ಬಾಗೇಪಲ್ಲಿ: ದ್ವಿತೀಯ ಪಿಯುಸಿ ಪರೀಕ್ಷಾ ಫಲಿತಾಂಶದಲ್ಲಿ ವಿ.ಆರ್.ಅಕಾಡೆಮಿ ಪಿಯು ಕಾಲೇಜಿನ ವಿಜ್ಞಾನ ವಿಭಾಗದ ವಿದ್ಯಾರ್ಥಿ ಚರಣ್ ತೇಜಾ ರೆಡ್ಡಿ ಅತ್ಯುತ್ತಮ ಸಾಧನೆ ಮಾಡಿದ್ದಾರೆ. ಒಟ್ಟು 600 ಅಂಕಗಳಿಗೆ 561 ಅಂಕಗಳನ್ನು ಪಡೆಯುವ ಮೂಲಕ ಕಾಲೇಜಿನ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ.
ಇವರು ಗೂಳೂರು ನಿವಾಸಿಗಳಾದ ಶ್ರೀಮತಿ ಪದ್ಮಾವತಿ ಮತ್ತು ಯು.ಎನ್.ರವಿಚಂದ್ರರೆಡ್ಡಿ ದಂಪತಿಗಳ ಮಗನಾಗಿದ್ದು ಇವರ ಈ ಅಮೋಘ ಸಾಧನೆಗೆ ಶಿಕ್ಷಣ ಸಂಸ್ಥೆಯ ಮಂಡಳಿ, ಉಪನ್ಯಾಸಕರು ಹಾಗೂ ಸಾರ್ವಜನಿಕರಿಂದ ವ್ಯಾಪಕ ಪ್ರಶಂಸೆ ವ್ಯಕ್ತವಾಗಿದೆ. ವಿದ್ಯಾರ್ಥಿ ಚರಣ್ ತೇಜಾ ರೆಡ್ಡಿ ಅವರನ್ನು ಅಧ್ಯಾಪಕರು, ಪ್ರಾಂಶುಪಾಲರು, ಕಾಲೇಜಿನ ಸಿಬ್ಬಂದಿ, ಬೋಧಕೇತರ ವರ್ಗದವರು ಸನ್ಮಾನಿಸಿದರು.
ಕನ್ನಡ ಭಾಷೆಯಲ್ಲಿ 100ಕ್ಕೆ 92 ಇಂಗ್ಲಿಷ್ ಭಾಷೆಯಲ್ಲಿ100 ಕ್ಕೆ90 ಅಂಕ,ಭೌತಶಾಸ್ತ್ರ ದಲ್ಲಿ 100 ಕ್ಕೆ 96, ರಸಾಯನಶಾಸ್ತ್ರ ದಲ್ಲಿ 100 ಕ್ಕೆ 92 ,ಗಣಿತ ವಿಷಯದಲ್ಲಿ 100 ಕ್ಕೆ 100 ,ಕಂಪ್ಯೂಟರ್ ವಿಜ್ಞಾನ 100 ಕ್ಕೆ 91 ಅಂಕಗಳು ಒಟ್ಟು 600 ಕ್ಕೆ 561 ಅಂಕಗಳುಪಡೆದು ಅದ್ವಿತೀಯ ಸಾಧನೆ ಮಾಡಿದ್ದಾರೆ 600 ಅಂಕಗಳಿಗೆ 561 ಅಂಕ ಪಡೆಯುವ ಮೂಲಕ ಶೇಕಡಾ 93.5 ರಷ್ಟು ಅಂಕ ಗಳಿಸಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
ಇದನ್ನು ಓದಿದ್ದೀರಾ..? ಕೋಲಾರ | ಅಂಬೇಡ್ಕರ್ ಜಯಂತಿ ಸಂಭ್ರಮ; 20 ಅಡಿ ಎತ್ತರದ ಭವ್ಯ ಪುತ್ಥಳಿ ನಿರ್ಮಾಣಕ್ಕೆ ಗುದ್ದಲಿ ಪೂಜೆ
ಯು.ಎನ್.ಚರಣ್ ತೇಜಾ ರೆಡ್ಡಿ ಮಾತನಾಡಿ ಈ ಫಲಿತಾಂಶಕ್ಕೆ ನನ್ನ ತಂದೆ ತಾಯಿ, ಪ್ರಾಂಶುಪಾಲರು, ಉಪಪ್ರಾಂಶುಪಾಲರು, ಅಧ್ಯಾಪಕರ ಸಹಕಾರ ಕಾರಣ. ನನಗೆ ಗಣಿತ ವಿಷಯದಲ್ಲಿ 100ಕ್ಕೆ 100 ಅಂಕಗಳು ಬಂದಿವೆ. ನನ್ನ ಓದಿಗೆ ತಂದೆ ತಾಯಿ ಏನನ್ನೂ ಕಡಿಮೆ ಮಾಡಿಲ್ಲ. ಉತ್ತಮ ಸಹಕಾರ ಕೊಟ್ಟಿದ್ದಾರೆ. ತಂದೆ ತಾಯಿ ಆಶೀರ್ವಾದ, ಅಧ್ಯಾಪಕರ ಸಲಹೆ ಸಹಕಾರದಿಂದ ಈ ಸಾಧನೆ ಮಾಡಲು ಸಾಧ್ಯವಾಗಿದೆ ಎಂದು ವಿಧ್ಯಾರ್ಥಿ ಚರಣ್ ತೇಜಾ ರೆಡ್ಡಿ ಹೇಳಿದರು.
