ಸಿರಿಯಾದ ಡಮಾಸ್ಕಸ್‌ ಹಾಗೂ ಅಲೆಪ್ಪೋದಲ್ಲಿರುವ ಎರಡು ಪ್ರಮುಖ ವಿಮಾನ ನಿಲ್ದಾಣಗಳ ಮೇಲೆ ಇಸ್ರೇಲ್ ಕ್ಷಿಪಣಿ ದಾಳಿ ನಡೆಸಿದೆ.
ಇಸ್ರೇಲ್‌ನ ದಾಳಿಯ ಬಳಿಕ ಈ ಎರಡೂ ವಿಮಾನ ನಿಲ್ದಾಣದ ಲ್ಯಾಂಡಿಂಗ್ ಜಾಗದಲ್ಲಿ ಹಾನಿಯುಂಟಾಗಿರುವ ಹಿನ್ನೆಲೆಯಲ್ಲಿ ಸೇವೆಯನ್ನು ಸ್ಥಗಿತಗೊಳಿಸಲಾಗಿದೆ ಎಂದು ಸಿರಿಯಾದ ಸರ್ಕಾರಿ ಮಾಧ್ಯಮ ‘ಸನಾ’ ವರದಿ ಮಾಡಿದೆ.
🇮🇱🇸🇾 Israel just targeted two of the world’s oldest cities with airstrikes.
Damascus International Airport and Aleppo Airport in Western Syria were both targeted by Israel resulting in such serious damage that the airports are currently closed. pic.twitter.com/YSOAWkpBwW
— Jackson Hinkle 🇺🇸 (@jacksonhinklle) October 12, 2023
‘ಏಕಕಾಲದಲ್ಲಿ ನಡೆಸಲಾಗಿರುವ ಈ ದಾಳಿಗಳಿಂದಾಗಿ ಎರಡೂ ವಿಮಾನ ನಿಲ್ದಾಣಗಳಲ್ಲಿನ ಲ್ಯಾಂಡಿಂಗ್ ಪ್ರದೇಶವು ಹಾನಿಗೊಂಡಿದೆ. ಈ ಹಿನ್ನೆಲೆಯಲ್ಲಿ ಸೇವೆಯನ್ನು ಸ್ಥಗಿತಗೊಳಿಸಲಾಗಿದೆ. ದಾಳಿಯಲ್ಲಿ ಯಾರೂ ಗಾಯಗೊಂಡಿಲ್ಲ ಎಂದು ಮಿಲಿಟರಿ ಮೂಲವನ್ನು ಉಲ್ಲೇಖಿಸಿ ಸನಾ ಹೇಳಿದೆ.
ಎರಡೂ ವಿಮಾನ ನಿಲ್ದಾಣಗಳ ಮೇಲಿನ ದಾಳಿಗೆ ಪ್ರತಿಕ್ರಿಯೆಯಾಗಿ ಸಿರಿಯನ್ ಸೇನೆಯು ವಾಯು ರಕ್ಷಣಾ ಕವಚವನ್ನು ಸಕ್ರಿಯಗೊಳಿಸಲಾಗಿದೆ ಎಂದು ವರದಿಯಾಗಿದೆ.
ಹಮಾಸ್ ಶನಿವಾರದಂದು ಇಸ್ರೇಲ್ ಮೇಲೆ ಅತಿದೊಡ್ಡ ದಾಳಿಯನ್ನು ನಡೆಸಿದ ನಂತರ ಈ ದಾಳಿಯು ಸಿರಿಯಾದ ಮೇಲೆ ಇಸ್ರೇಲ್ ನಡೆಸಿದ ಮೊದಲ ದಾಳಿ ಇದಾಗಿದೆ.
🇮🇱🇸🇾🚨‼️ BREAKING: Israel attacked the airports of Damascus and Aleppo in Syria. pic.twitter.com/YKUHjNPL9v
— Lord Bebo (@MyLordBebo) October 12, 2023
ಇರಾನ್ ವಿದೇಶಾಂಗ ಸಚಿವ ಹೊಸೈನ್ ಅಮಿರಾಬ್ದೊಲ್ಲಾಹಿಯಾನ್ ವಿದೇಶಾಂಗ ಸಚಿವರ ವಿಮಾನವು ಇಸ್ರೇಲಿ ಬಾಂಬ್ ದಾಳಿಯಿಂದಾಗಿ ಸಿರಿಯಾದ ವಿಮಾನ ನಿಲ್ದಾಣಗಳಲ್ಲಿ ಇಳಿಯಲು ಸಾಧ್ಯವಾಗದೆ ತನ್ನ ಪಥವನ್ನು ಬದಲಾಯಿಸಿ ಮತ್ತೆ ಟೆಹ್ರಾನ್‌ಗೆ ಮರಳಿರುವುದಾಗಿಯೂ ವರದಿಯಾಗಿದೆ.
