ಬೀದರ್ ತಾಲೂಕಿನ ಬಗದಲ ಹೊರವಲಯದ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯ ವಿದ್ಯಾರ್ಥಿಗಳು ಪ್ರಸಕ್ತ ಸಾಲಿನ ಎಸ್ಸೆಸ್ಸೆಲ್ಸಿ ಪರೀಕ್ಷೆ-1ರಲ್ಲಿ ಅತ್ಯುತ್ತಮ ಫಲಿತಾಂಶ ಪಡೆದು ಸಾಧನೆ ಮಾಡಿದ್ದಾರೆ. ಶಾಲೆ ಒಟ್ಟಾರೆ ಫಲಿತಾಂಶ ಶೇ 100ರಷ್ಟು ಲಭಿಸಿದ್ದು, ಶಾಲೆಯ ಕ್ವಾಲಿಟಿ ವೆಟೆಜ್ ಪರ್ಸೆಂಟೈಜ್ ಶೇ 92.92 ಆಗಿದೆ.
ಪರೀಕ್ಷೆ ಬರೆದ 50 ವಿದ್ಯಾರ್ಥಿಗಳಲ್ಲಿ 9 ವಿದ್ಯಾರ್ಥಿಗಳು 600ಕ್ಕೂ ಅಧಿಕ ಗಳಿಸಿದ್ದಾರೆ. ಅತ್ಯುನ್ನತ ಶ್ರೇಣಿಯಲ್ಲಿ 25,
ಪ್ರಥಮ ದರ್ಜೆಯಲ್ಲಿ 24 ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ. ಇನ್ನು ಕನ್ನಡ ವಿಷಯದಲ್ಲಿ 2 , ಹಿಂದಿಯಲ್ಲಿ 10, ವಿಜ್ಞಾನದಲ್ಲಿ 1, ಸಮಾಜ ವಿಜ್ಞಾನದಲ್ಲಿ 2 ವಿದ್ಯಾರ್ಥಿಗಳು ಶೇ 100ರಷ್ಟು ಅಂಕ ಪಡೆದಿದ್ದಾರೆ ಎಂದು ಶಾಲೆಯ ಪ್ರಾಚಾರ್ಯ ಚನ್ನಬಸವ ಹೇಡೆ ತಿಳಿಸಿದ್ದಾರೆ.
ಪ್ರೀತಂ ಬಸವರಾಜ 615 (ಶೇ 98.40), ನೌನಾಥ ಶ್ರೀಚಂದ 613 (ಶೇ 98.08), ಅಭಿ ಸಂಜುಕುಮಾರ 612 (97.92), ತನುಶ್ರೀ ತುಕಾರಾಂ 608 (97.28), ಸಿದ್ದು ಸಂಗಪ್ಪ 607 (97.12), ವೈಷ್ಣವಿ ಬಾಬು 605 (96.80), ಮೌನಪ್ರಿಯ ನಾಗಮೂರ್ತಿ 605 (96.80), ಗಣೇಶರೆಡ್ಡಿ ಗುಂಡಾರೆಡ್ಡಿ 602 (96.32), ಡಿ.ಪ್ರಜ್ವಲ್ ಗುರುನಾಥ 601 ( 96.16 ) ಅಂಕ ಪಡೆದಿದ್ದಾರೆ.
ಇದನ್ನೂ ಓದಿ : ಬೀದರ್ | ಜ್ಞಾನ ಭಾರತಿ ಪ್ರೌಢ ಶಾಲೆಗೆ ಶೇ 100ರಷ್ಟು ಫಲಿತಾಂಶ; ದಿವ್ಯಾ ಉತ್ತಮ ಸಾಧನೆ
ಉತ್ತಮ ಫಲಿತಾಂಶ ಪಡೆದ ಮಕ್ಕಳಿಗೆ ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ಜಿಲ್ಲಾ ಅಧಿಕಾರಿಗಳಾದ ಸುನೀತಾ ಪಟವಾಡಿ, ಸಮಾಜ ಕಲ್ಯಾಣ ಇಲಾಖೆ ಉಪ ನಿರ್ದೇಶಕ ಡಾ.ಯೋಗೀಶ್ ಎಸ್ ಬಿ , ಜಿಲ್ಲಾ ಸಮನ್ವಯಾಧಿಕಾರಿ ಶರಣಪ್ಪ ಬಿರಾದಾರ ಹಾಗೂ ಶಾಲಾ ಶಿಕ್ಷಕ, ಸಿಬ್ಬಂದಿ ಅಭಿನಂದನೆ ಸಲ್ಲಿಸಿದ್ದಾರೆ
