ಕಳೆದ 5 ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ 4 ವರ್ಷದ ಹೆಣ್ಣು ಹುಲಿ ʼಪ್ರೀತಿʼ ಶನಿವಾರ ಬೆಳಗಿನ ಜಾವ ಮೃತಪಟ್ಟಿದೆ. ಮೈಸೂರು ನಗರದ ಚಾಮರಾಜೇಂದ್ರ ಮೃಗಾಲಯದ ಸಂರಕ್ಷಣಾ ಕೇಂದ್ರದಲ್ಲಿ ಸುಮಾರು 3 ವರ್ಷ 9 ತಿಂಗಳ ವಯಸ್ಸಿನ ಪ್ರೀತಿ ಎಂಬ ಹುಲಿ ಸಾವನ್ನಪ್ಪಿರುವುದಾಗಿ ಮೃಗಾಲಯ ತಿಳಿಸಿದೆ.
ಪ್ರೀತಿ ಎಂಬ ಹುಲಿ ಜುಲೈ 2022ರಲ್ಲಿ ತಾರಾ ಮತ್ತು ರಾಖಿ ದಂಪತಿಗೆ ಜನಿಸಿತ್ತು. ಕಳೆದ 5 ದಿನಗಳಿಂದ ಆ ಹುಲಿ ಆಹಾರವನ್ನು ನಿರಾಕರಿಸುತ್ತಿತ್ತು. ಈ ಹುಲಿ ಹಿಮೋಪ್ರೊಟೊಜೋವಾದಿಂದ ಬಳಲುತ್ತಿತ್ತು. ಮೃಗಾಲಯದ ಪಶುವೈದ್ಯರು ಚಿಕಿತ್ಸೆ ನೀಡಿದ್ದರೂ ಕೂಡ ಚಿಕಿತ್ಸೆಗೆ ಸ್ಪಂದಿಸದೆ ಶನಿವಾರ ಬೆಳಗಿನ ಜಾವ 1.30ರ ಸುಮಾರಿಗೆ ಸಾವನ್ನಪ್ಪಿದೆ ಎಂದು ಮೃಗಾಲಯವು ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ಸುದ್ದಿ ಓದಿದ್ದೀರಾ? ಮೈಸೂರಿನಲ್ಲಿ ‘ಸಂವಿಧಾನ ಅರಿವು ಕೃತಿ ಪರಿಚಯ-ಸಂವಾದ’
ಇತ್ತೀಚಿನ ದಿನಗಳಲ್ಲಿ ಮೃಗಾಲಯದಲ್ಲಿ ಪ್ರಾಣಿಯ ಮೂರನೇ ಸಾವು ಇದಾಗಿದೆ.
ಇಂತಹ ಯುವ ಹುಲಿಗಳು ಸಾವನ್ನಪ್ಪಿತ್ತಿರುವುದು ವನ್ಯಜೀವಿಗಳ ಸಂರಕ್ಷಣೆಯ ಮಹತ್ವವನ್ನು ಮತ್ತೊಮ್ಮೆ ನೆನಪಿಸುತ್ತಿದೆ. ಪ್ರಾಣಿಗಳನ್ನು ಸಂರಕ್ಷಿಸಬೇಕಾದ ನಮ್ಮೆಲ್ಲರ ಜವಾಬ್ದಾರಿ. ಇಲ್ಲದಿದ್ದಲ್ಲಿ ಮುಂದಿನ ಪೀಳಿಗೆಗೆ ಇಂತಹ ಸಂತತಿಗಳ ಬಗ್ಗೆ ಸುಳಿವು ಇಲ್ಲದಂತಾಗುತ್ತದೆ.
