ತಾಲೂಕಿನ ಕಲ್ಲಹಳ್ಳಿ ಗ್ರಾಮದಲ್ಲಿ ಮಾರಕಾಸ್ತ್ರದಿಂದ ವ್ಯಕ್ತಿಯನ್ನು ಬರ್ಬರವಾಗಿ ಹತ್ಯೆ ಮಾಡಿರುವ ದಾರುಣ ಘಟನೆ ನಡೆದಿದೆ.
ಹತ್ಯೆಯಾದ ಮೃತ ವ್ಯಕ್ತಿ ಮಂಜುನಾಥಸ್ವಾಮಿ (58), ಎನ್ನಲಾಗಿದೆ. ಅವಿವಾಹಿತನಾಗಿದ್ದ ಮಂಜುನಾಥಸ್ವಾಮಿ ಕಲ್ಲಹಳ್ಳಿ ಗ್ರಾಮದಲ್ಲೇ ಒಂಟಿಯಾಗಿ ವಾಸವಾಗಿದ್ದ. ಮೂವತ್ತು ವರ್ಷಗಳ ಹಿಂದೆ ಅಪಹರಣ ಪ್ರಕರಣದಲ್ಲಿ ಜೀವಾವಧಿ ಶಿಕ್ಷೆ ಅನುಭವಿಸಿ ಬಂದಿದ್ದ ಮಂಜುನಾಥಸ್ವಾಮಿ, ತನ್ನ ಹೆಸರಿನಲ್ಲಿದ್ದ ಬರೋಬ್ಬರಿ 15 ಎಕರೆ ಜಮೀನಿನಲ್ಲಿ ಬಿದಿರು ಬೆಳೆದಿದ್ದ ಎನ್ನಲಾಗಿದೆ.
ಮಂಜುನಾಥಸ್ವಾಮಿ ಸ್ನೇಹಿತ ಅದೇ ಗ್ರಾಮದ ನಾಗಣ್ಣ ಎಂಬಾತ ಇಂದು ಬೆಳಿಗ್ಗೆ ಮನೆ ಬಳಿ ಬಂದಿದ್ದ, ಆದರೆ ಹೊರಗಿನಿಂದ ಮನೆಯ ಚಿಲಕ ಹಾಕಿದ್ದ ಕಾರಣ, ಮಂಜುನಾಥಸ್ವಾಮಿ ಎಲ್ಲೋ ಹೋಗಿದ್ದಾನೆ ಎಂದು ವಾಪಸಗಿದ್ದರು. ಆದರೇ, ಮನೆಯೊಳಗೆ ಟಿವಿ ಶಬ್ದ ಕೇಳಿ ಬಂದಿದರಿಂದ ಗ್ರಾಮದ ಮತ್ತೊಬ್ಬ ವ್ಯಕ್ತಿ ಜಗದೀಶ್ ಎಂಬಾತ ಕಿಟಕಿಯಲ್ಲಿ ನೋಡಿದರು. ನಂತರ ನಾಗಣ್ಣ, ಜಗದೀಶ್ ಇತರರು, ಚಿಲಕ ತೆಗೆದು ಒಳಗೆ ಹೋಗಿ ನೋಡಿದಾಗ ಮೃತ ಪಟ್ಟಿರುವ ಘಟನೆ ಬೆಳಕಿಗೆ ಬಂದಿದೆ.
ಕುಳಿತ ಸ್ಥಿತಿಯಲ್ಲೇ ಮಂಜುನಾಥಸ್ವಾಮಿ ಸಾವನ್ನಪ್ಪಿರುವುದು ಬಯಲಾಗಿದೆ. ಮಂಜುನಾಥಸ್ವಾಮಿ ಸ್ವಲ್ಪ ದಪ್ಪವಿದ್ದ ಕಾರಣ, ಹೃದಯಾ ಹೃದಯಾ ಘಾತದಿಂದ ಸಾವನ್ನಪ್ಪಿ ದ್ದಾರೆ ಎಂದು ಸ್ಥಳೀಯರು ಹಾಗೂ ಕುಟುಂಬ ಸದಸ್ಯರು ಅಂದು ಕೊಂಡಿದ್ದರು. ಮುಂದುವರಿದು ಅಂತ್ಯಸಂಸ್ಕಾರಕ್ಕೂ ಸಿದ್ಧತೆ ನಡೆಸಿದ್ದರು. ಆದರೆ ಅನುಮಾನಗೊಂಡು ಸದಸ್ಯರು ಪೊಲೀಸರಿಗೆ ಕುಟುಂಬ ಮಾಹಿತಿ ನೀಡಿದರು.
ಇದನ್ನೂ ಓದಿದ್ದೀರಾ?ಚಿಕ್ಕಮಗಳೂರು | ಮಳೆ ಅಬ್ಬರ: ಜಾಲವೃತಗೊಂಡ ಪಟ್ಟಣ
ಯಾರೋ ಸುದ್ದಿ ತಿಳಿದ ಗೊರೂರು ಪೊಲೀಸರು, ಸ್ಥಳಕ್ಕೆ ಬಂದು ಮೃತದೇಹ ಪರಿಶೀಲಿಸಿದಾಗ ದುಷ್ಕರ್ಮಿಗಳು ಮಂಜುನಾಥಸ್ವಾಮಿ ಕುತ್ತಿಗೆಗೆ ಚುಚ್ಚಿ, ತಲೆಗೆ ತಲೆಭಾಗಕ್ಕೆ ಬಲವಾಗಿ ಹೊಡೆದು ಕೊಲೆ ಮಾಡಿರುವುದು ಬೆಳಕಿಗೆ ಬಂದಿದೆ. ಸ್ಥಳಕ್ಕೆ ಶ್ವಾನದಳ, ಬೆರಳಚ್ಚು ತಜ್ಞರು, ಸೋಕೋ ತಂಡ ಭೇಟಿ, ಪರಿಶೀಲನೆ ನಡೆಸಿದ್ದು, ಒಂಟಿ ವ್ಯಕ್ತಿಯ ಕೊಲೆಗೆ ಕಾರಣ ಏನು ಎಂಬುದರ ಬಗ್ಗೆ ಗೊರೂರು ಪೊಲೀಸರು ಪ್ರಕರಣ ದಾಖಲಿಸಿ ತನಿಖೆ ಮುಂದುವರಿಸಿದ್ದಾರೆ.
