ಧಾರವಾಡ ನಗರಕ್ಕೆ ನೀರು ಪೂರೈಸುವ ಶುದ್ಧ ನೀರು ವಿತರಣಾ ಕೊಳವೆ ಮಾರ್ಗದಲ್ಲಿ ಸೋರಿಕೆ ಕಂಡು ಬಂದಿದ್ದು, ಸೆ.7ರಂದು ದುರಸ್ತಿ ಕಾರ್ಯ ನಡೆಯಲಿದೆ.
- Advertisement -
ಬೆಳಗಾವಿಯ ಸವದತ್ತಿ ಜಾಕ್‌ವೆಲ್‌ನಿಂದ ಅಮ್ಮಿನಬಾವಿ ನೀರು ಶುದ್ದೀಕರಣ ಘಟಕಕ್ಕೆ ಪೂರೈಸುವ ಕಚ್ಚಾ ನೀರಿನ ಕೊಳವೆ ಮಾರ್ಗ ಹಾಗೂ ಅಮ್ಮಿನಬಾವಿಯಿಂದ ಧಾರವಾಡ ನಗರಕ್ಕೆ ನೀರು ಪೂರೈಸಯಿಸಲಾಗುತ್ತಿತ್ತು. ಆದರೆ ಶುದ್ದ ನೀರು ವಿತರಣಾ ಕೊಳವೆ ಸೋರಿಕೆ ಕಂಡು ಬಂದಿದ್ದು, ದುರಸ್ತಿ ಕಾರ್ಯ ನಡೆದಿದೆ.
“ಕೊಳವೆ ಮಾರ್ಗ ದುರಸ್ತಿ ಹಿನ್ನೆಲೆಯಲ್ಲಿ ಧಾರವಾಡ ನಗರದ ಎಲ್ಲ ಬಡಾವಣೆಗಳಿಗಳಿಗೆ (ನಿರಂತರ ನೀರು ಸರಬರಾಜು ವಲಯ ಸೇರಿ) ಅಂದು ನೀರು ಸರಬರಾಜು ಸ್ಥಗಿತಗೊಳಿಸಲಾಗುವುದು. ನಂತರದ ದಿನಗಳಲ್ಲಿ ನೀರು ಸರಬರಾಜು ವೇಳಾಪಟ್ಟಿಗಳಲ್ಲಿ ಬದಲಾವಣೆಯಾಗಲಿದೆ. ಮುಂಜಾಗ್ರತಾ ಕ್ರಮವಾಗಿ ಸಾರ್ವಜನಿಕರು ನೀರನ್ನು ಸಂಗ್ರಹಿಸಿಟ್ಟುಕೊಳ್ಳಬೇಕು” ಎಂದು ಕೆಯುಐಡಿಎಫ್‌ಸಿಯ ಕುಸ್ಸಂಪ್‌ ಯೋಜನಾ ಅನುಷ್ಠಾನ ಘಟಕದ ಅಧೀಕ್ಷಕ ಎಂಜಿನಿಯರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
