ಸಂವಿಧಾನ ಶಿಲ್ಪಿ ಬಾಬ ಸಾಹೇಬ ಡಾ. ಬಿ ಆರ್ ಅಂಬೇಡ್ಕರ್ ಭಾರತದ ಆಸ್ತಿಯಾಗಿದ್ದು, ಅವರ ಸಾಮಾಜಿಕ ಸಮಾನತೆಯ ಮೌಲ್ಯಗಳು ಇಂದಿಗೂ ಪ್ರಸ್ತುತವಾಗಿವೆ. ಹಾಗಾಗಿ ಡಾ. ಅಂಬೇಡ್ಕರ್ ಸಮಾನತೆಯ ಹರಿಕಾರರು ಎಂದು ದಮ್ಮ ಪಾಲ ಬಂತೇಜಿ ಬಾಗಲಕೋಟೆಯಲ್ಲಿ ಅಭಿಪ್ರಾಯ ವ್ಯಕ್ತಪಡಿಸಿದರು.
ಅಂಬೇಡ್ಕರ ನಗರದಲ್ಲಿ ನಡೆದ ಸಂವಿಧಾನ ಶಿಲ್ಪಿ ಭಾರತರತ್ನ ಡಾ. ಬಾಬಾ ಸಾಹೇಬ್ ಅಂಬೇಡ್ಕರ್ ಜಯಂತಿ ಕಾರ್ಯಕ್ರಮದಲ್ಲಿ ಅಂಬೇಡ್ಕರ್ ಭಾವ ಚಿತ್ರಕ್ಕೆ ಪುಷ್ಪಾರ್ಪಣೆ ಮಾಡಿ ಮಾತನಾಡಿ, “ಪ್ರಪಂಚದಲ್ಲಿಯೇ ನಮ್ಮ ಭಾರತದ ಸಂವಿಧಾನವು ಸರ್ವಶ್ರೇಷ್ಠವಾಗಿದ್ದು, ಸಂವಿಧಾನ ಶಿಲ್ಪಿ ಅಂಬೇಡ್ಕರ್ ಅವರ ಘನ ವ್ಯಕ್ತಿತ್ವ, ಅವರ ಸರಳ ಬದುಕು, ದಿವ್ಯ ಪಾಂಡಿತ್ಯ ಭಾರತೀಯರಿಗೆ ಸ್ಫೂರ್ತಿ ಮತ್ತು ಪ್ರೇರಣೆಯಾಗಿವೆ” ಎಂದರು.
“ಡಾ.ಅಂಬೇಡ್ಕರ್ ಚಿಂತನೆಗಳಲ್ಲಿರುವ ಸಾಮಾಜಿಕ ಸಮಾನತೆಯ ಮೌಲ್ಯಗಳು ನಮ್ಮ ಪ್ರಜಾಪ್ರಭುತ್ವದ ಘನತೆ ಮತ್ತು ಗೌರವ ಹೆಚ್ಚಿಸಿವೆ. ಅವರು ಸಾರಿರುವ ಮಾನವೀಯ ಮೌಲ್ಯಗಳು ಸಮಸಮಾಜ ನಿರ್ಮಾಣದಲ್ಲಿ ಮಹತ್ವದ ಪಾತ್ರ ವಹಿಸಿದೆ” ಎಂದು ಅಭಿಪ್ರಾಯಿಸಿದರು. ಇದೇ ವೇಳೆ ಜಯಂತಿ ಅಂಗವಾಗಿ ಆಯೋಜಿಸಿದ್ದ ಆಟೋಟ ಸ್ಫರ್ಧೆಗಳ ವಿಜೇತರಿಗೆ ಬಹುಮಾನ ವಿತರಣೆ ಮಾಡಲಾಯಿತು.
ಇದನ್ನೂ ಓದಿ>ಬಾಗಲಕೋಟೆ | ಮೋದಿಯವರ 12 ವರ್ಷಗಳ ಆಡಳಿತದಲ್ಲಿ ದೇಶ ನೆನಪಿಸಿಕೊಳ್ಳುವಂತಹ ಕೆಲಸವಾಗಿಲ್ಲ: ಎಂ ಬಿ ಪಾಟೀಲ
ಕಾರ್ಯಕ್ರದಲ್ಲಿ ಉಮಾಪತಿ ನೀಲನಾಯಕ, ಬಾಬುರಾವ ಕಾಂಬಳೆ, ಅಶೋಕ ನೀಲನಾಯಕ, ಪ್ರಭು ಬಂಡಿ, ಅಶೋಕ ನಾರಯಣಿ, ಪ್ರೇಮನಾಥ ಗರಸಂಗಿ, ರಾಮಪ್ಪ ನಾರಾಯಣಿ, ಯಲ್ಲಪ್ಪ ಬಂಡಿ, ಸಂಜೀವ ಕಾಂಬಳೆ, ಚನ್ನಪ್ಪ ಲಿಂಗದಳ್ಳಿ, ಮಲ್ಲಪ್ಪ ನಾರಾಯಣಿ, ದಶರಥ ಹೊದ್ಲೂರ, ರವಿ ಪೂಜಾರ, ಪರಶುರಾಮ ನಾರಾಯಣಿ, ನಗರಸಭೆ ಸದಸ್ಯರಾದ ಸಾಗರ ಬಂಡಿ, ನವೀನಕುಮಾರ ನೀಲನಾಯಕ, ರಾಜು ಬಂಡಿ ಮತ್ತು ಅಂಬೇಡ್ಕರ ನಗರದ ಗುರು ಹಿರಿಯರು, ಯುವಕರು ಮತ್ತು ಮಹಿಳೆಯರು ಸೇರಿದಂತೆ ಇತರರು ಭಾಗವಹಿಸಿ ಅಂಬೇಡ್ಕರ್ ಭಾವಚಿತ್ರಕ್ಕೆ ಪುಷ್ಪ ನಮನ ಸಲ್ಲಿಸಿದರು.
