ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ರಾಷ್ಟ್ರೀಯ ವೈಮಾನಿಕ ಮತ್ತು ಬಾಹ್ಯಾಕಾಶ ಮಂಡಳಿ(ನಾಸಾ) ಚಂದ್ರನ ಉಪಗ್ರಹದಲ್ಲಿ ರೋಬೋಟ್‌ ರೈಲ್ವೆ ನಿಲ್ದಾಣ ನಿರ್ಮಿಸಲು ಯೋಜಿಸುತ್ತಿರುವುದಾಗಿ ಘೋಷಿಸಿದೆ. ಇದಕ್ಕಾಗಿ ಭೂಮಿಯ ಏಕೈಕ ಉಪಗ್ರಹವಾದ ಚಂದ್ರನಲ್ಲಿಗೆ ಗಗನಯಾತ್ರಿಗಳನ್ನು ಕಳುಹಿಸಲಿದೆ.
ನಾಸಾ ನಿರ್ಮಿಸಲು ಹೊರಟಿರುವ ಉದ್ದೇಶಿತ ಯೋಜನೆಯ ಹೆಸರು ಫ್ಲೆಕ್ಸಿಬಲ್ ಲೇವಿಯೇಷನ್‌ ಆನ್‌ ಎ ಟ್ರ್ಯಾಕ್‌(ಫ್ಲೋಟ್‌) ಎಂಬುದಾಗಿದ್ದು, ಇದು ಚಂದ್ರನ ಮೇಲೆ ವಿಶ್ವಾಸಾರ್ಹ, ಸ್ವಾಯತ್ತ ಹಾಗೂ ಸಮರ್ಥ ಸಾರಿಗೆಯನ್ನು ಒದಗಿಸುತ್ತದೆ ಎಂದು ನಾಸಾ ತಿಳಿಸಿದೆ.
2030ರ ದಶಕದಲ್ಲಿ ಚಂದ್ರನ ಮೇಲೆ ಸುಸ್ಥಿರ ದಿನನಿತ್ಯದ ಕಾರ್ಯಾಚರಣೆಗೆ ಈ ಸಾರಿಗೆ ನಿರ್ಣಾಯಕವಾಗಲಿದೆ ಎಂದು ನಾಸಾ ಹೇಳಿದೆ.
“ನಾವು ಮೊದಲ ಚಂದ್ರನ ರೈಲ್ವೆ ನಿಲ್ದಾಣವನ್ನು ನಿರ್ಮಿಸಲು ಬಯಸುತ್ತೇವೆ. ಇದು ಚಂದ್ರನ ಮೇಲೆ ವಿಶ್ವಾಸಾರ್ಹ, ಸ್ವಾಯತ್ತ ಹಾಗೂ ಸಮರ್ಥ ಸಾರಿಗೆಯನ್ನು ಒದಗಿಸುತ್ತದೆ. ಬಾಳಿಕೆ ಬರುವ, ದೀರ್ಘಾವಧಿಯ ಸಾರಿಗೆ ವ್ಯವಸ್ಥೆಯು 2030ರ ದಶಕದಲ್ಲಿ ಚಂದ್ರನ ಮೇಲೆ ಸುಸ್ಥಿರ ದಿನನಿತ್ಯದ ಕಾರ್ಯಾಚರಣೆಗೆ ‘ನಾಸಾ’ದ ಚಂದ್ರನಿಂದ ಮಂಗಳ ಯೋಜನೆ ಮತ್ತು ರೋಬೋಟಿಕ್‌ ಚಂದ್ರನ ಕಾರ್ಯಾಚರಣೆಗಳು 2(ಆರ್‌ಎಸ್‌ಎಸ್‌ಒ2) ರೀತಿ ಯೋಜನೆಯ ಕಲ್ಪನೆಗಳಿಗೆ ನಿರ್ಣಾಯಕವಾಗಲಿದೆ” ಎಂದು ನಾಸಾ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ದೂರುಗಳಿಗೆ ಬೆಲೆ ಇಲ್ಲ, ಕ್ರಮ ಕೈಗೊಳ್ಳಲ್ಲ, ಆಯೋಗಕ್ಕೆ ಹಲ್ಲೂ ಇಲ್ಲ
ಫ್ಲೆಕ್ಸಿಬಲ್ ಲೇವಿಯೇಷನ್‌ ಆನ್‌ ಎ ಟ್ರ್ಯಾಕ್‌(ಫ್ಲೋಟ್‌) ಯೋಜನೆಯ ಪದ್ಧತಿಯ ಬಗ್ಗೆ ವಿವರಿಸಿದ ನಾಸಾ, ಚಂದ್ರನ ಮೇಲ್ಮೈನ ಧೂಳಿನ ಸವೆತವನ್ನು ತಡೆಗಟ್ಟಲು ಮೂರು ಪದರವನ್ನು ಹೊಂದಿಕೊಳ್ಳುವ ಪದರದ ಟ್ರ್ಯಾಕ್‌ಗಳನ್ನು ತೆರವುಗೊಳಿಸುವ ಶಕ್ತಿರಹಿತ ಮ್ಯಾಗ್ನಾಟಿಕ್‌ ರೋಬೋಟ್‌ಗಳನ್ನು ಬಳಸಲಾಗುತ್ತದೆ ಎಂದು ತಿಳಿಸಿದೆ.
