ಸದಾಶಿವನಗರ ಸಂಚಾರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿರುವ ಇಂಡಿಯನ್ ಇನ್ಸ್‌ಟ್ಯೂಟ್ ಆಫ್ ಸೈನ್ಸ್ (ಐಐಎಸ್‌ಸಿ) ಯಲ್ಲಿ ಫೆ.24 ರಂದು ಓಪನ್ ಡೇ ಕಾರ್ಯಕ್ರಮ ನಡೆಯಲಿದೆ. ಈ ಹಿನ್ನೆಲೆ, ಬೆಳಗ್ಗೆ 9ಗಂಟೆಯಿಂದ ಸಂಜೆ 6 ಗಂಟೆಯವರೆಗೆ ಕಾಲೇಜಿನ ವಿದ್ಯಾರ್ಥಿಗಳು ಮತ್ತು ಸಾರ್ವಜನಿಕರ ಪ್ರವೇಶದ ಸಂಬಂಧ ಮುಕ್ತ ಅವಕಾಶವನ್ನು ಕಲ್ಪಿಸಿ, ಆಯೋಜಿಸಿದಾಗಿದೆ.
ಈ ಕಾರ್ಯಕ್ರಮಕ್ಕೆ ಸುಮಾರು 100 ರಿಂದ 150 ಬಸ್‌ಗಳು, 250 ರಿಂದ 350 ಕಾರುಗಳು ಹಾಗೂ ದ್ವಿ ಚಕ್ರ ವಾಹನಗಳಲ್ಲಿ ಸುಮಾರು 60 ರಿಂದ 80 ಸಾವಿರ ಕಾಲೇಜು ವಿದ್ಯಾರ್ಥಿಗಳು ಮತ್ತು ಸಾರ್ವಜನಿಕರು ಭಾಗವಹಿಸುವ ಸಾಧ್ಯತೆ ಇದ್ದು, ಈ ಕಾರ್ಯಕ್ರಮಕ್ಕೆ ಸಂಚಾರ ಬಂದೋಬಸ್ತ್ ವ್ಯವಸ್ಥೆ ಮಾಡಿ ಬೆಂಗಳೂರು ಸಂಚಾರ ಪೊಲೀಸ್ ಮಾಹಿತಿ ನೀಡಿದೆ.
ಶಾಲಾ ಬಸ್ / ನಾಲ್ಕು ಚಕ್ರ ವಾಹನಗಳು
ಪ್ರಯಾಣಿಕರು ಮಹಾರಾಣಿ ಲಕ್ಷ್ಮೀ ಅಮ್ಮಣ್ಣಿ ಕಾಲೇಜಿನ ಎದುರು ತೆರೆದ ಮೈದಾನದ ಮುಂಭಾಗದಲ್ಲಿ ನಿಲುಗಡೆ ಮಾಡಿ ನಡಿಗೆಯ ಮೂಲಕ ಸರ್ಕಲ್ ಮಾರಮ್ಮ ಜಂಕ್ಷನ್‌ಗೆ ಬಂದು ಸಬ್ ವೇ ಸೊಸೈಟಿ ಫಾರ್ ಇನೋವೇಶನ್ ಅಂಡ್ ಡೆವಲಪ್ ಮೆಂಟ್ (ಎಸ್‌ಐಡಿ) ಮೂಲಕ ಐಐಎಸ್‌ಸಿ ಕ್ಯಾಂಪಸ್‌ಗೆ ತಲುಪುವುದು.
ದ್ವಿಚಕ್ರ ವಾಹನಗಳ ಚಾಲಕರು
- ಐಐಎಸ್‌ಸಿ ಜಮ್‌ಖಾನಾ ಮೈದಾನದ ಬದಿಯಲ್ಲಿ ವಾಹನಗಳನ್ನು ನಿಲುಗಡೆ ಮಾಡಿ, ಕ್ಯಾಂಪಸ್‌ಗೆ ತಲುಪುವುದು.
