ರಾಜಕೀಯ ಪಕ್ಷಗಳಿಗೆ ದೇಣಿಗೆ ನೀಡಿರುವ ಚುನಾವಣಾ ಬಾಂಡ್ ಗಳ ಕುರಿತು ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ (ಎಸ್‌ಬಿಐ) ಸಲ್ಲಿಕೆ ಮಾಡಿದ್ದ ದತ್ತಾಂಶಗಳ ವಿವರವನ್ನು ಕೇಂದ್ರ ಚುನಾವಣಾ ಆಯೋಗವು ಗುರುವಾರ ತನ್ನ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ.
ಮಾರ್ಚ್ 15ರ ಸಂಜೆ 5 ಗಂಟೆಯೊಳಗೆ ವಿವರಗಳನ್ನು ಪ್ರಕಟಿಸಬೇಕು ಎಂದು ಸುಪ್ರೀಂ ಕೋರ್ಟ್‌ ನೀಡಿದ್ದ ಆದೇಶಕ್ಕೂ ಮುನ್ನವೇ ಫೆಬ್ರವರಿ 14ರಂದು ಮಾಹಿತಿಯನ್ನು ಆಯೋಗವು ತನ್ನ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ. ಎಸ್‌ಬಿಐ ಮಾರ್ಚ್ 12ರಂದು ಚುನಾವಣಾ ಬಾಂಡ್‌ಗಳ ಖರೀದಿದಾರರ ವಿವರವನ್ನು ಆಯೋಗಕ್ಕೆ ಸಲ್ಲಿಸಿತ್ತು.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಕಾಂಗ್ರೆಸ್ ಘೋಷಿಸಿದ ಐದು ಗ್ಯಾರಂಟಿ ಮತ್ತು ಆರ್ಥಿಕತೆಯ ನಿಜನೋಟ
2018ರಿಂದ ಈವರೆಗೂ 30 ಕಂತುಗಳಲ್ಲಿ ಒಟ್ಟು 16,518 ಕೋಟಿ ರೂ. ಮೌಲ್ಯದ ಚುನಾವಣಾ ಬಾಂಡ್‌ಗಳನ್ನು ಎಸ್‌ಬಿಐ ವಿತರಿಸಿದೆ. ಕೇಂದ್ರ ಸರಕಾರ ಜಾರಿಗೆ ತಂದಿದ್ದ ಈ ಚುನಾವಣಾ ಬಾಂಡ್ ಯೋಜನೆಯನ್ನು ಫೆ.15ರಂದು ಸುಪ್ರೀಂಕೋರ್ಟ್‌ ರದ್ದುಪಡಿಸಿ ಮಹತ್ವದ ತೀರ್ಪು ನೀಡಿತ್ತು. ಇದು ‘ಅಸಂವಿಧಾನಿಕ’ ಎಂದಿದ್ದ ಸುಪ್ರೀಂ ಕೋರ್ಟ್‌ ಚುನಾವಣಾ ಬಾಂಡ್ ಖರೀದಿಸಿದವರ ವಿವರಗಳನ್ನು ಚುನಾವಣಾ ಆಯೋಗಕ್ಕೆ ಒದಗಿಸಬೇಕು ಎಂದು ಎಸ್‌ಬಿಐಗೆ ನಿರ್ದೇಶನ ನೀಡಿತ್ತು.
ಪ್ರಮುಖ 10 ದೇಣಿಗೆದಾರ ಕಂಪನಿಗಳು
- ಫ್ಯೂಚರ್ ಗೇಮಿಂಗ್ ಆ್ಯಂಡ್ ಹೋಟೆಲ್ ಸರ್ವೀಸಸ್ : 1,368 ಕೋಟಿ ರೂ.
- ಮೇಘಾ ಇಂಜಿನಿಯರಿಂಗ್ ಮತ್ತು ಇನ್ ಫ್ರಾಸ್ಟ್ರಕ್ಟರ್ ಲಿಮಿಟೆಡ್: 966 ಕೋಟಿ ರೂ.
- ಕ್ವಿಕ್ ಸಪ್ಲೈ ಚೈನ್ ಪ್ರವೇಟ್ ಲಿಮಿಟೆಡ್: 410 ಕೋಟಿ ರೂ.
- ವೇದಾಂತ ಲಿಮಿಟೆಡ್: 400 ಕೋಟಿ ರೂ.
- ಹಾಲ್ದಿಯಾ ಎನರ್ಜಿ ಲಿಮಿಟೆಡ್: 377 ಕೋಟಿ ರೂ.
- ಭಾರ್ತಿ ಗ್ರೂಪ್: 247 ಕೋಟಿ ರೂ.
- ಎಸ್ಸೆಲ್ ಮೈನಿಂಗ್ ಆ್ಯಂಡ್ ಇಂಡಸ್ಟ್ರೀಸ್ ಲಿಮಿಟೆಡ್: 224 ಕೋಟಿ ರೂ.
