ಜೆಡಿಎಸ್‌ನ ದೊಡ್ಡಗೌಡರ ಕುಟುಂಬ ಮೈಸೂರಿನಲ್ಲಿ ಎಷ್ಟು ಅಕ್ರಮವಾಗಿ ಸೈಟ್ ಹೊಡೆದಿದೆ ಎಂದು ಸ್ವತಃ ಈ ಹಿಂದೆ ಬಿಜೆಪಿಯೇ ಸುದ್ದಿ ಪತ್ರಿಕೆಯಲ್ಲಿ ಜಾಹೀರಾತು ನೀಡಿತ್ತು. ಇಂದು ಇದೇ ಬಿಜೆಪಿ ಜೆಡಿಎಸ್ ಜೊತೆ ಸೇರಿಕೊಂಡು ಯಾತ್ರೆ ಮಾಡಲು ಹೊರಟಿರುವುದು ನಗೆಪಾಟಲಿನ ವಿಚಾರ ಎಂದು ಕಂದಾಯ ಸಚಿವ ಕೃಷ್ಣ ಬೈರೇಗೌಡ ಕುಟುಕಿದ್ದಾರೆ.
ಮುಡಾ ಹಗರಣದ ವಿರುದ್ಧ ಜೆಡಿಎಸ್ – ಬಿಜೆಪಿ ಮೈಸೂರು ಯಾತ್ರೆ ಬಗ್ಗೆ ಶ್ರೀರಂಗಪಟ್ಟಣದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಸಚಿವರು, “ಇನ್ನೂ ಈ ಪ್ರಕರಣವನ್ನ ಸಿಐಡಿಗೆ ನೀಡಬೇಕಂತೆ. ಪಾಪ ರಾಘವೇಂದ್ರ ಬ್ಯಾಂಕ್ ನಲ್ಲಿ ಹಣ ಹೂಡಿ ಕಳಕೊಂಡಿದ್ದ ಯಾವ ಬಡ ಬ್ರಾಹ್ಮಣನಿಗೆ ಸಿಬಿಐ ನ್ಯಾಯ ಕೊಡಿಸಿದೆ ಹೇಳಿ? ಇಂತಹ ಸಂಸ್ಥೆಯನ್ನು ನಂಬಿ ಈ ಪ್ರಕರಣವನ್ನ ತನಿಖೆಗೆ ನೀಡಬೇಕಾ” ಎಂದು ಸಚಿವರು ಪ್ರಶ್ನಿಸಿದರು.
ಇದೇ ಸಂದರ್ಭದಲ್ಲಿ ರಾಜ್ಯಾದ್ಯಂತ ನೆರೆ ಪರಿಸ್ಥಿತಿ – ಹಾನಿ ಹಾಗೂ ಸರ್ಕಾರ ತೆಗೆದುಕೊಂಡಿರುವ ಕ್ರಮಗಳ ಬಗ್ಗೆಯೂ ಅವರು ವಿವರಿಸಿದರು.
Advertisements
