ರಾಜ್ಯದಲ್ಲಿ ದಿನನಿತ್ಯ 34 ಮಂದಿ ರಸ್ತೆ ಅಪಘಾತದಲ್ಲಿ ಸಾವು: ಅಲೋಕ್ ಕುಮಾರ್

ಕಳೆದ ವರ್ಷ ಕರ್ನಾಟಕದಲ್ಲಿ ಪ್ರತಿ ದಿನ 34 ಜನರು ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ ಎಂಬ ಆತಂಕಕಾರಿ ಅಂಶವನ್ನು ಸಂಚಾರ ಮತ್ತು ರಸ್ತೆ ಸುರಕ್ಷತೆಯ ಎಡಿಜಿಪಿ (ತರಬೇತಿ) ಅಲೋಕ್ ಕುಮಾರ್ ಅವರು ಬಿಚ್ಚಿಟ್ಟಿದ್ದಾರೆ.

ಈ ಬಗ್ಗೆ ಟ್ವೀಟ್ ಮಾಡಿದ ಅವರು, “ಕಳೆದ ವರ್ಷ ಕರ್ನಾಟಕದಲ್ಲಿ ಪ್ರತಿದಿನ 34 ಜನರು ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ. ಮಾರಣಾಂತಿಕ ಅಪಘಾತಗಳಲ್ಲಿ 5% ಹೆಚ್ಚಳವಾಗಿದೆ. ಅಜಾಗರೂಕ ಚಾಲನೆ, ಕಳಪೆ ಚಾಲನಾ ಕೌಶಲ್ಯ, ಕಳಪೆ ರಸ್ತೆಗಳು, ಪಾದಚಾರಿಗಳಿಗೆ ಅಸಮರ್ಪಕ ಸೌಲಭ್ಯ ಸೇರಿದಂತೆ ಇನ್ನಿತರ ಅಂಶಗಳು ಅಪಘಾತಗಳಿಗೆ ಕಾರಣಗಳಾಗಿವೆ. ಸದ್ಯ ರಸ್ತೆ ಸುರಕ್ಷತೆ ಬಗ್ಗೆ ಹೆಚ್ಚಿನ ಗಮನ ಹರಿಸಬೇಕಾಗಿದೆ” ಎಂದಿದ್ದಾರೆ.

2023ರಲ್ಲಿ ಬೆಂಗಳೂರು ನಗರದಲ್ಲಿ ನಡೆದ 4,974 ರಸ್ತೆ ಅಪಘಾತದಲ್ಲಿ 915 ಜನ ಸಾವನ್ನಪ್ಪಿದ್ದರೇ, 4,162 ಜನ ಗಾಯಗೊಂಡಿದ್ದಾರೆ. ಮೈಸೂರಿನಲ್ಲಿ 953 ಅಪಘಾತಗಳು ಸಂಬವಿಸಿದರೇ, 168 ಜನ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ. ಇನ್ನು 992 ಜನ ಗಾಯಗೊಂಡಿದ್ದಾರೆ. ಹುಬ್ಬಳ್ಳಿ-ಧಾರವಾಡ ನಗರದಲ್ಲಿ 544 ಅಪಘಾತಗಳು ನಡೆದಿವೆ. ಈ ಅಪಘಾತದಲ್ಲಿ 539 ಜನ ಗಾಯಗೊಂಡಿದ್ದರೇ, 118 ಜನ ಸಾವನ್ನಪ್ಪಿದ್ದಾರೆ. ಇನ್ನು ಮಂಗಳೂರು ನಗರದಲ್ಲಿ 1,008 ಅಪಘಾತಗಳು ಸಂಭವಿಸಿವೆ. 1,156 ಜನ ಗಾಯಗೊಂಡಿದ್ದರೇ, 166 ಜನ ಸಾವನ್ನಪ್ಪಿದ್ದಾರೆ.

