ಸಂವಿಧಾನ ಶಿಲ್ಪಿ ಡಾ.ಬಿ.ಆರ್.ಅಂಬೇಡ್ಕರ್ ಅವರು ತೋರಿದ ತತ್ವ ಸಿದ್ಧಾಂತಗಳನ್ನು ನಮ್ಮ ಬದುಕಿನಲ್ಲಿ ಮೈಗೂಡಿಸಿಕೊಳ್ಳಬೇಕೆಂದು ಆರ್‌ಪಿಐ ಪಕ್ಷದ ರಾಜ್ಯ ಸಂಯೋಜಕ ಮಹೇಶ್ ಗೋರನಾಳಕರ್ ಹೇಳಿದರು.
ಭಾಲ್ಕಿ ತಾಲೂಕಿನ ಕಪಲಾಪೂರ (ಕೆ) ಗ್ರಾಮದಲ್ಲಿ ಆಯೋಜಿಸಿದ ಡಾ.ಬಾಬಾಸಾಹೇಬ್ ಅಂಬೇಡ್ಕರ್ ಅವರ 135ನೇ ಜಯಂತ್ಯೋತ್ಸವ, ಭವ್ಯ ಮೆರವಣಿಗೆ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು.
ʼಅಂಬೇಡ್ಕರ್ ಅವರು ಅನೇಕ ನೋವು, ಅಪಮಾನ ಎದುರಿಸಿ ದೇಶದ ಸರ್ವಾಂಗೀಣ ವಿಕಾಸಕ್ಕಾಗಿ ಬದುಕು ತ್ಯಾಗ ಮಾಡಿದವರು. ಜಯಂತಿ ಆಚರಣೆ ಮತ್ತು ಡಿಜೆ ಕಾರ್ಯಕ್ರಮಗಳಿಗೆ ಮಾತ್ರ ಸೀಮಿತವಾಗದೆ, ಅಂಬೇಡ್ಕರ್ ಅವರ ಆಶಯದಂತೆ ಧಾರ್ಮಿಕ, ರಾಜಕೀಯ, ಶೈಕ್ಷಣಿಕ ಹಾಗೂ ಆರ್ಥಿಕ ಅಭಿವೃದ್ಧಿಗೆ ಹೆಚ್ಚು ಒತ್ತು ನೀಡಬೇಕು. ರಾಜಕೀಯ ಅಧಿಕಾರ ಪಡೆದು ಆಳುವ ವರ್ಗವಾಗಬೇಕುʼ ಎಂದರು.
ಇದನ್ನೂ ಓದಿ : ಔರಾದ್‌ ಸೀಮೆಯ ಕನ್ನಡ | ಸುಡು ಬಿಸಲಾಗ ಭಾಳ ಓಡಾಡಬ್ಯಾಡ; ಬೇಮಾರ ಬಿದ್ದೂರ್ ಹೈರಾಣ ಅದಾ!
ಕಾರ್ಯಕ್ರಮದಲ್ಲಿ ಭೀಮ್ ಆರ್ಮಿ ಜಿಲ್ಲಾ ಉಪಾಧ್ಯಕ್ಷ ಗೌತಮ ಬಗದಲಕರ್, ದಸಂಸ ಹುಲಸೂರ ತಾಲೂಕಾಧ್ಯಕ್ಷ ದೇವಾನಂದ ತೊಳೆ, ಗ್ರಾಮ ಕ್ರಾಂತಿ ಸೇನೆಯ ರಾಜ್ಯಾಧ್ಯಕ್ಷ ಸಂದೀಪ್ ಮುಕಿಂದೆ, ಅಂಬೇಡ್ಕರ್ ಸೇವಾ ಸಮಿತಿ ಬೀದರ್ ಜಿಲ್ಲಾ ಅಧ್ಯಕ್ಷ ಲೋಕೇಶ್ ಕಾಂಬಳೆ, ವೈಡಿಎಸ್ಎಸ್ ಸಂಘಟನೆಯ ಸಂಸ್ಥಾಪಕ ಪ್ರದೀಪ್ ಭಾವಿಕಟ್ಟಿ, ಭೀಮ್ ಆರ್ಮಿ ತಾಲೂಕ ಅಧ್ಯಕ್ಷ ಸಿದ್ದಾರ್ಥ ಪ್ಯಾಗೆ, ಸುವಾಸ್ ಶಿಂಧೆ, ಸುರೇಶ ಭಾವಿಕಟ್ಟಿ, ಅಜಯ ಮದಾಳೆ, ಲಖನ್ ಸಿಂಗಾರೆ, ಸಿದ್ಧಾರ್ಥ್ ಬೇಂದ್ರೆ ಹಾಗೂ ಗ್ರಾಮದ ಮುಖಂಡರಾದ ರವಿ ಕಾಂಬ್ಳೆ, ಆಕಾಶ ಕಾಂಬ್ಳೆ, ವಿಕಾಸ್ ಕಾಂಬ್ಳೆ ಭಾಗವಹಿಸಿದರು.
