ನೀಟ್ ಪ್ರಶ್ನೆಪತ್ರಿಕೆ ಸೋರಿಕೆ, ಶೈಕ್ಷಣಿಕ ವ್ಯವಸ್ಥೆ ವಿರೋಧಿಸಿ ತಾಲೂಕಾ ಶೈಕ್ಷಣಿಕ ಹೋರಾಟ ಸಮಿತಿ ವತಿಯಿಂದ ಹಾವೇರಿ ಜಿಲ್ಲೆಯ ಹಾನಗಲ್ ಪಟ್ಟಣದ ಮಹಾತ್ಮ ಗಾಂಧಿ ವೃತ್ತದಲ್ಲಿ ಉಪವಾಸ ಸತ್ಯಾಗ್ರಹದಲ್ಲಿ ಶಾಸಕ ಶ್ರೀನಿವಾಸ ಮಾನೆ ಬೆಂಬಲ ವ್ಯಕ್ತಪಡಿಸಿದರು.
“ನೀಟ್ ಪ್ರಶ್ನೆಪತ್ರಿಕೆ ಸೋರಿಕೆ ಪ್ರತಿಭಾವಂತ ಬಡಮಕ್ಕಳ ಅವಕಾಶ ಕಸಿದುಕೊಳ್ಳು ಹುನ್ನಾರ, 21 ವಿದ್ಯಾರ್ಥಿಗಳು ಆತ್ಮಹತ್ಯೆಗೊಳಗಾಗಿದ್ದು ಕೇಂದ್ರ ಸರ್ಕಾರದ ವೈಫಲ್ಯದ ದುಷ್ಪಲ, ಪ್ರತಿಭಟನಾಕಾರರ ಮೇಲೆ ಪೊಲೀಸ ಕ್ರಮ ಖಂಡನೀಯ” ಎಂದು ಈ ಸಂದರ್ಭದಲ್ಲಿ ಹಾನಗಲ್ಲ ತಾಲೂಕಾ ಶೈಕ್ಷಣಿಕ ಹೋರಾಟ ಸಮಿತಿಯ ಸದಸ್ಯರು ಆಕ್ರೋಶ ವ್ಯಕ್ತಪಡಿಸಿದರು.
“ಈ ಪ್ರಶ್ನೆ ಪತ್ರಿಕೆ ಸೋರಿಕೆ ಇಡೀ ದೇಶವೇ ತಲೆತಗ್ಗಿಸುವಂತಹ ಆಘಾತಕಾರಿ ಘಟನೆಯಾಗಿದೆ. ಇಷ್ಟೆಲ್ಲ ಘಟನೆಗಳು ಸಂಭವಿಸಿದರೂ ಕೂಡ ಕೇಂದ್ರ ಶಿಕ್ಷಣ ಸಚಿವರು ರಾಜಿನಾಮೆ ನೀಡಿಲ್ಲ. ಇದರ ಸಮಗ್ರ ತನಿಖೆಗೆ ಮುಂದಾಗದಿರುವುದು ಖಂಡನೀಯ. ನವದೆಹಲಿಯಲ್ಲಿ ವಿದ್ಯಾರ್ಥಿಗಳ ಹಿತರಕ್ಷಣೆಗಾಗಿ 25 ದಿನಗಳಿಂದ ಅಹಿಂಸಾತ್ಮಕ ಹೋರಾಟ ಅಮರಣ ಉಪವಾಸ ಸತ್ಯಾಗ್ರಹ ನಡೆಸುತ್ತಿರುವವರ ಮೇಲೆ ಪೊಲೀಸ್ ಬಲಪ್ರಯೋಗ ದೌರ್ಜನ್ಯ ನಡೆದಿರುವುದು ಪ್ರಜಾಪ್ರಭುತ್ವದ ಆಶಯಗಳಿಗೆ ಧಕ್ಕೆ ತರುವಂತಹದ್ದಾಗಿದೆ” ಎಂದು ಪ್ರತಿಭಟನಾಕಾರರು ಆರೋಪಿಸಿದರು.
