳ್ಳರು ಹೊಸ ತಂತ್ರಗಳಲ್ಲಿ ನಿರತರಾಗುತ್ತಿರುವುದು ಕಂಡುಬರುತ್ತಿದ್ದು, ರೈತರು ನಿದ್ದೆಯಿಲ್ಲದೆ ಕಾಳಜಿಯಲ್ಲಿ ಇದ್ದಾರೆ.
ಈ ಕುರಿತು ಅಥಣಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರ ತಂಡ ತನಿಖೆ ಆರಂಭಿಸಿದೆ. ಶೀಘ್ರದಲ್ಲೇ ಆರೋಪಿಗಳನ್ನು ಪತ್ತೆ ಹಚ್ಚಿ ಕಾನೂನು ಕ್ರಮ ಕೈಗೊಳ್ಳುವಂತೆ ಗ್ರಾಮಸ್ಥರು ಆಗ್ರಹಿಸಿದ್ದಾರೆ.
