ಆರು ವರ್ಷಗಳ ಹಿಂದೆ ಪುಲ್ವಾಮದಲ್ಲಿ ದಾಳಿ ಮಾಡಿ 46 ಮಂದಿ ಭಾರತೀಯ ಯೋಧರನ್ನು ಕೊಂದಿದ್ದ ಭಯೋತ್ಪಾದಕರು ಈ ಬಾರಿ ಕಾಶ್ಮೀರದ ಪೆಹಲಗಾಮ್‌ನಲ್ಲಿ ಪ್ರವಾಸಿಗರ ಮೇಲೆ ದಾಳಿ ಮಾಡಿ ಇಬ್ಬರು ವಿದೇಶೀಯರೂ ಸೇರಿದಂತೆ 28 ಮಂದಿ ಪ್ರವಾಸಿಗರನ್ನು ಬಲಿ ತೆಗೆದುಕೊಂಡಿದ್ದಾರೆ. ಜತೆಗೆ ಈ ಘಟನೆ ಇತ್ತೀಚಿನ ದಿನಗಳಲ್ಲಿ ನಡೆದ ಅತ್ಯಂತ ಭೀಕರ ದಾಳಿಗಳಲ್ಲಿ ಒಂದಾಗಿದೆ.
ಕಾಶ್ಮೀರದ ಪಹಲ್‌ಗಾಮ್‌ನಿಂದ ಸುಮಾರು 5 ಕಿಮೀ(3 ಮೈಲುಗಳು) ದೂರದಲ್ಲಿರುವ ಬೈಸಾರನ್ ಹುಲ್ಲುಗಾವಲಿಗೆ ಭೇಟಿ ನೀಡುತ್ತಿದ್ದಾಗ ಮಂಗಳವಾರ ನಡೆದ ʼಭಯೋತ್ಪಾದಕ ದಾಳಿʼಯಲ್ಲಿ ಹಲವಾರು ಪ್ರವಾಸಿಗರಿಗೆ ಗುಂಡೇಟು ಗಾಯಗಳಾಗಿವೆ.
ಕೇಂದ್ರದಲ್ಲಿ ಬಿಜೆಪಿ ಅಧಿಕಾರಕ್ಕೆ ಬಂದಾಗಿನಿಂದ ಈವರೆಗೆ ಬಹುತೇಕ ಭಯೋತ್ಪಾದಕ ದಾಳಿಗಳು ನಡೆದಿದ್ದು, ಹಲವು ಜೀವಗಳು ಬಲಿಯಾಗಿವೆ. ʼಕೇಂದ್ರದಲ್ಲಿ ಬಿಜೆಪಿ ಅಧಿಕಾರಕ್ಕೆ ಬಂದಾಗಿನಿಂದ ಯಾವುದೇ ರೀತಿಯ ದಾಳಿಗಳು ನಡೆದಿಲ್ಲʼವೆಂದು ಬಡಾಯಿ ಕೊಚ್ಚಿಕೊಳ್ಳುವ ಮೋದಿ ಯಾವ ರೀತಿಯ ರಕ್ಷಣೆಗಳನ್ನು ಒದಗಿಸಿದ್ದಾರೆಂಬುದಕ್ಕೆ ನಿನ್ನೆ ನಡೆದಿರುವ ದಾಳಿಯೇ ಸಾಕ್ಷಿಯಾಗಿದೆ.
2014ರಿಂದ ಈವರೆಗೆ ಜಮ್ಮು ಮತ್ತು ಕಾಶ್ಮೀರ ಸೇರಿದಂತೆ ದೇಶದ ಹಲವು ರಾಜ್ಯಗಳಲ್ಲಿ ನಡೆದಿರುವ ಭಯೋತ್ಪಾದಕ ದಾಳಿಗಳು
ಜಮ್ಮು ಮತ್ತು ಕಾಶ್ಮೀರದಲ್ಲಿ 2014ರಿಂದ ಈವರೆಗೆ ಬಹುತೇಕ ಭಯೋತ್ಕಾದಕ ದಾಳಿಗಳು ನಡೆದಿದ್ದು, ಹಲವು ಮಂದಿ ಸಾವನ್ನಪ್ಪಿದ್ದಾರೆ.
2014ರ ಡಿಸೆಂಬರ್‌ 5ರಲ್ಲಿ ಕಾಶ್ಮೀರ ಕಣಿವೆ ದಾಳಿ(2014 Kashmir Valley Attacks) ನಡೆದಿದ್ದು,
ಉರಿ ಸೇನಾ ನೆಲೆಯ ಮೇಲೆ ನಾಲ್ಕು ದಾಳಿಗಳು ನಡೆದವು. ಈ ದಾಳಿಯಲ್ಲಿ 11 ಜನರು ಮೃತಪಟ್ಟರು, ಹಲವರು ಗಾಯಗೊಂಡರು. ಈ ದಾಳಿಗೆ ಲಷ್ಕರ್-ಎ-ತಯ್ಯಬಾ ಎಂಬ ಭಯೋತ್ಪಾದಕ ಸಂಘಟನೆ ಕಾರಣವೆಂದು ಆರೋಪಿಸಲಾಗಿತ್ತು.