- ಕಾರ್ಯಕ್ರಮ ಹೊರತುಪಡಿಸಿ ಇತರೆ ಸ್ಥಳಗಳಿಗೆ ಹೋಗುವ ರಸ್ತೆ ಬಳಕೆದಾರರು ಬಳಸಬೇಕಾದ ಬದಲಿ ಮಾರ್ಗ
- ಸರ್.ಸಿ.ವಿ.ರಾಮನ್ ರಸ್ತೆ : ಮೇಕ್ರಿ ಸರ್ಕಲ್‌ನಿಂದ ಬಿ.ಹೆಚ್.ಇ.ಎಲ್ ಸರ್ಕಲ್ ವರೆಗೆ
- ನ್ಯೂ.ಬಿ.ಇ.ಎಲ್ ರಸ್ತೆ : ಸದಾಶಿವನಗರ ಪಿ.ಎಸ್ ಜಂಕ್ಷನ್‌ನಿಂದ ರೈಲ್ವೆ ಬ್ರಿಡ್ಜ್ ವರೆಗೆ
- ಟಿ.ಚೌಡಯ್ಯ ರಸ್ತೆ : ಸಿ.ಎನ್.ಆರ್.ರಾವ್ ಅಂಡರ್‌ಪಾಸ್‌ನಿಂದ ಕಾವೇರಿ ಜಂಕ್ಷನ್‌ವರೆಗೆ
- ಮಾರ್ಗೋಸಾ ರಸ್ತೆ : ಮಾರಮ್ಮ ಸರ್ಕಲ್‌ನಿಂದ ಮಲ್ಲೇಶ್ವರಂ 18ನೇ ಕ್ರಾಸ್ ವರೆಗೆ
ಈ ಸುದ್ದಿ ಓದಿದ್ದೀರಾ? ಬೆಂಗಳೂರು | ಬೆಂಕಿ ಅವಘಡ: ಸುಟ್ಟು ಕರಕಲಾದ 40ಕ್ಕೂ ಹೆಚ್ಚು ವಾಹನಗಳು
ವಾಹನ ನಿಲುಗಡೆ ನಿಷೇಧ
- ಸರ್.ಸಿ.ವಿ.ರಾಮನ್ ರಸ್ತೆ : ಮೇಕ್ರಿ ಸರ್ಕಲ್‌ನಿಂದ ಬಿ.ಹೆಚ್.ಇ.ಎಲ್ ಸರ್ಕಲ್ ವರೆಗೆ ಎರಡು ಕಡೆಯ ರಸ್ತೆಗಳು
- ನ್ಯೂ.ಬಿ.ಇ.ಎಲ್ ರಸ್ತೆ: ಸದಾಶಿವನಗರ ಪಿ.ಎಸ್ ಜಂಕ್ಷನ್‌ನಿಂದ ರೈಲ್ವೆ ಬ್ರಿಡ್ಜ್ ವರೆಗೆ
- ಟಿ.ಚೌಡಯ್ಯ ರಸ್ತೆ: ಸಿ.ಎನ್.ಆರ್.ರಾವ್ ಅಂಡರ್‌ಪಾಸ್‌ನಿಂದ ಕಾವೇರಿ ಜಂಕ್ಷನ್ ವರೆಗೆ ಎರಡು ಕಡೆಯ ರಸ್ತೆಗಳು
- ಮಾರ್ಗೋಸಾ ರಸ್ತೆ : ಮಾರಮ್ಮ ಸರ್ಕಲ್‌ನಿಂದ ಮಲ್ಲೇಶ್ವರಂ 18ನೇ ಕ್ರಾಸ್ ವರೆಗಿನ ರಸ್ತೆ.
- ಭಾರೀ ಸರಕು ಸಾಗಾಣಿಕಾ ವಾಹನಗಳ ಸಂಚಾರವನ್ನು ಬೆಳಿಗ್ಗೆ 7 ಗಂಟೆಯಿಂದ ಮಧ್ಯಾಹ್ನ 12 ಗಂಟೆಯವರೆಗೆ ಮತ್ತು ಮಧ್ಯಾಹ್ನ 3 ಗಂಟೆಯಿಂದ ರಾತ್ರಿ 10 ಗಂಟೆಯವರೆಗೆ ನಗರದೊಳಗೆ ಪ್ರವೇಶಿಸುವುದನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ.
“ಸಂಚಾರ ಸಲಹೆ / Traffic Advisory” pic.twitter.com/RN3FR0EdOc
— ಬೆಂಗಳೂರು ಸಂಚಾರ ಪೊಲೀಸ್ BengaluruTrafficPolice (@blrcitytraffic) February 23, 2024
ಮಾರ್ಗ ಬದಲಾವಣೆ ಮಾಡಲಾಗುವ ಸ್ಥಳಗಳು
- ಯಶವಂತಪುರ ಸರ್ಕಲ್ : ಸುಬ್ರಮಣ್ಯನಗರ ಹಾಗೂ ರಾಜಕುಮಾರ್ ರಸ್ತೆ ಕಡೆಗೆ
- ಮೇಕಿಸರ್ಕಲ್ : ಮೇಕ್ರಿಸರ್ಕಲ್ ನಿಂದ ಸದಾಶಿವನಗರ ಪಿ.ಎಸ್. ಜಂಕ್ಷನ್ ಕಡೆಗೆ ಬರುವ ವಾಹನಗಳು ಹೆಬ್ಬಾಳದ ಕಡೆಗೆ
- ಸಾರ್ವಜನಿಕರ ಸುಗಮ ಸಂಚಾರದ ದೃಷ್ಟಿಯಿಂದ ಮಾಡಲಾಗಿರುವ ಸಂಚಾರ ಮಾರ್ಪಾಡುಗಳಿಗೆ ಸಾರ್ವಜನಿಕರು ಸಹಕರಿಸಲು ಕೋರಿದೆ.
