ವಿಜಯಪುರ ಜಿಲ್ಲೆಯ ತಾಳಿಕೋಟೆ ತಾಲ್ಲೂಕಿನ ಮಡಿಕೇಶ್ವರದಲ್ಲಿ ದಲಿತ ಕುಟುಂಬದ ಮೇಲೆ ನಡೆದ ಹಲ್ಲೆ ಖಂಡಿಸಿ ದೇವದುರ್ಗ ತಾಲ್ಲೂಕಿನ ವಿವಿಧ ದಲಿತಪರ ಸಂಘಟನೆಗಳು ಪ್ರತಿಭಟನೆ ನಡೆಸಿದರು.
ಹಲ್ಲೆಗೊಳಗಾದ ಕುಟುಂಬಕ್ಕೆ ಭದ್ರತೆ ಒದಗಿಸಬೇಕು ಹಾಗೂ ತಪ್ಪಿತಸ್ಥರ ಮೇಲೆ ಕಾನೂನು ಕ್ರಮ ಜರುಗಿಸಲು ಮಿನಿ ವಿಧಾನಸೌಧದ ಎದುರು ಸೋಮವಾರ ಪ್ರತಿಭಟನೆ ನಡೆಸಿ, ಬಳಿಕ ತಹಶೀಲ್ದಾ‌ರ್ ನಾಗಮ್ಮ ಕಟ್ಟಿಮನಿ ಅವರಿಗೆ ಮನವಿ ಸಲ್ಲಿಸಿದರು.
ಪ್ರತಿಭಟನೆ ಉದ್ದೇಶಿಸಿ ಮಾತನಾಡಿದ ಎಂಆರ್ಎಸ್ಎಚ್ ಜಿಲ್ಲಾಧ್ಯಕ್ಷ ಹನುಮಂತಪ್ಪ ಮನ್ನಾಪುರಿ, ದಲಿತ ಸಮುದಾಯದ ಪರಸಪ್ಪ ಬಹಿರ್ದೆಸೆಗೆ ತೆರಳಿದ್ದ ವೇಳೆ ಮೇಲ್ಟಾತಿಯವರು ಅವರನ್ನು ಗಿಡಕ್ಕೆ ಕಟ್ಟಿಹಾಕಿ ಹಲ್ಲೆ ಮಾಡಿದ್ದಾರೆ. ಬಿಡಿಸಲು ಹೊದ ದಲಿತ ಯುವಕ ಬಾಲಪ್ಪ ಅವರ ಮೇಲೂ ಮಾರಕಾಸ್ತ್ರಗಳಿಂದ ಹಲ್ಲೆ ನಡೆಸಿದ್ದಾರೆ’ ಎಂದು ಹೇಳಿದರು.
ದಲಿತ ಕುಟುಂಬ ದೂರು ನೀಡಲು ತಾಳಿಕೋಟೆ ಪೊಲೀಸ್‌ ಠಾಣೆಗೆ ತೆರಳಿದಾಗ ಪಿಎಸ್‌ಐ ಜ್ಯೋತಿ ಕೋಟಿ ದೂರು ಸ್ವೀಕರಿಸಿಲ್ಲ. ಹಲ್ಲೆ ಮಾಡಿದವರನ್ನು ರಕ್ಷಣೆ ಮಾಡುತ್ತಿದ್ದಾರೆ. ರಾಜ್ಯದಾದ್ಯಂತ ಮಾದಿಗ ಸಮಾಜದವರ ಮೇಲೆ ಪ್ರತಿನಿತ್ಯ ಹಲ್ಲೆ, ದೌರ್ಜನ್ಯ, ದಬ್ಬಾಳಿಕೆ ನಿರಂತರವಾಗಿ ನಡೆಯುತ್ತಿದೆ. ಸರ್ಕಾರ ಪರಸಪ್ಪ ಮತ್ತು ಬಾಲಪ್ಪ ಕುಟುಂಬಕ್ಕೆ ಭದ್ರತೆ ಒದಗಿಸಿ, ಆರೋಪಿಗಳನ್ನು ಬಂಧಿಸಿ ಕಾನೂನು ಕ್ರಮ ಕೈಗೊಳ್ಳಬೇಕು. ಇಲ್ಲದಿದ್ದರೆ ರಾಜ್ಯದಾದ್ಯಂತ ಪೊಲೀಸ್‌ ಠಾಣೆಗಳ ವಿರುದ್ಧ ಪ್ರತಿಭಟನೆ ಮಾಡುತ್ತೇವೆ’ ಎಂದರು.
ಈ ಸುದ್ದಿ ಓದಿದ್ದೀರಾ? ರಾಯಚೂರು | ಬಂಧುತ್ವದ ಭಾವನೆ ಬೆಳೆಸಿದರೆ ದೇಶದಲ್ಲಿ ಸಹೋದರತ್ವ ಅರಳಲಿದೆ: ಉದಯ ಸಾಹುಕಾರ
ಎಂಆರ್ಎಸ್ಎಚ್ ತಾಲ್ಲೂಕು ಅಧ್ಯಕ್ಷ ಲಿಂಗಪ್ಪ ಗೌಡೂರು, ಮೌನೇಶ, ಯಲ್ಲಪ್ಪ ಆಲದರ್ತಿ, ರವಿ ಅಕ್ಕರಕಿ, ಬಸವರಾಜ ಅಕ್ಕರಕಿ, ಸಾಬಣ್ಣ, ಮೌನೇಶ, ಮಲ್ಲಿಕಾರ್ಜುನ, ಭೀಮರಾಯ, ಯಲ್ಲಪ್ಪ, ರಮೇಶ, ರವಿಚಂದ್ರ, ರಂಗಪ್ಪ, ಚನ್ನಬಸವ, ಹನುಮಂತ, ಚಿದಾನಂದಪ್ಪ, ಹನುಮಂತ ಪೌಡಿ, ಮಹಾದೇವ, ನಿಂಗಯ್ಯ, ರಾಮಣ್ಣ ಮತ್ತು ದಿಲೀಪ್‌ ಇದ್ದರು.