2014ರಲ್ಲಿ ಕಶ್ಮೀರಿ ಪಂಡಿತರ ಮೇಲೆಯೂ ದಾಳಿ ನಡೆಸಿದ ಭಯೋತ್ಪಾದಕರು ಅವರನ್ನು ಬಲಿ ಪಡೆದಿದ್ದರು.
2016ರ ಪಠಾಣ್‌ಕೋಟ್ ವಾಯುನೆಲೆಯ ಮೇಲೆ ದಾಳಿ: 2016ರ ಜನವರಿ 2ರಂದು, ಇಸ್ಲಾಮಿಕ್ ಭಯೋತ್ಪಾದಕ ಯುನೈಟೆಡ್ ಜಿಹಾದ್ ಕೌನ್ಸಿಲ್(5)ಗೆ ಸೇರಿದ 4 ಉಗ್ರಗಾಮಿಗಳು ಭಾರತೀಯ ವಾಯುಪಡೆಯ ಪಠಾಣ್‌ಕೋಟ್ ವಾಯುನೆಲೆಯ ಮೇಲೆ ದಾಳಿ ಮಾಡಿದರು. ಆರಂಭಿಕ ಯುದ್ಧದಲ್ಲಿ ನಾಲ್ವರು ದಾಳಿಕೋರರು ಮತ್ತು ಇಬ್ಬರು ಭದ್ರತಾ ಪಡೆಗಳ ಸಿಬ್ಬಂದಿ ಸಾವನ್ನಪ್ಪಿದರು. ಕೆಲವು ಗಂಟೆಗಳ ನಂತರ ಹೆಚ್ಚುವರಿ ಭದ್ರತಾ ಪಡೆ ಸದಸ್ಯ ಗಾಯಗಳಿಂದ ಸಾವನ್ನಪ್ಪಿದರು.
2016 ಉರಿ ದಾಳಿ(2016 Uri Attack) : 2016ರ ಸೆಪ್ಟೆಂಬರ್ 18ರಂದು ಉರಿಯಲ್ಲಿ ಸೇನಾ ನೆಲೆಯ ಮೇಲೆ ನಾಲ್ಕು ಉಗ್ರರು ದಾಳಿ ಮಾಡಿದರು. ಈ ದಾಳಿಯಿಂದ 23 ಸೈನಿಕರು ಮೃತಪಟ್ಟರು(ಕೆಲವು ಮೂಲಗಳ ಪ್ರಕಾರ 17-20). ಜೈಷ್-ಎ-ಮೊಹಮ್ಮದ್(JeM) ಈ ದಾಳಿಯ ಹೊಣೆ ಹೊತ್ತುಕೊಂಡಿತು.
2016ರ ಅಕ್ಟೋಬರ್ 2 ಮತ್ತು 3ರ ಮಧ್ಯರಾತ್ರಿ, ಜಮ್ಮು ಮತ್ತು ಕಾಶ್ಮೀರದ ಬಾರಾಮುಲ್ಲಾ ಜಿಲ್ಲೆಯ ಭಾರತೀಯ ಸೇನೆಯ 46 ರಾಷ್ಟ್ರೀಯ ರೈಫಲ್ಸ್‌ನ ಶಿಬಿರದ ಮೇಲೆ ಮಸೂದ್ ಅಜರ್‌ನ ಜೈಶ್ -ಎ-ಮೊಹಮ್ಮದ್(ಜೆಇಎಂ) ಉಗ್ರಗಾಮಿ ಸಂಘಟನೆಗೆ ಸೇರಿದ ಪಾಕಿಸ್ತಾನಿ ಪ್ರಜೆಗಳಾದ ಹಂಡೀಫ್ ಅಲಿಯಾಸ್ ಹಿಲಾಲ್(23) ಮತ್ತು ಅಲಿ(22) ಉಗ್ರರು ದಾಳಿ ಮಾಡಿದ್ದರು. ಈ ದಾಳಿಯಲ್ಲಿ ಭಾರತೀಯ ಗಡಿ ಭದ್ರತಾ ಪಡೆ(ಬಿಎಸ್‌ಎಫ್)ಯ ಅಧಿಕಾರಿಯೊಬ್ಬರು ಸಾವನ್ನಪ್ಪಿದರು ಮತ್ತು ಹಲವಾರು ಮಂದಿ ಗಾಯಗೊಂಡಿದ್ದರು. ಇಬ್ಬರು ಉಗ್ರರು ಸಹ ಸಾವನ್ನಪ್ಪಿದ್ದರು ಎಂದು ವರದಿಯಾಗಿತ್ತು. ಬಾರಾಮುಲ್ಲಾ ಜಿಲ್ಲೆಯ ಉರಿ ಪ್ರದೇಶದಲ್ಲಿ ಭಾರತೀಯ ಸೇನಾ ನೆಲೆಯ ಮೇಲೆ ಉಗ್ರರು ದಾಳಿ ಮಾಡಿದ ಕೆಲವೇ ವಾರಗಳಲ್ಲಿ ಈ ದಾಳಿ ನಡೆದಿತ್ತು.
