ಐಪಿಎಲ್ 16ನೇ ಆವೃತ್ತಿಯ ಚೆನ್ನೈ ಮತ್ತು ಗುಜರಾತ್ ತಂಡಗಳ ನಡುವಿನ ಫೈನಲ್ ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿದೆ.
ಅಹಮದಾಬಾದ್’ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಿಗದಿಯಂತೆ ಭಾನುವಾರ ರಾತ್ರಿ 7 ಗಂಟೆಗೆ ಟಾಸ್ ಮತ್ತು 7.30ಕ್ಕೆ ಫೈನಲ್ ಪಂದ್ಯ ಪ್ರಾರಂಭವಾಗಬೇಕಿತ್ತು.
ಆದರೆ ನಿರಂತರವಾಗಿ ಮಳೆ ಸುರಿಯುತ್ತಿರುವುದರಿಂದ ಟಾಸ್ ವಿಳಂಬವಾಗಿದೆ. ಮೈದಾನ ಪೂರ್ತಿ ನೀರಿನಿಂದ ಆವೃತವಾಗಿದೆ. ಪಿಚ್’ಅನ್ನು ಹೊದಿಕೆಯಿಂದ ಮುಚ್ಚಲಾಗಿದೆ.
Advertisements
ಸಿಎಸ್’ಕೆ ಮತ್ತು ಜಿಟಿ ತಂಡಗಳ ನಡುವಿನ ಫೈನಲ್ ಕದನವನ್ನು ಕಾಣಲು ಕಾತರದಿಂದ ಕಾಯುತ್ತಿದ್ದ ಅಭಿಮಾನಿಗಳ ಉತ್ಸಾಹಕ್ಕೆ ವರುಣ ಅವಕೃಪೆ ತೋರಿದ್ದಾನೆ.
ರಾತ್ರಿ 9.35 ಗಂಟೆಯ ಒಳಗಾಗಿ ಪಂದ್ಯ ಆರಂಭವಾದರೆ ಯಾವುದೇ ಓವರ್ ಕಡಿತ ಮಾಡಲಾಗುವುದಿಲ್ಲ. ಬಳಿಕ ಆರಂಭವಾದರೆ ಓವರ್ ಕಡಿತವಾಗಲಿದೆ. ತಡರಾತ್ರಿ 12.06 ಗಂಟೆಯ ಒಳಗಾಗಿ ಪಂದ್ಯ ಪ್ರಾರಂಭವಾದಲ್ಲಿ ಉಭಯ ತಂಡಗಳಿಗೂ ತಲಾ 5 ಓವರ್‌ಗಳಂತೆ ಪಂದ್ಯ ನಡೆಯಲಿದೆ.
ಮಳೆ ನಿಲ್ಲದೆ ಹೋದರೆ ಫೈನಲ್ ಪಂದ್ಯವನ್ನು ಮೀಸಲು ದಿನವಾದ ನಾಳೆಗೆ ಮುಂದೂಡಲಾಗುತ್ತದೆ.