ದೇಶದ ಶಿಕ್ಷಣ ಸಚಿವ ಧಮೇರ್ಂದ್ರ ಪ್ರಧಾನ್ ರಾಜೀನಾಮೆ ನೀಡಬೇಕು, ಸೋನಂ ವಾಗ್ವುಕ್ ಅವರು ಹೇಳಿದ ಎಲ್ಲ ಬೇಡಿಕೆಗಳು ಈಡೇರಬೇಕು. ಅಪರಾಧಿಗಳಿಗೆ ಕಠಿಣ ಶಿಕ್ಷೆಯಾಗಬೇಕು. ಆತ್ಮಹತ್ಯೆ ಮಾಡಿಕೊಂಡ ಎಲ್ಲ ವಿದ್ಯಾರ್ಥಿಗಳಿಗೆ ತಲಾ ಒಂದು ಕೋಟಿ ರೂ. ಪರಿಹಾರ ನೀಡಬೇಕು ಎಂದು ತಾಲೂಕಾ ತಹಶೀಲ್ದಾರ್ ಮೂಲಕ ಪ್ರತಿಭಟನಾಕಾರರು ರಾಷ್ಟ್ರಪತಿಗಳಿಗೆ ಮನವಿ ಸಲ್ಲಿಸಿದರು.
ಸತ್ಯಾಗ್ರಹದಲ್ಲಿ ಪ್ರೊ.ಸಿ.ಮಂಜುನಾಥ, ಫೈರೋಜ್ ಶಿರಬಡಗಿ, ವಿಜಯಕುಮಾರ ದೊಡ್ಡಮನಿ, ಪ್ರಶಾಂತ ಮುಚ್ಚಂಡಿ, ಮಂಜುನಾಥ ಕರ್ಜಗಿ, ಮಾರುತಿ ಹಂಜಗಿ, ಟಾಕನಗೌಡ ಪಾಟೀಲ, ಆದರ್ಶ ಶೆಟ್ಟಿ, ಸಿಕಂದರ್ ವಾಲಿಕಾರ, ಗುರುರಾಜ್ ನಿಂಗೋಜಿ, ವಿನಾಯಕ ಬಂಕನಾಳ, ಲಿಂಗರಾಜ ಮಡಿವಾಳರ, ಅಣ್ಣಪ್ಪ ಚಿಕ್ಕಣ್ಣನವರ, ಜಿಲಾನಿಖಾನ್, ಮುಕ್ತಾನಂದ ಹಿರೇಮನಿ, ಆ‌ರ್.ಎಸ್. ತಿರುಮಲೆ, ಅಶೋಕ ದಾಸರ, ಎಂ.ಎಂ.ಮುಲ್ಲಾ, ಶಿವು ಭದ್ರಾವತಿ, ಶಿವು ತಳವಾರ, ಫಕ್ಕೀರೇಶ ಗೌಡಳ್ಳಿ, ಜಮೀರ್ ಶೇಖ್, ಸುರೇಶ ನಾಗಣ್ಣನವರ, ವಿರುಪಾಕ್ಷಪ್ಪ ಕಡಬಗೇರಿ, ರಾಜಕುಮಾರ ಶಿರಪಂಥಿ, ಪರಶುರಾಮ ಖಂಡೂನವರ, ಕೆ.ಎಸ್.ನಾಯ್ಕರ್, ಪಿ.ಎಂ.ಶಿವಕುಮಾರ, ಲೋಹಿತ್ ಕಾಟೆಣ್ಣನವರ, ಬೀರಪ್ಪ ಶಿರಸಿ, ದಾನಗೊಂಡರ, ಮಂಜು ಗಾಳಿ, ರಾಮಚಂದ್ರ ಕಲ್ಲೇರ ಇದ್ದರು.