2017 ಅಮರನಾಥ ಯಾತ್ರಿಕರ ಮೇಲೆ ದಾಳಿ: 2017ರ ಜುಲೈ 10ರಂದು, ಅಮರನಾಥ ಯಾತ್ರಿಕರ ಬಸ್ ಮೇಲೆ ಉಗ್ರರು ದಾಳಿ ಮಾಡಿದರು. 7 ಸಾಮಾನ್ಯ ಜನರು ಮೃತಪಟ್ಟರು, ಹಲವರು ಗಾಯಗೊಂಡರು. ಲಷ್ಕರ್-ಎ-ತಯ್ಯಬಾ(LeT) ಈ ದಾಳಿಯ ಹಿಂದಿದೆ ಎಂದು ಶಂಕಿಸಲಾಗಿತ್ತು.
2019 ಪುಲ್ವಾಮಾ ದಾಳಿ(2019 Pulwama Attack) : 2019ರ ಫೆಬ್ರವರಿ 14ರಂದು, ಪುಲ್ವಾಮಾದಲ್ಲಿ ಸಿಆರ್‌ಪಿಎಫ್ ಸಿಬ್ಬಂದಿ ಮೇಲೆ ಆತ್ಮಾಹುತಿ ದಾಳಿ ನಡೆಯಿತು. 44 ಸೈನಿಕರು ಮೃತಪಟ್ಟರು(ಕೆಲವು ಮೂಲಗಳ ಪ್ರಕಾರ 40-46). ಜೈಷ್-ಎ-ಮೊಹಮ್ಮದ್ ಈ ದಾಳಿಯ ಹೊಣೆ ಹೊತ್ತುಕೊಂಡಿತು.
2021 ಜಮ್ಮು ಮತ್ತು ಕಾಶ್ಮೀರ ದಾಳಿಗಳು(2021 Jammu and Kashmir Attacks): 2021ರಲ್ಲಿ ಒಟ್ಟು 153 ಭಯೋತ್ಪಾದಕ ದಾಳಿಗಳು ನಡೆದವು. 274 ಜನರು ಮೃತಪಟ್ಟರು, ಇದರಲ್ಲಿ 45 ಮಂದಿ ಸೈನಿಕರು, 36 ಮಂದಿ ಸಾಮಾನ್ಯ ಜನರು ಮತ್ತು 193 ಮಂದಿ ಉಗ್ರರು ಸೇರಿದ್ದಾರೆ. ಈ ವೇಳೆ ಡ್ರೋನ್‌ಗಳ ಮೂಲಕ ಸ್ಫೋಟಕ ದಾಳಿಗಳನ್ನು ಹೆಚ್ಚಾಗಿ ನಡೆಸಲಾಗಿದೆ.
2022 ಕತ್ರಾ ಯಾತ್ರಿಕರ ಬಸ್ ಮೇಲೆ ದಾಳಿ(2022 Katra Pilgrim Bus Attack): ಕತ್ರಾದಲ್ಲಿ ಯಾತ್ರಿಕರ ಬಸ್ ಮೇಲೆ ಸ್ಟಿಕ್ಕಿ ಬಾಂಬ್ ದಾಳಿ ನಡೆಯಿತು. 4 ಮಂದಿ ಸಾಮಾನ್ಯ ಜನರು ಮೃತಪಟ್ಟರು. ಇದು ಧಾರ್ಮಿಕ ಯಾತ್ರಿಕರ ಮೇಲೆ ಭಯ ಸೃಷ್ಟಿಸುವ ಉದ್ದೇಶವನ್ನು.
2023 ಧನಗ್ರಿ ಹತ್ಯಾಕಾಂಡ(2023 Dhangri Massacre) : ಜನವರಿ 2023ರಲ್ಲಿ, ರಜೌರಿ ಜಿಲ್ಲೆಯ ಧನಗ್ರಿ ಗ್ರಾಮದಲ್ಲಿ ಉಗ್ರರು ದಾಳಿ ಮಾಡಿದರು. 7 ಮಂದಿ ಹಿಂದೂ ಸಾಮಾನ್ಯ ಜನರನ್ನು ಕೊಲ್ಲಲಾಯಿತು.
