ವಿಶ್ವವಿದ್ಯಾಲಯ ಧನಸಹಾಯ ಆಯೋಗ (ಯುಜಿಸಿ) ದೇಶದ 20 ವಿಶ್ವವಿದ್ಯಾಲಯಗಳನ್ನು “ನಕಲಿ” ಎಂದು ಘೋಷಿಸಿದ್ದು,ಈ ಸಂಸ್ಥೆಗಳು ವಿದ್ಯಾರ್ಥಿಗಳಿಗೆ ಯಾವುದೇ ಪದವಿಗಳನ್ನು ನೀಡಲು ಅಧಿಕಾರ ಹೊಂದಿಲ್ಲ ಎಂದು ತಿಳಿಸಿದೆ.
ಯುಜಿಸಿ ಘೋಷಿಸಿದ ನಕಲಿ ವಿವಿಗಳಲ್ಲಿ ಎಂಟು ದೆಹಲಿಯಲ್ಲಿವೆ. ಯುಜಿಸಿಯ ಈ ಕ್ರಮವು ಮಾನ್ಯತೆ ಪಡೆಯದ ಮತ್ತು ಮೋಸದ ಸಂಸ್ಥೆಗಳಿಂದ ಶಿಕ್ಷಣವನ್ನು ಮುಂದುವರಿಸುವ ಬಲೆಗೆ ಬೀಳದಂತೆ ವಿದ್ಯಾರ್ಥಿಗಳನ್ನು ರಕ್ಷಿಸುವ ಗುರಿಯನ್ನು ಹೊಂದಿದೆ. ವಿದ್ಯಾರ್ಥಿಗಳು ವಿವಿಗಳಿಗೆ ದಾಖಲಾಗುವ ಮೊದಲು ಆ ವಿಶ್ವವಿದ್ಯಾಲಯಗಳ ಮಾನ್ಯತೆ ಸ್ಥಿತಿಯನ್ನು ಪರಿಶೀಲಿಸುವುದು ಮುಖ್ಯವಾಗಿದೆ ಯುಜಿಸಿ ಸೂಚನೆ ನೀಡಿದೆ.
“ಯುಜಿಸಿ ಕಾಯ್ದೆಯ ನಿಬಂಧನೆಗಳಿಗೆ ವಿರುದ್ಧವಾಗಿ ಹಲವು ಸಂಸ್ಥೆಗಳು ಪದವಿಗಳನ್ನು ನೀಡುತ್ತಿರುವುದು ಯುಜಿಸಿ ಗಮನಕ್ಕೆ ಬಂದಿದೆ. ಅಂತಹ ವಿಶ್ವವಿದ್ಯಾಲಯಗಳು ನೀಡುವ ಪದವಿಗಳು ಉನ್ನತ ಶಿಕ್ಷಣ ಅಥವಾ ಉದ್ಯೋಗದ ಉದ್ದೇಶಕ್ಕಾಗಿ ಮಾನ್ಯತೆ ಹೊಂದಿರುವುದಿಲ್ಲ. ಈ ವಿಶ್ವವಿದ್ಯಾಲಯಗಳು ಯಾವುದೇ ಪದವಿಯನ್ನು ನೀಡಲು ಅಧಿಕಾರ ಹೊಂದಿಲ್ಲ” ಎಂದು ಯುಜಿಸಿ ಕಾರ್ಯದರ್ಶಿ ಮನೀಶ್ ಜೋಶಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಕಳೆದ ವರ್ಷ, ಯುಜಿಸಿ 21 ವಿಶ್ವವಿದ್ಯಾನಿಲಯಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು ಅದನ್ನು “ನಕಲಿ” ಎಂದು ಗುರುತಿಸಿತ್ತು. ಯುಜಿಸಿಯ ಪ್ರಕಾರ, ವಿಶ್ವವಿದ್ಯಾಲಯಗಳು ಕೇಂದ್ರ, ರಾಜ್ಯ/ಪ್ರಾಂತೀಯ ಕಾಯ್ದೆಯಡಿ ಸ್ಥಾಪಿಸಲ್ಪಟ್ಟಿದ್ದರೆ ಮಾತ್ರ ಅಂತಹ ವಿವಿಗಳು ಪದವಿಗಳನ್ನು ನೀಡಲು ಅಧಿಕಾರ ಹೊಂದಿವೆ.
ಈ ಸುದ್ದಿ ಓದಿದ್ದೀರಾ? ಉತ್ತರ ಪ್ರದೇಶ | ಮದ್ಯ ಕೊಡಿಸದ ಕಾರಣಕ್ಕೆ ದಲಿತ ಯುವಕನ ಕೊಲೆ
ಯುಜಿಸಿ ಬಿಡುಗಡೆ ಮಾಡಿರುವ ನಕಲಿ ವಿಶ್ವವಿದ್ಯಾಲಯಗಳ ಪಟ್ಟಿ
ದೆಹಲಿ
1. ಆಲ್ ಇಂಡಿಯಾ ಇನ್‌ಸ್ಟಿಟ್ಯೂಟ್ ಆಫ್ ಪಬ್ಲಿಕ್ ಅಂಡ್ ಫಿಸಿಕಲ್ ಹೆಲ್ತ್ ಸೈನ್ಸಸ್, ನಂ. 608-609, 1ನೇ ಮಹಡಿ, ಸಂತ ಕೃಪಾಲ್ ಸಿಂಗ್ ಸಾರ್ವಜನಿಕ ಟ್ರಸ್ಟ್ ಕಟ್ಟಡ,ಬಿಡಿಒ ಕಚೇರಿ ಹತ್ತಿರ, ಅಲಿಪುರ್, ದೆಹಲಿ-110036
2. ವಾಣಿಜ್ಯ ವಿಶ್ವವಿದ್ಯಾಲಯ ಲಿಮಿಟೆಡ್, ದರಿಯಾಗಂಜ್, ದೆಹಲಿ.
