“ಗದಗ-ಬೆಟಗೇರಿ ನಗರಸಭೆ ವ್ಯಾಪ್ತಿಯಲ್ಲಿ ಬರುವ ಆಸ್ತಿ ಮಾಲೀಕರುಗಳಿಗೆ ತಮ್ಮ ಮಾಲ್ಕಿಯಲ್ಲಿರುವ ಖಾಲಿ ನಿವೇಶನಗಳನ್ನು ಸ್ವಚ್ಛತೆ ಕಾಪಾಡಿಕೊಳ್ಳದಿದ್ದರೆ ದಂಡ ವಸೂಲಿ ಮಾಡಲಾಗುವುದು” ಎಂದು ಗದಗ-ಬೆಟಗೇರಿ ನಗರಸಭೆ ಪೌರಾಯುಕ್ತ ರಾಜಾರಾಮ್ ಪವಾರ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.
ಮಾಲೀಕರ ಸ್ವಂತ ಖಾಲಿ ನಿವೇಷನಗಳಲ್ಲಿ ಗಿಡಗಂಟಿ ಸ್ವಚ್ಛವಾಗಿ ಇಟ್ಟಿಕೊಳ್ಳಲು ಈಗಾಗಲೇ ನಗರಸಭೆಯಿಂದ ಪತ್ರಿಕೆಯ ಮೂಲಕ ಹಾಗೂ ನಗರಸಭೆ ಆಟೋಗಳ ಮೂಲಕ ಈಗಾಗಲೇ ಪ್ರಚಾರ ಮಾಡಲಾಗಿರುತ್ತಿದೆ. ತಮ್ಮ ತಮ್ಮ ಹೆಸರಿನಲ್ಲಿರುವ ಖಾಲಿ ನಿವೇಶನಗಳನ್ನು ಸೆಪ್ಟೆಂಬರ್ 10ರ ಒಳಗಾಗಿ ತಮ್ಮ ಆಸ್ತಿಗಳನ್ನು ಸ್ವಚ್ಛವಾಗಿ ಇರುವ ಹಾಗೇ ನೋಡಿಕೊಳ್ಳತಕ್ಕದ್ದು, ಒಂದುವೇಳೆ ತಪ್ಪಿದಲ್ಲಿ ಈ ಕೆಳಕಾಣಿಸಿದ ಕೋಷ್ಠದಂತೆ ತಮ್ಮಿಂದ ವಸೂಲಿ ಮಾಡಿ ನಗರಸಭೆಯಿಂದ ಸ್ವಚ್ಛಗೊಳಿಸಲಾಗುವುದು” ಎಂದು ಎಚ್ಚರಿಕೆ ತಿಳಿಸಿದ್ದಾರೆ.
“ಸ್ವಚ್ಛಗೊಳಿಸಿದ ಹಣವನ್ನು ನಗರಸಭೆಗೆ ಪಾವತಿಸದೇ ಇದ್ದಲ್ಲಿ ತಮ್ಮ ಆಸ್ತಿಯ ಮೇಲೆ ನಿರ್ಧಾಕ್ಷಣೆಯವಾಗಿ ಕಾನೂನು ಪ್ರಕಾರ ಕ್ರಮ ಜರುಗಿಸಿ ತಮ್ಮ ಆಸ್ತಿಯ ಮೇಲೆ ಭೂಜಾ ದಾಖಲಿಸಲಾಗುವುದು.
ಖಾಲಿ ನಿದೇಶನದ ಅಳತೆ ಮತ್ತು ದಂಡದ ಮೊತ್ತ: 20-30ಕ್ಕೆ ರೂ 15000.00 30-40 ರೂ.20000.00, 30-50 ರೂ. 22.000.00, 40-60 ರೂ. 25000.00, ಅದರ ಮೇಲ್ಪಟ್ಟು ರೂ. 30.000.00 ದಂಡ ವಿಧಿಸಲಾಗುವುದು.
ಕೋಷ್ಠದಲ್ಲಿ ಕಾಣಿಸಿರುವ ರೂ.ಗಳನ್ನು ತಮ್ಮಿಂದ ವಸೂಲಿಸಲಾಗುವುದು ಎಂದು ಗದಗ ಬೆಟಗೇರಿ ನಗರಸಭೆ ಪೌರಯುಕ್ತ ರಾಜಾರಾಮ್ ಪವಾರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