2024 ರಿಯಾಸಿ ಯಾತ್ರಿಕರ ಬಸ್ ಮೇಲೆ ದಾಳಿ(2024 Reasi Pilgrim Bus Attack): 2024ರ ಜೂನ್ 9ರಂದು ರಿಯಾಸಿಯಲ್ಲಿ ಯಾತ್ರಿಕರ ಬಸ್ ಮೇಲೆ ದಾಳಿ ನಡೆಯಿತು. ಬಸ್ ಕಂದಕಕ್ಕೆ ಬಿದ್ದು, 9 ಜನರು ಮೃತಪಟ್ಟರು, 33 ಜನರು ಗಾಯಗೊಂಡರು.
2024 ಟನಲ್ ದಾಳಿ (2024 Tunnel Attack) : ಜಮ್ಮು ಮತ್ತು ಕಾಶ್ಮೀರದಲ್ಲಿ ಒಂದು ಸುರಂಗದ ಬಳಿ ದಾಳಿ ನಡೆಯಿತು. ಈ ದಾಳಿಯಲ್ಲಿ 7 ಜನರು ಮೃತಪಟ್ಟರು. ಇದರಲ್ಲಿ ಸೈನಿಕರೂ ಕೂಡ ಸೇರಿದ್ದಾರೆ.
2024 ಅನಂತನಾಗ್ ದಾಳಿ(2024 Anantnag Attack) : ಅನಂತನಾಗ್‌ನಲ್ಲಿ ಪ್ರವಾಸಿ ದಂಪತಿಯ ಮೇಲೆ ದಾಳಿ ನಡೆಯಿತು. ಇದರಲ್ಲಿ ಇಬ್ಬರು ಗಾಯಗೊಂಡರು. ಈ ದಾಳಿ ಪ್ರವಾಸಿಗರನ್ನು ಗುರಿಯಾಗಿಸಿ ಶಾಂತಿ ಕದಡುವ ಪ್ರಯತ್ನವಾಗಿತ್ತು.
2024 ಕಠುವಾ ಹತ್ಯೆಗಳು(2024 Kathua Killings) : ಕಠುವಾ ಜಿಲ್ಲೆಯ ಬದ್ನೋಟ ಗ್ರಾಮದಲ್ಲಿ ಸೈನಿಕರ ಪೆಟ್ರೋಲ್ ಟ್ರಕ್ ಮೇಲೆ ದಾಳಿ ನಡೆಯಿತು. 5 ಸೈನಿಕರು ಮೃತಪಟ್ಟರು, ಇದರಲ್ಲಿ ಒಬ್ಬ ಜೂನಿಯರ್ ಕಮಿಷನ್ಡ್ ಆಫೀಸರ್ ಮತ್ತು ಒಬ್ಬ ಪೊಲೀಸ್ ಸಿಬ್ಬಂದಿ ಸೇರಿದ್ದಾರೆ.
2025 ಪಹಲ್ಗಾಮ್ ದಾಳಿ(2025 Pahalgam Attack): ಇದೀಗ ಏಪ್ರಿಲ್ 22ರ ಮಂಗಳವಾರದಂದು ಅನಂತನಾಗ್ ಜಿಲ್ಲೆಯ ಪಹಲ್ಗಾಮ್ ಬಳಿಯ ಬೈಸರನ್ ಮೇಡೋದಲ್ಲಿ ಉಗ್ರರು ಪ್ರವಾಸಿಗರ ಮೇಲೆ ಗುಂಡಿನ ದಾಳಿ ನಡೆಸಿದರು. ಕನಿಷ್ಠ 28 ಜನರು ಮೃತಪಟ್ಟರು(ಕೆಲವು ಮೂಲಗಳ ಪ್ರಕಾರ 28+), ಹಲವರು ಗಾಯಗೊಂಡರು. ಲಷ್ಕರ್-ಎ-ತಯ್ಯಬಾದೊಂದಿಗೆ ಸಂಬಂಧವಿರುವ ದಿ ರೆಸಿಸ್ಟೆನ್ಸ್ ಫ್ರಂಟ್(TRF) ಈ ದಾಳಿಯ ಹೊಣೆ ಹೊತ್ತುಕೊಂಡಿತು.
