ದುಬಾರಿ ಬೆಲೆಯ ಐಫೋನ್ ಖರೀದಿ ಮಾಡಿದ್ದಕ್ಕಾಗಿ ತಂದೆ ಪ್ರಶ್ನೆ ಮಾಡಿದ್ದಕ್ಕೆ ಮನನೊಂದು ಯುವಕ ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಬೆಳಗಾವಿಯ ನ್ಯೂ ವೈಭವ ನಗರದಲ್ಲಿ ನಡೆದಿದೆ.
ಯುವಕನ ವಿವರ:
ಆತ್ಮಹತ್ಯೆ ಮಾಡಿಕೊಂಡವನನ್ನು ಮುಸ್ತಫೀಸ್ ಅಬ್ದುಲ್ ರಶೀದ್ ಶೇಖ್ (24) ಎಂದು ಗುರುತಿಸಲಾಗಿದೆ.
ಘಟನೆ ವಿವರ:
ಗುರುವಾರ ಸಂಜೆ ಮುಸ್ತಫೀಸ್ ₹70,000 ಬೆಲೆಯ ಐಫೋನ್ ಅನ್ನು ಇಎಂಐ ಮೂಲಕ ಖರೀದಿ ಮಾಡಿದ್ದ. ಈ ಬಗ್ಗೆ ತಂದೆಗೆ ಮಾಹಿತಿ ತಿಳಿದಾಗ, ಅವರು “ಇಷ್ಟೊಂದು ದುಬಾರಿ ಮೊಬೈಲ್ ಯಾಕೆ ಖರೀದಿಸಿದೆ? ಕಡಿಮೆ ಬೆಲೆಯ ಫೋನ್ ತಗೊಳ್ಳಬಹುದಾಗಿತ್ತು” ಎಂದು ಬುದ್ಧಿವಾದ ನೀಡಿದ್ದರು. ತಂದೆಯ ಮಾತಿಗೆ ಮನನೊಂದು ಮುಸ್ತಫೀಸ್ ಮನೆಯಲ್ಲಿಯೇ ತನ್ನ ಕೋಣೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.
Advertisements
ಪೊಲೀಸರ ತನಿಖೆ:
ಈ ಸಂಬಂಧ ಎಪಿಎಂಸಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ತನಿಖೆ ನಡೆಸುತ್ತಿದ್ದಾರೆ.
