ದೇವದುರ್ಗ ತಾಲ್ಲೂಕು ಮದರಕಲ್ ಗ್ರಾಮದ ಅವದೂತ ರಾಜಯೋಗಿ ಸಂತ ನಾಮದೇವಗೌಡ ಶರಣರ ಅಂಬಾ ಮಠವು ಸುಮಾರು ವರ್ಷಗಳಿಂದ ಸಹಸ್ತಾರು ಭಕ್ತರು ನೆಲಿಸಿದ ಮಠದ ಬಗ್ಗೆ ಕೆಲವರು ವಿನಾಕಾರಣ ಸುಳ್ಳು ಆರೋಪಗಳು ಮಾಡುತ್ತಿರುವ ಹಿನ್ನೆಲೆ ಭಕ್ತರ ಭಾವನೆ ಧಕ್ಕೆ ಉಂಟಾಗುತ್ತಿದೆ. ಈ ಹಿಂದೆ ಮಠಕ್ಕೆ ಪ್ರೇರಣೆ ನೀಡಿದವರೇ ಇದೀಗ ಸುಳ್ಳಿನ ಕಂತೆ ಕಟ್ಟುತ್ತಿದ್ದಾರೆ ಎಂದು ಪಲಕನಮರಡಿ ಮಾಜಿ ಗ್ರಾಪಂ ಅಧ್ಯಕ್ಷ ಅಮರೇಶ ಪಾಟೀಲ್ ಮತ್ತು ದೇವನಗೌಡ ಆರೋಪಿಸಿದರು.
ಪಟ್ಟಣದ ಪತ್ರಿಕಾ ಭವನದಲ್ಲಿ ಗುರುವಾರ ಜಂಟಿ ಸುದ್ದಿಗೋಷ್ಠಿಯಲ್ಲಿ ಅವರು ಮಾತನಾಡಿದರು. ಮಠದಲ್ಲಿ ಪ್ರತಿವರ್ಷ ಸರ್ವಧರ್ಮ ಸಾಮೂಹಿಕ ವಿವಾಹ ಕಾರ್ಯಕ್ರಮಗಳು ನಡೆಯುತ್ತಿವೆ. ಮಠದ ಗುರುಗಳು ಪರಿಶಿಷ್ಟ ಪಂಗಡ ಜಾತಿಗೆ ಸೇರಿದ್ದು, ಮೂಡ ನಂಬಿಕೆ, ದುಶ್ಚಟಗಳ ಜೂಜಾಟ, ಮದ್ಯಪಾನ ಸೇವನೆ ಇವುಗಳನ್ನು ತ್ಯಜಿಸಲು ಉತ್ತಮ ಜೀವನ ನಡೆಸಲು ಸಾಧ ಭಕ್ತರಿಗೆ ಮಾರ್ಗದರ್ಶನ ನೀಡುತ್ತಲೇ ಬಂದಿದ್ದಾರೆ. ಇಂತಹ ಗುರುಗಳ ವಿರುದ್ಧ ಕೆಲ ಗ್ರಾಮಸ್ಥರು ವಿನಾಕಾರಣ ಆರೋಪಗಳು ಮಾಡುತ್ತಿರುವುದು ಸರಿಯಲ್ಲ ಎಂದು ದೂರಿದರು.
