ಬಾಂಗ್ಲಾದೇಶ ವಿರುದ್ಧ ರನ್ ಗಳಿಸಲು ಪರದಾಡಿದ ಭಾರತ ತಂಡಕ್ಕೆ ರವಿಚಂದ್ರನ್ ಅಶ್ವಿನ್ ಶತಕ (113) ಹಾಗೂ ರವೀಂದ್ರ ಜಡೇಜಾ (86) ಅರ್ಧಶತಕದ ನೆರವಿನಿಂದ ಟೀಂ ಇಂಡಿಯಾ 376 ರನ್ಗಳಿಗೆ ಮೊದಲ ಇನಿಂಗ್ಸ್ ಸಮಾಪ್ತಿಗೊಳಿಸಿದೆ.
6 ವಿಕೆಟ್ ನಷ್ಟಕ್ಕೆ 339 ರನ್‌ಗಳೊಂದಿಗೆ ಎರಡನೇ ದಿನದಾಟ ಶುರುಮಾಡಿದ ಭಾರತ 91.2 ಓವರ್ಗಳಲ್ಲಿ ಆಲೌಟ್‌ ಆಯಿತು. ಟೀಂ ಇಂಡಿಯಾದ 376 ರನ್ ಮೊತ್ತಕ್ಕೆ ರವಿಚಂದ್ರನ್ ಅಶ್ವಿನ್ ಶತಕ (113), ರವೀಂದ್ರ ಜಡೇಜಾ (86) ಹಾಗೂ ಯಶಸ್ವಿ ಜೈಸ್ವಾಲ್ (56) ಪ್ರಮುಖ ಕಾರಣಕರ್ತರಾದರು.
ಚೆನ್ನೈನ ಎಂ ಚಿದಂಬರಂ ಕ್ರಿಕೆಟ್ ಮೈದಾನದಲ್ಲಿ ನಡೆದ ಪ್ರಥಮ ಟೆಸ್ಟ್‌ನಲ್ಲಿ ಟಾಸ್ ಗೆದ್ದ ಬಾಂಗ್ಲಾ ಬೌಲಿಂಗ್ ಆಯ್ಕೆ ಮಾಡಿಕೊಂಡಿತು. ಅದರಂತೆ ಮೊದಲು ಬ್ಯಾಟಿಂಗ್ ಮಾಡಿದ ಯಶಸ್ವಿ ಜೈಸ್ವಾಲ್ ಉತ್ತಮ ಪ್ರದರ್ಶನ ನೀಡಿದರು. ಸತತ ವಿಕೆಟ್ ಪತನವಾದ ಕಾರಣ ನಿಧಾನಗತಿ ಹಾಗೂ ರಕ್ಷಣಾತ್ಮಕ ಆಟದ ಮೂಲಕ ಆಕರ್ಷಕ ಅರ್ಧಶತಕ ಸಿಡಿಸಿ ಗಮನ ಸೆಳೆದರು. ಆದರೆ ಘಟಾನುಘಟಿ ಬ್ಯಾಟರ್ಗಳು ಕೈಕೊಟ್ಟರು. ರೋಹಿತ್ ಶರ್ಮಾ 6, ಶುಭ್‌ಮನ್‌ ಗಿಲ್ 0, ವಿರಾಟ್ ಕೊಹ್ಲಿ 6, ಕೆಎಲ್ ರಾಹುಲ್ 16 ರನ್ ಗಳಿಸಿ ಭಾರಿ ನಿರಾಸೆ ಮೂಡಿಸಿದರು. ರಿಷಭ್ ಪಂತ್(39) ಕೆಲಹೊತ್ತು ಹೋರಾಡಿ ಗಮನ ಸೆಳೆದರು.