2015ರ ಜೂನ್ 14ರಂದು ಮಣಿಪುರದ ಚಾಂಡೆಲ್ ಜಿಲ್ಲೆಯಲ್ಲಿ ಯುನೈಟೆಡ್ ಲಿಬರೇಶನ್ ಫ್ರಂಟ್ ಆಫ್ ವೆಸ್ಟರ್ನ್ ಸೌತ್ ಈಸ್ಟ್ ಏಷ್ಯಾ(UNLFW) ಪ್ರತ್ಯೇಕತಾವಾದಿಗಳು ಮಿಲಿಟರಿ ಬೆಂಗಾವಲು ಪಡೆಯ ಮೇಲೆ ಹೊಂಚುದಾಳಿ ನಡೆಸಿದರು. ಇದರ ಪರಿಣಾಮವಾಗಿ 18 ಮಂದಿ ಭಾರತೀಯ ಸೇನಾ ಸೈನಿಕರು ಸಾವನ್ನಪ್ಪಿದರು, 15 ಮಂದಿ ಗಂಭೀರವಾಗಿ ಗಾಯಗೊಂಡರು. ಈಶಾನ್ಯ ಭಾರತದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಪ್ರತ್ಯೇಕತಾವಾದಿ ಗುಂಪಾದ ಯುನೈಟೆಡ್ ಲಿಬರೇಶನ್ ಫ್ರಂಟ್ ಈ ಮಾರಕ ದಾಳಿಯ ಜವಾಬ್ದಾರಿಯನ್ನು ಬಹಿರಂಗವಾಗಿ ಹೊತ್ತುಕೊಂಡಿತು.
2016ರ ಜನವರಿ 2ರಂದು, ಇಸ್ಲಾಮಿಕ್ ಪ್ರತ್ಯೇಕತಾವಾದಿ ಕಾಶ್ಮೀರಿ ಗುಂಪುಗಳ 4 ಉಗ್ರಗಾಮಿಗಳು ಭಾರತೀಯ ವಾಯುಪಡೆಯ ಪಠಾಣ್‌ಕೋಟ್ ವಾಯುನೆಲೆಯ ಮೇಲೆ ದಾಳಿ ಮಾಡಿದರು. ಇದು ಅದರ ಪಶ್ಚಿಮ ವಾಯು ಕಮಾಂಡ್‌ನ ಭಾಗವಾಗಿದೆ. ಆರಂಭಿಕ ಯುದ್ಧದಲ್ಲಿ ನಾಲ್ವರು ದಾಳಿಕೋರರು ಮತ್ತು ಇಬ್ಬರು ಭದ್ರತಾ ಪಡೆಗಳ ಸಿಬ್ಬಂದಿ ಸಾವನ್ನಪ್ಪಿದರು, ಮತ್ತು ಗಂಟೆಗಳ ನಂತರ ಹೆಚ್ಚುವರಿ ಭದ್ರತಾ ಪಡೆ ಸದಸ್ಯ ಗಾಯಗಳಿಂದ ಸಾವನ್ನಪ್ಪಿದರು.
2014ರ ಡಿಸೆಂಬರ್‌ನಲ್ಲಿ ಆದಿವಾಸಿ ಬುಡಕಟ್ಟು ಜನಾಂಗದವರ ಮೇಲೆ ಸರಣಿ ಮಾರಕ ದಾಳಿ ” ನ್ಯಾಷನಲ್ ಡೆಮಾಕ್ರಟಿಕ್ ಫ್ರಂಟ್ ಆಫ್ ಅಸ್ಸಾಂ-ಸಾಂಗ್‌ಬಿಜಿತ್(ಎನ್‌ಡಿಎಫ್‌ಬಿಎಸ್) ಉಗ್ರರು ಅಸ್ಸಾಂನ ಹಲವಾರು ಸ್ಥಳಗಳಲ್ಲಿ ಆದಿವಾಸಿ ಬುಡಕಟ್ಟು ಜನಾಂಗದವರ ಮೇಲೆ ಸರಣಿ ಮಾರಕ ದಾಳಿಗಳನ್ನು ನಡೆಸಿದ್ದರು. ಈ ದಾಳಿಯಲ್ಲಿ 70ಕ್ಕೂ ಹೆಚ್ಚು ಆದಿವಾಸಿಗಳು ಬಲಿಯಾಗಿದ್ದರು.
2016ರ ಆಗಸ್ಟ್‌ 15ರಂದು, ಅಸ್ಸಾಂನ ಕೊಕ್ರಜಾರ್ ಪಟ್ಟಣದ ಬಳಿಯ ಬಲಜನ್ ಟಿನಿಯಾಲಿಯಲ್ಲಿರುವ ಮಾರುಕಟ್ಟೆಯಲ್ಲಿ ಬೋಡೋ ಪ್ರತ್ಯೇಕತಾವಾದಿ ಸಂಘಟನೆಯ ಎನ್‌ಡಿಎಫ್‌ಟಿ(ಎಸ್) ಉಗ್ರಗಾಮಿಗಳ ಗುಂಪೊಂದು ಗುಂಡು ಹಾರಿಸಿತು. ದಾಳಿಯ ಪರಿಣಾಮವಾಗಿ ಹದಿನಾಲ್ಕು ಜನರು ಸಾವನ್ನಪ್ಪಿದರು ಮತ್ತು ಹದಿನಾರು ಜನರು ಗಾಯಗೊಂಡರು.