Advertisements

ಬೆಳಗಾವಿಯಲ್ಲಿ ರಸ್ತೆ ಅಪಘಾತದಲ್ಲಿ 613 ಜನ ಗಾಯಗೊಂಡಿದ್ದರೇ, 137 ಜನ ಸಾವನ್ನಪ್ಪಿದ್ದಾರೆ. ಕಲಬುರಗಿಯಲ್ಲಿ ನಡೆದ 494 ಅಪಘಾತ ಪ್ರಕರಣಗಳಲ್ಲಿ 606 ಜನ ಗಾಯಗೊಂಡಿದ್ದರೇ, 129 ಜನ ಸಾವನ್ನಪ್ಪಿದ್ದಾರೆ. ಬೆಂಗಳೂರು ಜಿಲ್ಲೆಯಲ್ಲಿ 2,451 ಅಪಘಾತ ಪ್ರಕರಣಗಳು ನಡೆದಿದ್ದರೇ, 2,546 ಜನ ಗಾಯಗೊಂಡಿದ್ದಾರೆ. 694 ಜನ ಸಾವನ್ನಪ್ಪಿದ್ದಾರೆ. ಕೋಲಾರ ಜಿಲ್ಲೆಯಲ್ಲಿ 766 ಅಪಘಾತ ಪ್ರಕರಣಗಳು ನಡೆದಿವೆ. ಈ ಅಪಘಾತದಲ್ಲಿ 778 ಜನ ಗಾಯಗೊಂಡಿದ್ದರೇ, 257 ಜನ ಸಾವನ್ನಪ್ಪಿದ್ದಾರೆ.

Alarming figures

Last year 34 persons died every day in road accidents in Karnataka

5% increase in fatal accidents

Reckless driving, poor driving skills,poor road conditions,inadequate facility for pedestrians main contributing factors #RoadSafety deserves more attention pic.twitter.com/F7n9nMqKwC

— alok kumar (@alokkumar6994) March 14, 2024

ಕೆಜಿಎಫ್‌ ಜಿಲ್ಲೆಯಲ್ಲಿ 71, ತುಮಕೂರು 783, ರಾಮನಗರ 421, ಚಿಕ್ಕಬಳ್ಳಾಪುರ 346, ಮೈಸೂರು 472, ಮಂಡ್ಯ 515, ಹಾಸನ 502, ಚಾಮರಾಜನಗರ 179, ಕೊಡಗು 88, ದಕ್ಷಿಣ ಕನ್ನಡ 134, ಉತ್ತರ ಕನ್ನಡ 248, ಚಿಕ್ಕಮಗಳೂರು 281, ಉಡುಪಿ 253, ದಾವಣಗೆರೆ 304, ಚಿತ್ರದುರ್ಗ 472, ಶಿವಮೊಗ್ಗ 368, ಹಾವೇರಿ 281, ಬೆಳಗಾವಿ 804, ಧಾರವಾಡ 255, ಬಿಜಾಪುರ 446, ಬಾಗಲಕೋಟೆ 402, ಗದಗ 170, ಬೀದರ್ 335, ಗುಲಬರ್ಗಾ 360, ಯಾದಗಿರಿ 170, ರಾಯಚೂರು 279, ಕೊಪ್ಪಳ 277, ಬಳ್ಳಾರಿ 252, ವಿಜಯನಗರ 274 ಜನ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ್ದಾರೆ ಎಂಬ ಅಂಕಿಅಂಶಗಳ ಮಾಹಿತಿಯ ಕೋಷ್ಠಕವನ್ನು ಅಲೋಕ್ ಕುಮಾರ್ ಅವರು ಹಂಚಿಕೊಂಡಿದ್ದಾರೆ.

ಈ ಸುದ್ದಿ ಓದಿದ್ದೀರಾ? ಬರ ಪರಿಸ್ಥಿತಿಯಲ್ಲಿ ಜವಾಬ್ದಾರಿಯಿಂದ ನೀರಿನ ಬಳಕೆ ಮಾಡಬೇಕು: ಡಿಸಿಎಂ ಡಿಕೆಶಿ

“ಕಳೆದ ವರ್ಷ ಅಂದರೇ 2023ರಲ್ಲಿ ಬರೋಬ್ಬರಿ 43,440 ಅಪಘಾತಗಳು ಸಂಭವಿಸಿವೆ. ಈ ಪೈಕಿ 11,608 ಮಾರಣಾಂತಿಕ ಅಪಘಾತ ಸಂಭವಿಸಿದರೇ, 31,832 ಮಾರಣಾಂತಿಕವಲ್ಲದ ಅಪಘಾತಗಳು ಸಂಭವಿಸಿವೆ. ಕಳೆದ ವರ್ಷ ಸಂಭವಿಸಿದ 43,440 ಅಪಘಾತಗಳಲ್ಲಿ 52,531 ಜನಗಾಯಗೊಂಡಿದ್ದರೇ, 12,327 ಜನ ಸಾವನ್ನಪ್ಪಿದ್ದಾರೆ” ಎಂಬ ಮಾಹಿತಿ ನೀಡಿದ್ದಾರೆ.