ಈ ಸುದ್ದಿ ಓದಿದ್ದೀರಾ? ಪ್ಯಾರಾಲಿಂಪಿಕ್ಸ್: ದಾಖಲೆಯ 29 ಪದಕಗಳನ್ನು ಗೆದ್ದ ಭಾರತ
ಬಾಂಗ್ಲಾ ಬೌಲರ್‌ಗಳ ಉತ್ತಮ ಪ್ರದರ್ಶನ
ಇತ್ತೀಚೆಗೆ ಪಾಕಿಸ್ತಾನ ವಿರುದ್ಧ ಐತಿಹಾಸಿಕ ಸರಣಿ ಗೆದ್ದು ದಾಖಲೆ ಬರೆದ ಬಾಂಗ್ಲಾದೇಶ ಭಾರತದ ವಿರುದ್ಧವೂ ಉತ್ತಮ ಪ್ರದರ್ಶನ ನೀಡುತ್ತಿದೆ. ವೇಗಿ ಹಸನ್ ಮೊಹಮ್ಮದ್ ಬೊಂಬಾಬ್ ಬೌಲಿಂಗ್ ಪ್ರಮುಖ ಬ್ಯಾಟರ್ಗಳು ಬೇಗನೇ ಪೆವಿಲಿಯನ್ ಸೇರಿದರು. ರೋಹಿತ್, ಗಿಲ್, ಕೊಹ್ಲಿ, ಪಂತ್ ಅವರನ್ನು ಬೇಗನೇ ಔಟಾದರು. 18 ಓವರ್ಗಳಲ್ಲಿ 58 ರನ್ ಬಿಟ್ಟುಕೊಟ್ಟು 4 ವಿಕೆಟ್ ಉರುಳಿಸಿದರು. ಇದರ ಪರಿಣಾಮ ಭಾರತ ಕೇವಲ 144 ರನ್ಗಳಿಗೆ ಪ್ರಮುಖ 6 ವಿಕೆಟ್‌ಗಳ ಕಳೆದುಕೊಂಡಿತು. ನಹಿದ್ ರಾಣಾ, ಮೆಹದಿ ಹಸನ್ ಮಿರಾಜ್ ಕೂಡ ತಲಾ 1 ವಿಕೆಟ್ ಪಡೆದು ಸಾಥ್ ನೀಡಿದರು.
ಭಾರತಕ್ಕೆ ಜಡ್ಡು– ಅಶ್ವಿನ್ ಆಸರೆ
144 ರನ್ಗಳಿಗೆ 6 ವಿಕೆಟ್ ಕಳೆದುಕೊಂಡು ಅಪಾಯದಲ್ಲಿದ್ದ ಭಾರತ ತಂಡಕ್ಕೆ ಆಸರೆಯಾಗಿದ್ದು ರವೀಂದ್ರ ಜಡೇಜಾ ಮತ್ತು ರವಿಚಂದ್ರನ್ ಅಶ್ವಿನ್. ಈ ಹಂತದಲ್ಲಿ ಜೊತೆಯಾದ ಜೋಡಿ 200 ರನ್‌ಗಳ ಸಮೀಪ ರನ್ ಕಲೆ ಹಾಕಿತು. 7ನೇ ವಿಕೆಟ್‌ಗೆ 227 ಎಸೆತಗಳಲ್ಲಿ 199 ರನ್‌ಗಳ ಜೊತೆಯಾಟವಾಡಿತು. ಇದು ಭಾರತ ತಂಡವನ್ನು 300 ರನ್‌ಗಳ ಗಡಿ ದಾಟುವಂತೆ ಮಾಡಿತು. ಬಾಂಗ್ಲಾದೇಶ ಬೌಲರ್‌ಗಳ ಎದುರು ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಅಶ್ವಿನ್ 6ನೇ ಶತಕವನ್ನೂ ಪೂರೈಸಿದರು.
ಬಾಂಗ್ಲಾ ಪರ ಹಸನ್ ಮಹಮೂದ್ 83/5, ತಸ್ಕಿನ್ ಅಹ್ಮದ್ 55/3 ಹಾಗೂ ನಹಿದ್ ರಾಣಾ, ಮೀರಜ್‌ ತಲಾ ಒಂದೊಂದು ವಿಕೆಟ್ ಉರುಳಿಸಿ ಭಾರತದ ಪತನಕ್ಕೆ ಕಾರಣರಾದರು.
ಎರಡನೇ ಇನಿಂಗ್ಸ್ ಆರಂಭಿಸಿರುವ ಬಾಂಗ್ಲಾದೇಶ ಇತ್ತೀಚಿನ ವರದಿಗಳಂತೆ 8.2 ಓವರ್ಗಳಲ್ಲಿ 22 ರನ್ ಗಳಿಸಿ 3 ವಿಕೆಟ್ ಕಳೆದುಕೊಂಡು ಆರಂಭಿಕ ಆಘಾತ ಅನುಭವಿಸಿದೆ