2017ರ ಭೋಪಾಲ್-ಉಜ್ಜಯಿನಿ ಪ್ಯಾಸೆಂಜರ್ ರೈಲಿನ ಬಾಂಬ್ ದಾಳಿ: ಭೋಪಾಲ್-ಉಜ್ಜಯಿನಿ ಪ್ಯಾಸೆಂಜರ್ ರೈಲಿ ಮೇಲೆ ಭಯೋತ್ಪಾದಕ ದಾಳಿಯಾಗಿದ್ದು, ಇದು ಮಧ್ಯಪ್ರದೇಶದ ರಾಜಧಾನಿ ಭೋಪಾಲ್ ಜಂಕ್ಷನ್ ರೈಲು ನಿಲ್ದಾಣ ಮತ್ತು ಉಜ್ಜಯಿನಿ ಜಂಕ್ಷನ್ ರೈಲು ನಿಲ್ದಾಣದ ನಡುವೆ ಚಲಿಸುವ ಪ್ರಯಾಣಿಕ ರೈಲು. ಮಧ್ಯಪ್ರದೇಶದ ಶಾಜಾಪುರ ಜಿಲ್ಲೆಯ ಜಬ್ರಿ ರೈಲು ನಿಲ್ದಾಣದಲ್ಲಿ ಬಾಂಬ್ ದಾಳಿ ಸಂಭವಿಸಿ 10 ಮಂದಿ ಪ್ರಯಾಣಿಕರು ಗಾಯಗೊಂಡಿದ್ದರು.
2023ರ ಎಲತ್ತೂರ್ ರೈಲು ದಾಳಿ : 2023ರ ಏಪ್ರಿಲ್ 2ರಂದು ಶಾರುಖ್ ಸೈಫಿ ಎಂಬ ಏಕೈಕ ಇಸ್ಲಾಮಿಕ್ ಭಯೋತ್ಪಾದಕ ಭಾರತದ ಕೇರಳದ ಕೋಯಿಕ್ಕೋಡ್ ಜಿಲ್ಲೆಯ ಎಲತ್ತೂರ್ ರೈಲು ನಿಲ್ದಾಣದ ಬಳಿ ಆಲಪ್ಪುಳ-ಕಣ್ಣೂರು ಎಕ್ಸ್‌ಪ್ರೆಸ್‌ನ ಕೋಚ್ ಸಂಖ್ಯೆ D1ಗೆ ಬೆಂಕಿ ಹಚ್ಚಿದನು. ಈ ಘಟನೆಯಲ್ಲಿ ಒಂದು ಮಗು ಸೇರಿದಂತೆ ಮೂವರು ಪ್ರಯಾಣಿಕರು ಸಾವನ್ನಪ್ಪಿದರು. ಒಂಬತ್ತು ಮಂದಿ ಪ್ರಯಾಣಿಕರು ಸುಟ್ಟ ಗಾಯಗಳಿಗೆ ಒಳಗಾದರು.
2014ರ ಡಿಸೆಂಬರ್‌ 28ರಂದು ಬೆಂಗಳೂರಿನ ಎಂಜಿ ರಸ್ತೆಯ ಚರ್ಚ್ ಸ್ಟ್ರೀಟ್‌ನಲ್ಲಿರುವ ಜನಪ್ರಿಯ ಕೊಕೊನಟ್ ಗ್ರೋವ್ ರೆಸ್ಟೋರೆಂಟ್ ಹೊರಗೆ ಜನಸಂದಣಿಯಿದ್ದ ವೇಳೆ ರಾತ್ರಿ ಸುಮಾರು 8:30ರ ನಂತರ ಸ್ಫೋಟ ಸಂಭವಿಸಿತ್ತು. ಈ ದಾಳಿಯಲ್ಲಿ ಒಬ್ಬ ಮಹಿಳೆ ಸಾವನ್ನಪ್ಪಿದ್ದು, ನಾಲ್ವರು ಗಾಯಗೊಂಡಿದ್ದರು. ಸ್ಫೋಟಕ್ಕೆ ಸಂಬಂಧಿಸಿದಂತೆ ಕರ್ನಾಟಕ ಪೊಲೀಸರು ಇಂಡಿಯನ್ ಮುಜಾಹಿದ್ದೀನ್ ಸದಸ್ಯರಾದ ಹೈದರ್ ಅಲಿ ಮತ್ತು ಒಮರ್ ಸಿದ್ದಿಕಿ ಎಂಬ ಭಯೋತ್ಪಾದಕರನ್ನು ಬಂಧಿಸಿದ್ದರು.
