ಸಂಧ್ಯಾ ಸುರಕ್ಷಾ ಯೋಜನೆಯಡಿ 1200ರೂ ಮಾಶಾಸನ ಪಡೆಯುತ್ತಿದ್ದ 23.13 ಲಕ್ಷ ಪಿಂಚಣಿದಾರರ ಪೈಕಿ 15.99 ಲಕ್ಷ ಜನರ ಪಿಂಚಣಿಯನ್ನು ತಾತ್ಕಲಿಕವಾಗಿ ರಾಜ್ಯಸರ್ಕಾರ ರದ್ದು ಮಾಡಿರುವುದು ಪಿಂಚಣಿದಾರರಲ್ಲಿ ಆತಂಕ ಹುಟ್ಟಿಸಿದೆ ಎಂದು ರೈತ ಸಂಘ ಮತ್ತು ಹಸಿರು ಸೇನೆ ವತಿಯಿಂದ ಸೋಮವಾರ ಚಿಕ್ಕಮಗಳೂರು ನಗರದಲ್ಲಿ ಪತ್ರಿಕಾಗೋಷ್ಠಿ ನಡೆಸಲಾಯಿತು.
ರಾಜ್ಯದಲ್ಲಿ ಎಲ್ಲಾ ಪಿಂಚಣಿ ಯೋಜನೆಗಳಲ್ಲಿ ಒಟ್ಟು 83 ಲಕ್ಷ ಪಿಂಚಣಿ ದಾರರಿದ್ದಾರೆ SSY (ಸಂಧ್ಯಾ ಸುರಕ್ಷಾ) ಯೋಜನೆಯಲ್ಲಿ ಪ್ರತಿ ತಿಂಗಳು SSY ಗೆ 113 ಕೋಟಿ ಖರ್ಚಾಗುತ್ತಿದೆ ಆಯ ವ್ಯಯದಲ್ಲಿ ರಾಜ್ಯ ಸರ್ಕಾರ 1363.68 ಕೋಟಿ ಮೀಸಲಿರಿಸಿದೆ. ಹಿರಿಯ ನಾಗರೀಕ ಜೀವಗಳಿಗೆ ತಮ್ಮ ಸಣ್ಣಪುಟ್ಟ ಖರ್ಚು ವೈದ್ಯಕೀಯ ಖರ್ಚುಗಳಿಗೆ ಯಾರನ್ನು ಬೇಡಬಾರದೆಂದು ನೀಡುತ್ತಿರುವುದು. ಪರೀಶೀಲನೆ ಹೆಸರಲ್ಲಿ ಪಿಂಚಣಿ ನಿಲ್ಲಿಸಿರುವುದು ಹಿರಿಯ ಜೀವಗಳಿಗೆ ಶಾಪವಾಗಿ ಪರಿಣಮಿಸಿದೆ.
ಕೆಲವು ಲಂಚ ಕೋರ ಅಧಿಕಾರಿಗಳ ಲಾಭಕೋರ ತನದಿಂದ 40-45 ವರ್ಷ ದವರಿಗೂ ಮಾಶಾಸನ ನೀಡಿ ಯೋಜನೆಯನ್ನು ಹಳ್ಳಹಿಡಿಸಿರುವುದು ನಿರ್ವಿವಾದ ಗೃಹಲಕ್ಷ್ಮಿ (24000) PM ಕಿಸಾನ (6000) NREGA(VB ರಾಮ್‌ ಜಿ) ಗರಿಷ್ಟ 47750 ಹಣ ಸರ್ಕಾರಗಳೇ ನೀಡುತ್ತಿವೆ, 1ಎಕರೆಯಲ್ಲಿ 10 ಕ್ವಿಂಟಲ್ ರಾಗಿ ಬೆಳೆದು NAPED ಗೆ ಬಿಟ್ಟರೆ DBT ಮೂಲಕ 48000 ಬರುತ್ತಿದೆ. ಗ್ರಾಮ ಆಡಳಿತ ಅಧಿಕಾರಿಗಳು ಯಾವ ರೀತಿ ವಾರ್ಷಿಕ ವರಮಾನ 32000 ನೀಡಬೇಕು ಎಂದು ರೈತ ಮುಖಂಡ ಲಿಂಗ ದೇವರು ಬಿ.ಎಂ ಮಾತಾಡಿದರು.
ಇದನ್ನೂ ಓದಿದ್ದೀರಾ?ಚಿಕ್ಕಮಗಳೂರು | ಯುವತಿ ಮೇಲೆ ದೇವಸ್ಥಾನ ಅರ್ಚಕನಿಂದ ಅತ್ಯಾಚಾರ: ಪ್ರಕರಣ ದಾಖಲು
ಈ ಅನ್ಯಾಯದ ಬಗ್ಗೆ ಧ್ವನಿ ಎತ್ತಬೇಕಾದ ವಿರೋದ ಪಕ್ಷಗಳು ಜಾಣಮೌನ ವಹಿಸಿವೆ.ಆದರೆ ರೈತ ಸಂಘ ಒಕ್ಕೂಟಗಳು ರೈತರಿಗೋಸ್ಕರ ನಿರಂತರ ಹೋರಾಟ ಮಾಡುತ್ತಿದೆ. ಈ ವೇಳೆ ರೈತ ಸಂಘದ ಯಗಟಿ ಹೋಬಳಿ ಅಧ್ಯಕ್ಷರು, ಸದಸ್ಯರು ಉಪಸ್ಥಿತರಿದ್ದರು.
ಸರ್ಕಾರಕ್ಕೆ ಬೇಡಿಕೆಗಳು:
1) ಹಿಂಬಾಕಿ ಪಿಂಚಣಿಯನ್ನು ತಕ್ಷಣ ಬಿಡುಗಡೆ ಮಾಡಬೇಕು
2) ಯೋಜನೆಗೆ BPL ಕಾರ್ಡ್ ಆದ್ಯತೆ ಮಾಡಬೇಕು
3) ಅನರ್ಹರನ್ನು ವಜಾಗೊಳಿಸಬೇಕು
4) ತಪ್ಪಿತಸ್ಥ ಅಧಿಕಾರಿಗಳನ್ನು ವಜಾ ಮಾಡಬೇಕು
5) ಅನರ್ಹರಿಂದ ಹಣ ವಸೂಲು ಮಾಡಬೇಕು ಇಲ್ಲವಾದಲ್ಲಿ ಕಂದಾಯ ಬಾಕಿ ಎಂದು ನಮೂದಾಗಬೇಕು.
