ಹುಟ್ಟಿನಿಂದಲೆ ಎರಡೂ ಕಣ್ಣುಗಳಲ್ಲಿ ಸಂಪೂರ್ಣ ಬಿಳಿ ಕಣ್ಣಿನ ಪೊರೆಯಿಂದ ಬಳಲುತ್ತಿದ್ದ ರಾಜಸ್ಥಾನದ 11 ವರ್ಷದ ಬಾಲಕಿಗೆ ದೃಷ್ಟಿ ಮರಳಿ ಬಂದಿದೆ.
ಮೈಸೂರು ನಗರದ ಉಷಾ ಕಿರಣ್ ಕಣ್ಣಿನ ಆಸ್ಪತ್ರೆಯ ಡಾ. ಕೆ ವಿ ರವಿಶಂಕರ್ ಮತ್ತು ಡಾ. ಉಮಾ ರವಿಶಂಕರ್ ಈ ಶಸ್ತ್ರಚಿಕಿತ್ಸೆ ನಡೆಸಿದರು. ಈ ಮಗುವಿನ ಕಣ್ಣಿನ ಶಸ್ತ್ರಚಿಕಿತ್ಸೆಗೆ ನಗರದ ಚಿತ್ರಾ ವೆಂಕಟರಮಣಿ ಮತ್ತು ಅವರ ಕುಟುಂಬ ಬೆಂಬಲ ನೀಡಿತು ಎಂದು ಡಾ.ರವಿಶಂಕರ್ ತಿಳಿಸಿದ್ದಾರೆ.
“ರೇಷ್ಮಾ ಬಾನು ಹುಟ್ಟುವಾಗಲೇ ಎರಡೂ ಕಣ್ಣುಗಳಲ್ಲಿ ಪೊರೆ ಬಂದಿತ್ತು. ಹುಟ್ಟಿನಿಂದಲೇ ದೃಷ್ಟಿಹೀನತೆ ಅನುಭವಿಸಿದ ಆ ಬಾಲಕಿಯ ಪೋಷಕರು ಆಸ್ಪತ್ರೆಯ ಸಹಾಯವನ್ನು ಕೋರಿದರು. ಆಕೆಯ ಪೋಷಕರು ರಾಜಸ್ಥಾನ ಮೂಲದವರಾಗಿದ್ದು, ಪ್ರಸ್ತುತ ಹುಣಸೂರು ಪಟ್ಟಣದಲ್ಲಿ ರಸ್ತೆ ಬದಿ ವ್ಯಾಪಾರ ಮಾಡಿಕೊಂಡು ಬದುಕುತ್ತಿದ್ದಾರೆ” ಎಂದು ಡಾ. ರವಿಶಂಕರ್
ಈ ಸುದ್ದಿ ಓದಿದ್ದೀರಾ? ಹಾಸನ | ಫೆಬ್ರವರಿಯೊಳಗೆ ಕಾಡಾನೆ ಹಾವಳಿಗೆ ಶಾಶ್ವತ ಪರಿಹಾರ ನೀಡದಿದ್ದರೆ ಮತ್ತೆ ಹೋರಾಟ; ಜಯಕರ್ನಾಟಕ ಎಚ್ಚರಿಕೆ
“ಎಡಗಣ್ಣಿಗೆ ಸಾಮಾನ್ಯ ಅರಿವಳಿಕೆಯ ಅಡಿಯಲ್ಲಿ ಮಡಚಬಹುದಾದ ಐಒಎಲ್ ಅಳವಡಿಕೆ, ಪ್ರಾಥಮಿಕ ಹಿಂಭಾಗದ ಕ್ಯಾಪ್ಸುಲೋಟಮಿ ಮತ್ತು ಮುಂಭಾಗದ ವಿಟ್ರೆಕ್ಟಮಿ ಎಲ್ಇ ಜೊತೆಗೆ ನಾವು ಕಣ್ಣಿನ ಪೊರೆ ಶಸ್ತ್ರಚಿಕಿತ್ಸೆ ನಡೆಸಿದ್ದೇವೆ. ಆದಷ್ಟು ಬೇಗ ಬಲಗಣ್ಣಿಗೂ ಕೂಡಾ ಇದೇ ರೀತಿಯ ಶಸ್ತ್ರಚಿಕಿತ್ಸೆ ಮಾಡಲಾಗುವುದು” ಎಂದು ವಿವರಿಸಿದ್ದಾರೆ.