- ವೆಸ್ಟರ್ನ್ ಯುಪಿ ಪವರ್ ಟ್ರಾನ್ಸ್ ಮಿಷನ್ ಕಂಪನಿ ಲಿಮಿಟೆಡ್: 220 ಕೋಟಿ ರೂ.
- ಕೆವೆಂಟರ್ ಫುಡ್ ಪಾರ್ಕ್ ಇನ್ ಫ್ರಾ ಲಿಮಿಟೆಡ್: 195 ಕೋಟಿ ರೂ.
- ಮದನ್ ಲಾಲ್ ಲಿಮಿಟೆಡ್: 185 ಕೋಟಿ ರೂ.
ಅತೀ ಹೆಚ್ಚು ದೇಣಿಗೆ ಪಡೆದ ಪಕ್ಷಗಳು
- ಬಿಜೆಪಿ : 6,060.50 ಕೋಟಿ ರೂ., ಶೇ. 47.46
- ತೃಣಮೂಲ ಕಾಂಗ್ರೆಸ್: 1,609.50 ಕೋಟಿ ರೂ., ಶೇ.12.60
- ಕಾಂಗ್ರೆಸ್: 1,421.90 ಕೋಟಿ ರೂ., ಶೇ. 11.14
- ಭಾರತ್ ರಾಷ್ಟ್ರ ಸಮಿತಿ: 1,214.70 ಕೋಟಿ ರೂ., ಶೇ. 9.51
- ಬಿಜು ಜನತಾ ದಳ: 775.50 ಕೋಟಿ ರೂ., ಶೇ. 6.07
- ಡಿಎಂಕೆ: 639.00 ಕೋಟಿ ರೂ., ಶೇ. 5.0
- ವೈಎಸ್ ಆರ್ ಕಾಂಗ್ರೆಸ್ ಪಾರ್ಟಿ: 337.00 ಕೋಟಿ ರೂ., ಶೇ. 2.64
- ತೆಲುಗು ದೇಶಂ ಪಾರ್ಟಿ: 218.90 ಕೋಟಿ ರೂ., ಶೇ. 1.71
- ಶಿವಸೇನಾ: 159.40 ಕೋಟಿ ರೂ., ಶೇ. 1.24
- ರಾಷ್ಟ್ರೀಯ ಜನತಾ ದಳ: 72.50 ಕೋಟಿ ರೂ., ಶೇ. 0.57
- ಆಮ್ ಆದ್ಮಿ ಪಾರ್ಟಿ: 65.50 ಕೋಟಿ ರೂ., ಶೇ. 0.51
- ಜೆಡಿಎಸ್: 43.50 ಕೋಟಿ ರೂ., ಶೇ. 0.34
- ಸಿಕ್ಕಿಂ ಕ್ರಾಂತಿಕಾರಿ ಮೋರ್ಚಾ: 36.50 ಕೋಟಿ ರೂ., ಶೇ. 0.29
- ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಾರ್ಟಿ: 30.50 ಕೋಟಿ ರೂ., ಶೇ. 0.24
- ಜನಸೇನಾ ಪಾರ್ಟಿ: 21.00 ಕೋಟಿ ರೂ., ಶೇ. 0.16
- ಸಮಾಜವಾದಿ ಪಾರ್ಟಿ: 14.10 ಕೋಟಿ ರೂ., ಶೇ. 0.11
- ಜೆಡಿಯು: 14.00 ಕೋಟಿ ರೂ., ಶೇ. 0.11
- ಶಿರೋಮಣಿ ಅಕಾಲಿದಳ: 7.30 ಕೋಟಿ ರೂ., ಶೇ. 0.06
- ಎಐಎಡಿಎಂಕೆ: 6.10 ಕೋಟಿ ರೂ., ಶೇ. 0.05
- ಸಿಕ್ಕಿಂ ಡೆಮಾಕ್ರಟಿಕ್ ಫ್ರಂಟ್: 5.50 ಕೋಟಿ ರೂ., ಶೇ. 0.04
- ರಾಷ್ಟ್ರೀಯ ಜನತಾ ದಳ: 1.00 ಕೋಟಿ ರೂ., ಶೇ. 0.01
- ಮಹಾರಾಷ್ಟ್ರವಾದಿ ಗೋಮಂತಕ್ ಪಾರ್ಟಿ: 0.60 ಲಕ್ಷ ರೂ., ಶೇ. 0.01
- ಜಮ್ಮು ಮತ್ತು ಕಾಶ್ಮೀರ ನ್ಯಾಷನಲ್ ಕಾನ್ಫರೆನ್ಸ್: 0.50 ಲಕ್ಷ ರೂ.,
- ನ್ಯಾಷನಲಿಸ್ಟ್ ಕಾಂಗ್ರೆಸ್ ಪಾರ್ಟಿ ಮಹಾರಾಷ್ಟ್ರ ಪ್ರದೇಶ: 0.50 ಲಕ್ಷ ರೂ.,
- ಗೋವಾ ಫಾರ್ವರ್ಡ್ ಪಾರ್ಟಿ: 0.40 ಲಕ್ಷ ರೂ.,