ನಾಯಕ ಸಮುದಾಯಕ್ಕೆ ಸೇರಿದ ಗುರುಗಳು ಇದ್ದು, ಸ್ವಜಾತಿಯವರೇ ಅವರ ತೇಜೋಧನೆ ಮಾಡುತ್ತಿದ್ದಾರೆ. ಮಠ ತೆರುವುಗೊಳಿಸಬೇಕೆಂದು ಹೇಳುತ್ತಿದ್ದು, ಆರೋಪಗಳು ಮಾಡುತ್ತಿರುವವರು ಮಠಕ್ಕೆ ಸಂಬಂಧವಿಲ್ಲ. ಗ್ರಾಪಂ ವ್ಯಾಪ್ತಿಗೆ ಸೇರಿದ ನಿವೇಶನ ಇದ್ದು, ಈ ಹಿಂದೆ ಠರಾವೊ ಮಾಡಿ ಜಾಗ ನೀಡುವಂತೆ ಸಾಮಾನ್ಯ ಸಭೆಯಲ್ಲಿ ತೀರ್ಮಾನಿಸಲಾಗಿದೆ. ವಿವಿಧ ಮಠಗಳ ಸ್ವಾಮೀಜಿಗಳನ್ನು ಕರೆಯಿಸಿ ಉಪನ್ಯಾಸ ನೀಡುತ್ತಿದ್ದಾರೆ. ಗ್ರಾಮದಲ್ಲಿ ಮಠ ಸ್ಥಾಪನೆ ಆದ ನಂತರ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ಮಾಡುವ ಮೂಲಕ ಜಿಲ್ಲೆಯಲ್ಲಿ ಪ್ರಸಿದ್ಧ ಹೊಂದಿದೆ. ರಾಜಕೀಯ ಪ್ರೇರಿತ ಹಿನ್ನೆಲೆ ಮಠ ಬಗ್ಗೆ ಆರೋಪಗಳು ಮಾಡುತ್ತಿರುವುದು ಭಕ್ತರ ಭಾವನೆಗೆ ಧಕ್ಕೆ ತರುವಂತ ಕೆಲಸ ಮಾಡಲಾಗುತ್ತಿದೆ. ಮಠದ ಟ್ರಸ್ಟ್‌ನ ಮೂಲ ಉದ್ದೇಶ ಬಡ ಕುಟುಂಬ ರೈತ ಕುಟುಂಬ ಮತ್ತು ಪರಿಶಿಷ್ಠ ಜಾತಿ ಮತ್ತು ಪಂಗಡದ ಕುಟುಂಬದ ಮಕ್ಕಳಿಗೆ ವಿದ್ಯಾಭ್ಯಾಸಕ್ಕೆ ಅನುಕೂಲವಾಗಲೆಂದು ಮೂಲ ಉದ್ದೇಶವಾಗಿದೆ ಎಂದು ಹೇಳಿದರು.
ಎರಡು ಎಕರೆಯಲ್ಲಿ ಮಠಕ್ಕೆ ನಿವೇಶನ ನೀಡಿ ಕೆಲ ಬಡಕುಟುಂಬದವರು ಮನೆಗಳು ಕಟ್ಟಿಕೊಂಡಿದ್ದಾರೆ. ಹನುಮಗೌಡ ಮದರಕಲ್ ವಿನಾಕಾರಣ ಗುರುಗಳ ಬಗ್ಗೆ ಪೂರಕ ಮಾಹಿತಿವಿಲ್ಲದೇ ಆರೋಪಗಳು ಮಾಡುತ್ತಿರುವುದು ಸರಿಯಲ್ಲ ಎಂದರು. ಟೀಕೆಗಳು ಮಾಡುವುದು ಇಲ್ಲಿಗೆ ಬಿಟ್ಟರೇ ಒಳ್ಳೆಯದು ಮುಂದುವರಿಸಿದಲ್ಲಿ ಭಕ್ತರಿಂದ ಅವರ ವಿರುದ್ಧ ಹೋರಾಟ ಅನಿರ್ವಾಯ ಎಂದರು. ಮಠಗಳ ಮೇಲೆ ನಂಬಿಕೆ ಬಹಳ ಮುಖ್ಯ ಅದು ಬಿಟ್ಟಿ ಇಲ್ಲಸಲ್ಲದ ಆರೋಪಗಳು ಮಾಡುವುದು ಸರಿಯಲ್ಲ ಎಂದು ಹೇಳಿದರು.
ಈ ಸುದ್ದಿ ಓದಿದ್ದೀರಾ? ರಾಯಚೂರು | ವಿದ್ಯುತ್ ಬಿಲ್ ಬಾಕಿ: ಅಂಬೇಡ್ಕರ್ ವಸತಿ ನಿಲಯದ ವಿದ್ಯುತ್ ಸಂಪರ್ಕ ಕಡಿತ
ಇದೇ ಸಂದರ್ಭದಲ್ಲಿ ಹನುಮಂತ, ಸಾಬಣ್ಣ, ಚನ್ನಬಸವ ನಾಯಕ, ಅಂಬಣ್ಣ ಮದರಕಲ್, ಕರೆಯಪ್ಪ ಸೇರಿದಂತೆ ಇತರರು ಇದ್ದರು.
