ಹಾಸನ ಜಿಲ್ಲೆ ಆಲೂರು ತಾಲೂಕು ಕೆ.ಹೊಸಕೋಟೆ ಹೋಬಳಿಯ ಕಾರಗೋಡು ಗ್ರಾಮದಲ್ಲಿ ಕಳ್ಳತನ ನಡೆದಿರುವ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಕಳೆದ ವಾರ ರಾತ್ರಿ ವೇಳೆ ಕಳ್ಳತನ ನಡೆದಿದೆ. ಅತಿಯಾದ ಮಳೆ ಇದ್ದ ಕಾರಣ ತಮ್ಮ ತೋಟಗಳಿಗೆ ಯಾರು ಸಹ ಹೋಗಿರಲಿಲ್ಲ. ಕಾರಗೋಡು ಗ್ರಾಮದಲ್ಲಿ ಒಂದೇ ರಾತ್ರಿಯಲ್ಲಿ ಒಟ್ಟು ನಾಲ್ಕು ಕಡೆ ಕಳ್ಳತನ ನಡೆದಿದೆ. ವಿನೋದ್, ಚಂದ್ರೇಗೌಡ, ನೀಲಕಂಠ ಮತ್ತು ಗ್ರಾಮಕ್ಕೆ ನೀರಿನ ಅನುಕೂಲ ಮಾಡುತ್ತಿದ್ದ ಮೋಟರ್ ಪಂಪ್ ನ ಕೇಬಲ್ ಗಳನ್ನು ಕಳ್ಳರು ಒಂದೇ ರಾತ್ರಿಯಲ್ಲಿ ಸುಮಾರು 380 ಮೀಟರ್ ಕೇಬಲ್ ಕಳ್ಳತನಮಾಡಿ ಮುಗಿಸಿದ್ದಾರೆ , ಮೋಟರ್ ಪಂಪ್ ಗಳಿಗೆ (ಸಬ್ ಮರ್ಸಿಬಲ್ ) ಕೇಬಲ್ ಗಳನ್ನು ಬಳಸುವುದು ಈ ಕೇಬಲ್ ಗಳಿಗೆ ಹೆಚ್ಚಿನ ಮೊತ್ತವಿರುವ ಕಾರಣ ಕದ್ದಿದ್ದಾರೆ.
ಇದನ್ನೂ ಓದಿದ್ದೀರಾ?ಹಾಸನ | ವಿಶ್ವ ಜನಸಂಖ್ಯಾ ದಿನ ಅಂಗವಾಗಿ ಮಾನವ ಸರಪಳಿ
ಕೆ. ಹೊಸಕೋಟೆಯಲ್ಲಿರುವ ಉಪ ಆರಕ್ಷಕ ಠಾಣೆಗೆ ಸುಮಾರು 12ಕಿಮೀ ಅಂತರವಿರುವುದು ಇಲ್ಲಿನ ಕಳ್ಳತನಕ್ಕೆ ತುಂಬಾ ಅನುಕೂಲವೆಂದು ಏಳಬಹುದಾಗಿದೆ. ಕಳ್ಳತನ ಕುರಿತು ಗ್ರಾಮಸ್ಥರಾದ ನವೀನ್ ರವರು ಯಾರೋ ಸುತ್ತಮುತ್ತಲು ತುಂಬಾ ಅರಿತವರೇ ಈ ಕಳ್ಳತನ ಮಾಡಿರಲು ಸಾದ್ಯ ಯಾಕೆಂದರೆ ಅವರುಗಳು ಬೆಳಗಿನ ಸಮಯದಲ್ಲಿ ಯಾವ ತೋಟಗಳಲ್ಲಿ ಮೋಟರ್ ಪಂಪ್ ಇರುವುದು ಎಂದು ಕಚಿತ ಪಡಿಸಿಕೊಂಡೆ ಈ ಕಳ್ಳತನ ಮಾಡಿದ್ದಾರೆ ಅದರಲ್ಲು ಒಂದೇ ದಿನ ನಾಲ್ಕು ಕಡೆ ಕಳ್ಳತನ ಹೊಸದಾಗಿ ಬಂದಂತಹ ಕಳ್ಳರಿಂದ ಅಸಾಧ್ಯ ಮತ್ತು ಮಗ್ಗೆ ಗ್ರಾಮದಲ್ಲಿ ಒಂದು ಉಪ ಆರಕ್ಷಕ ಠಾಣೆ ಇಲ್ಲದಿರುವುದು ಈ ಕಳ್ಳತನಕ್ಕೆ ಪ್ರಮುಖ ಕಾರಣ ಎಂದು ತಿಳಿಸಿದರು.