2024ರ ಬೆಂಗಳೂರು ಕೆಫೆ ಬಾಂಬ್ ಸ್ಫೋಟ : ಕರ್ನಾಟಕದ ಬೆಂಗಳೂರಿನ ವೈಟ್‌ಫೀಲ್ಡ್ ನೆರೆಹೊರೆಯಲ್ಲಿರುವ ರಾಮೇಶ್ವರಂ ಕೆಫೆಯಲ್ಲಿ 2024ರ ಮಾರ್ಚ್‌ 10ರಂದು ನಡೆದ ದಾಳಿ ಇಸ್ಲಾಮಿಕ್ ಭಯೋತ್ಪಾದಕ ದಾಳಿಯಾಗಿದ್ದು, ಬ್ಯಾಗ್‌ನೊಳಗಿನ ಸುಧಾರಿತ ಸ್ಫೋಟಕ ಸಾಧನ(ಐಇಡಿ) ಸ್ಫೋಟಗೊಂಡಿತ್ತು. ಇದರಿಂದ ಕನಿಷ್ಠ ಎಂಟು ಜನರು ಗಾಯಗೊಂಡಿದ್ದರು, ಅದೃಷ್ಟವಶಾತ್ ಯಾವುದೇ ಪ್ರಾಣಾಪಾಯಗಳು ಸಂಭವಿಸಲಿಲ್ಲ.
ಗಮನಿಸಬೇಕಾದ ಅಂಶಗಳು (Observations): ಜಮ್ಮು ಮತ್ತು ಕಾಶ್ಮೀರದಲ್ಲಿ 2014ರಿಂದ ಭಯೋತ್ಪಾದಕ ದಾಳಿಗಳು ಹೆಚ್ಚಾಗಿವೆ. ವಿಶೇಷವಾಗಿ ಸಾಮಾನ್ಯ ಜನರು ಮತ್ತು ಯಾತ್ರಿಕರ ಮೇಲೆಯೇ ದಾಳಿಗಳು ಹೆಚ್ಚಿವೆ. ಲಷ್ಕರ್-ಎ-ತಯ್ಯಬಾ(LeT) ಮತ್ತು ಜೈಷ್-ಎ-ಮೊಹಮ್ಮದ್(JeM) ಸಂಘಟನೆಗಳು ಈ ದಾಳಿಗಳ ಹಿಂದೆ ಪ್ರಮುಖವಾಗಿವೆ.
ಜಮ್ಮು-ಕಾಶ್ಮೀರದ ಪುಲ್ವಾಮಾದಲ್ಲಿ ಭಾರತೀಯ ಸೇನೆಯ ಭದ್ರತಾ ಪಡೆಗಳ ಮೇಲೆ ನಡೆದ ಅತ್ಯಂತ ಭೀಕರ ದಾಳಿಯಲ್ಲಿ 46 ಮಂದಿ ಸಿಆರ್‌ಪಿಎಫ್ ಯೋಧರು ಹುತಾತ್ಮರಾಗಿದ್ದರು. ಆರು ವರ್ಷಗಳ ಹಿಂದೆ ಫೆಬ್ರವರಿ 14ರಂದು 46 ಮಂದಿ ಸಿಆರ್‌ಪಿಎಫ್ ಅಧಿಕಾರಿಗಳ ಸಾವು ಮಾಧ್ಯಮಗಳಲ್ಲಿ, ಸೋಷಿಯಲ್ ಮೀಡಿಯಾಗಳಲ್ಲಿ ವರದಿಯಾದಾಗ ಇಡೀ ಭಾರತವೇ ಶೋಕಸಾಗರದಲ್ಲಿ ಮುಳುಗಿತ್ತು.
ಜೈಶ್-ಎ-ಮೊಹಮ್ಮದ್ ಸಂಘಟನೆಯ ಉಗ್ರಗಾಮಿಗಳು ನಡೆಸಿದ್ದ ಆತ್ಮಾಹುತಿ ಬಾಂಬ್ ದಾಳಿಯಲ್ಲಿ ಸೇನೆಯ ವಾಹನದಲ್ಲಿ ಹೋಗುತ್ತಿದ್ದ ಯೋಧರು ಕ್ಷಣಾರ್ಧದಲ್ಲಿ ಜೀವವನ್ನು ಬಲಿಕೊಟ್ಟರು. ಸ್ಫೋಟಕ ತುಂಬಿದ ವಾಹನವನ್ನು ಕೇಂದ್ರೀಯ ಮೀಸಲು ಪೊಲೀಸ್ ಪಡೆ(CRPF) ಬೆಂಗಾವಲು ಪಡೆ ಮೇಲೆ ಅತ್ಯಂತ ಭೀಕರವಾಗಿ ದಾಳಿ ನಡೆಸಲಾಗಿತ್ತು. 2019ರ ಫೆಬ್ರವರಿ 14ರಂದು ಮಧ್ಯಾಹ್ನದ ಹೊತ್ತಿಗೆ ಈ ಭೀಕರ ದಾಳಿ ನಡೆದಿತ್ತು.