ಮೂರು ಪದರದ ಬಗ್ಗೆ ತಿಳಿಸಿರುವ ನಾಸಾ, ಮೊದಲ ಗ್ರ್ಯಾಫೈಟ್ ಪದರವು ಡಯಾಮ್ಯಾಗ್ನೆಟಿಕ್ ತೆರವುಗೊಳಿಸುವುದನ್ನು ಬಳಸಿಕೊಂಡು ಟ್ರ್ಯಾಕ್‌ಗಳ ಮೇಲೆ ನಿಷ್ಕ್ರಿಯವಾಗಿ ತೇಲಲು ಗ್ರಾಫೈಟ್‌ ಪದರವು ರೋಬೋಟ್‌ಗಳನ್ನು ಸಕ್ರಿಯಗೊಳಿಸುತ್ತದೆ.
ಎರಡನೇ ಫ್ಲೆಕ್ಸ್-ಸರ್ಕ್ಯೂಟ್ ಪದರವು ರೋಬೋಟ್‌ಗಳನ್ನು ಟ್ರ್ಯಾಕ್‌ಗಳ ಉದ್ದಕ್ಕೂ ನಿಯಂತ್ರಿಸಲು ವಿದ್ಯುತ್‌ಕಾಂತಿಯ ಒತ್ತಡವನ್ನು ಉತ್ಪಾದಿಸುತ್ತದೆ. ಕೊನೆಯ ತೆಳುವಾದ ಸೌರ ಫಲಕದ ಪದರವು ಸೂರ್ಯನ ಬೆಳಕಿರುವಾಗ ಅಡಿಪಾಯಕ್ಕೆ ಶಕ್ತಿಯನ್ನು ಉತ್ಪಾದಿಸುತ್ತದೆ ಎಂದು ತಿಳಿಸಲಾಗಿದೆ.
ಈ ರೋಬೋಟ್‌ಗಳು ಸುಮಾರು 100 ಟನ್‌ಗಳಷ್ಟು ಕಟ್ಟಡ ಸಾಮಗ್ರಿಗಳನ್ನು ನಾಸಾದ ಚಂದ್ರನ ತಳಕ್ಕೆ ಮತ್ತು ಅಲ್ಲಿಂದ ಸಾಗಿಸಲು ಬಂಡಿಗಳನ್ನು ಒಯ್ಯುತ್ತವೆ ಎಂದು ನಾಸಾ ತಿಳಿಸಿದೆ.
ಮಾಧ್ಯಮಗಳ ವರದಿಯ ಪ್ರಕಾರ ಫ್ಲೋಟ್‌ ವ್ಯವಸ್ಥೆಯನ್ನು ಕ್ಯಾಲಿಫೋರ್ನಿಯಾದಲ್ಲಿರುವ ನಾಸಾದ ಜೆಟ್‌ ಪ್ರೊಪಲ್ಷನ್‌ ಪ್ರಯೋಗಾಲಯದ ಇಂಜಿನಿಯರ್‌ಗಳು(ಜೆಪಿಎಲ್) ಅಭಿವೃದ್ಧಿಪಡಿಸಲಿದ್ದಾರೆ. ನಂತರದಲ್ಲಿ ಇದನ್ನು ವಿವಿಧ ಕಡೆ ಪ್ರಯೋಗ ನಡೆಸಲಾಗುತ್ತದೆ.
Find shelter to live life on earth for all ,
Climate change on earth is challenging for evey one, than moon