ಚಿಕ್ಕಮಗಳೂರು ಜಿಲ್ಲೆ ತರೀಕೆರೆ ತಾಲೂಕಿನ ದೋರನಾಳು ಸಮೀಪವಿರುವ ಭದ್ರಾ ಮೇಲ್ದಂಡೆ ನಾಲೆಯ ಪಂಪ್‌ಹೌಸ್‍ ಬಳಿ ಮಾಜಿ ಶಾಸಕ ಡಿ.ಎಸ್.ಸುರೇಶ್ ತಮ್ಮ ಬೆಂಬಲಿಗರೊಂದಿಗೆ ಪಂಪ್‌ಹೌಸ್‌ನ ಚಾಲನೆ ಕೊಟ್ಟಿರುವ ನಡೆ ಸರಿ ಇಲ್ಲ ಎಂದು ಶಾಸಕ ಜಿ.ಎಚ್.ಶ್ರೀನಿವಾಸ್ ತಿಳಿಸಿದರು.
ಸೆಪ್ಟೆಂಬರ್ 7 ಸೋಮವಾರದಂದು ಲಕ್ಕವಳ್ಳಿ ಡ್ಯಾಮ್ ನಿಂದ ಶಾಂತಿಪುರಕ್ಕೆ ನೀರು ಹರಿಸಿ ಮೋಟಾರ್ ಪಂಪ್ ಚಾಲನೆ ನೀಡುವುದಕ್ಕೆ ಎಲ್ಲಾ ತಯಾರಿ ನಡೆಸಲಾಗಿತ್ತು. ಆ ಸ್ಥಳಕ್ಕೆ ಮಾಜಿ ಶಾಸಕ ಡಿ. ಎಸ್ ಸುರೇಶ್ ತಮ್ಮ ಬೆಂಬಲಿಗರೊಂದಿಗೆ ಪಂಪ್‌ಹೌಸ್‌ನ ಅಧಿಕಾರಿಗಳಿಗೆ ಗೇಟ್ ತೆಗೆಯಿರಿ, ಇಲ್ಲ ಗೇಟ್ ಮುರಿದು ಒಳ ನುಗ್ಗುವುದಾಗಿ ಬೆದರಿಸಿ, ಮೋಟಾರ್ ಚಾಲನೆಗೊಳಿಸಲಾಗಿದೆ.
ಇದನ್ನೂ ಓದಿದ್ದೀರಾ?ಚಿಕ್ಕಮಗಳೂರು | ಸೆ. 9ರಂದು ವಿದ್ಯುತ್ ವ್ಯತ್ಯಯ
ಗೇಟ್ ಬೀಗ ಹಾಕಿರುವುದನ್ನು ತೆಗೆಸಿ ಮೋಟಾರ್ ಪಂಪ್ ಚಾಲನೆ ನೀಡಿ ಫೋಟೋ ತೆಗೆದು ಎಲ್ಲೆಡೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿರುವುದು ಹಾಗೂ ನಡೆದುಕೊಂಡ ರೀತಿ ಅವರಿಗೆ ಶೋಭೆ ತರುವುದಿಲ್ಲ ಎಂದು ಶಾಸಕ ಜಿ.ಎಚ್.ಶ್ರೀನಿವಾಸ್ ತಿಳಿಸಿದ್ದಾರೆ.