ಪಾಕಿಸ್ತಾನ ಮೂಲದ ಇಸ್ಲಾಮ್ ಉಗ್ರಗಾಮಿ ಗುಂಪು ಜೈಷ್–ಎ–ಮೊಹಮದ್ ಸಂಘಟನೆ ಈ ದಾಳಿ ನಡೆಸಿರುವುದಾಗಿ ಒಪ್ಪಿಕೊಂಡಿದೆ. ಆದಿಲ್ ಅಹ್ಮದ್ ದಾರ್ ಎಂಬ ಹೆಸರಿನ ಸ್ಥಳೀಯ ಯುವಕನನ್ನು ಆಕ್ರಮಣಕಾರಿ ಎಂದು ಗುರುತಿಸಲಾಗಿತ್ತು.
ಸೈನಿಕರು ವಿಮಾನಯಾನ ವ್ಯವಸ್ಥೆಗಾಗಿ ಕೇಳಿಕೊಂಡರೂ ಕೇಂದ್ರ ಸರ್ಕಾರ ಒದಗಿಸಿಲ್ಲ. ಭೂಮಾರ್ಗದಲ್ಲಿ ಭದ್ರತೆ ವೈಪಲ್ಯತೆ ಉಂಟಾಗಿದೆ. ಸೈನಿಕರಿಗೆ ಸರಿಯಾದ ಮಾಹಿತಿಗಳನ್ನು ನೀಡುವಲ್ಲಿ ಗುಪ್ತಚರ ಇಲಾಖೆಯೂ ವಿಫಲವಾಗಿದೆ. 300 ಕೆಜಿ ಆರ್‌ಡಿಎಕ್ಸ್‌ ಒಂಗೊಂಡಿದ್ದ ಅಪರಿಚಿತ ವಾಹನ ಸಂಚರಿಸಿದ್ದರೂ ಸರ್ಕಾರಕ್ಕಾಗಲಿ ಗುಪ್ತಚರ ಇಲಾಖೆಗಳಿಗಾಗಲಿ ಗಮನಕ್ಕೆ ಬಂದಿಲ್ಲ. ಇಂತಹ ವೈಫಲ್ಯಗಳಿಂದ ನಾವು 40 ಮಂದಿ ಸೈನಿಕರನ್ನು ಒಮ್ಮೆಗೇ ಕಳೆದುಕೊಂಡೆವು ಎಂದು 2019ರಲ್ಲಿ ಜಮ್ಮು-ಕಾಶ್ಮೀರದ ರಾಜ್ಯಪಾಲರಾಗಿದ್ದ ಸತ್ಯಪಾಲ್ ಮಲಿಕ್ ಆರೋಪಿಸಿದ್ದಾರೆ.
ಹಾಗಾದರೆ ಕಾಂಗ್ರೆಸ್ ಆಡಳಿತಾವಧಿಯಲ್ಲಿ ಭಯೋತ್ಪಾದಕ ದಾಳಿಗಳು ನಡೆದಿಲ್ವಾ ಅಂದ್ರೆ, ನಡೆದಿವೆ. ಕಾಂಗ್ರೆಸ್ ಕಾಲದಲ್ಲಿಯೂ ಭಯೋತ್ಪಾದಕರು ದಾಳಿ ಮಾಡಿದ್ದಾರೆ. ಆದರೆ ಬಿಜೆಪಿ ಅವಧಿಯಲ್ಲಿ ಕಟ್ಟುನಿಟ್ಟಿನ ಭದ್ರತೆ ರೂಪಿಸಲಾಗಿದೆ. ಇನ್ಯಾರೂ ಗಡಿಯೊಳಗೆ ನುಸುಳಲು ಸಾಧ್ಯವಿಲ್ಲ, ಎನ್ನುವಂತಹ ಹೇಳಿಕೆಗಳನ್ನು ಕೊಟ್ಟಿದ್ದಾರೆ. ಆದರೂ ಬಿಜೆಪಿಯ ಹನ್ನೊಂದು ವರ್ಷದ ಅವಧಿಯಲ್ಲಿ ಬಹುತೇಕ ಭಯೋತ್ಪಾದಕ ದಾಳಿಗಳು ತುಂಬಾ ಭೀಕರವಾಗಿ ನಡೆದಿವೆ.