3. ವಿಶ್ವಸಂಸ್ಥೆಯ ವಿಶ್ವವಿದ್ಯಾಲಯ, ದೆಹಲಿ.
4. ವೃತ್ತಿಪರ ವಿಶ್ವವಿದ್ಯಾಲಯ, ದೆಹಲಿ.
5. ಎಡಿಆರ್-ಸೆಂಟ್ರಿಕ್‌ ಜುರಿಡಿಕಲ್ ವಿಶ್ವವಿದ್ಯಾಲಯ, ಎಡಿಆರ್ ಹೌಸ್, 8J, ಗೋಪಾಲ ಟವರ್, 25 ರಾಜೇಂದ್ರ ಪ್ಲೇಸ್, ನವದೆಹಲಿ – 110 008.
6. ಭಾರತೀಯ ವಿಜ್ಞಾನ ಮತ್ತು ಎಂಜಿನಿಯರಿಂಗ್ ಸಂಸ್ಥೆ, ನವದೆಹಲಿ.
7. ಸ್ವ-ಉದ್ಯೋಗಕ್ಕಾಗಿ ವಿಶ್ವಕರ್ಮ ಮುಕ್ತ ವಿಶ್ವವಿದ್ಯಾಲಯ, ರೋಜ್‌ಗರ್ ಸೇವಾಸದನ್, 672, ಸಂಜಯ್ ಎನ್‌ಕ್ಲೇವ್, ಎದುರು. ದೆಹಲಿ-110033.
8. ಆಧ್ಯಾತ್ಮಿಕ ವಿಶ್ವವಿದ್ಯಾಲಯ, ಬ್ಲಾಕ್-ಎ, ವಿಜಯ್ ವಿಹಾರ್, ರಿಥಾಲಾ, ರೋಹಿಣಿ, ದೆಹಲಿ-110085
ಉತ್ತರ ಪ್ರದೇಶ
1. ಗಾಂಧಿ ಹಿಂದಿ ವಿದ್ಯಾಪೀಠ, ಪ್ರಯಾಗ, ಅಲಹಾಬಾದ್, ಉತ್ತರ ಪ್ರದೇಶ.
2. ನ್ಯಾಷನಲ್ ಯೂನಿವರ್ಸಿಟಿ ಆಫ್ ಎಲೆಕ್ಟ್ರೋ ಕಾಂಪ್ಲೆಕ್ಸ್ ಹೋಮಿಯೋಪತಿ, ಕಾನ್ಪುರ, ಉತ್ತರ ಪ್ರದೇಶ.
3. ನೇತಾಜಿ ಸುಭಾಷ್ ಚಂದ್ರ ಬೋಸ್ ವಿಶ್ವವಿದ್ಯಾನಿಲಯ (ಮುಕ್ತ ವಿಶ್ವವಿದ್ಯಾನಿಲಯ), ಅಚಲ್ತಾಲ್, ಅಲಿಘರ್, ಉತ್ತರ ಪ್ರದೇಶ.
4. ಭಾರತೀಯ ಶಿಕ್ಷಾ ಪರಿಷತ್, ಭಾರತ್ ಭವನ, ಮತೀಯರಿ ಚಿನ್ಹತ್, ಫೈಜಾಬಾದ್ ರಸ್ತೆ, ಲಖನೌ, ಉತ್ತರ ಪ್ರದೇಶ
ಪಶ್ಚಿಮ ಬಂಗಾಳ
1. ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಆಲ್ಟರ್ನೇಟಿವ್ ಮೆಡಿಸಿನ್, ಕೋಲ್ಕತ್ತಾ.
2. ಇನ್‌ಸ್ಟಿಟ್ಯೂಟ್ ಆಫ್ ಆಲ್ಟರ್ನೇಟಿವ್ ಮೆಡಿಸಿನ್ ಅಂಡ್ ರಿಸರ್ಚ್,ಠಾಕುರ್‌ಪುರ್ಕುರ್, ಕೋಲ್ಕತ್ತಾ – 700063
ಆಂಧ್ರಪ್ರದೇಶ
1. ಕ್ರೈಸ್ಟ್ ನ್ಯೂ ಟೆಸ್ಟಮೆಂಟ್ ಡೀಮ್ಡ್ ಯೂನಿವರ್ಸಿಟಿ, 7ನೇ ಲೇನ್, ಗುಂಟೂರು, ಆಂಧ್ರಪ್ರದೇಶ-522002
2. ಭಾರತೀಯ ಬೈಬಲ್ ಮುಕ್ತ ವಿಶ್ವವಿದ್ಯಾಲಯ, ವಿಶಾಖಪಟ್ಟಣಂ, ಆಂಧ್ರ ಪ್ರದೇಶ-530016.
ಕರ್ನಾಟಕ
1. ಬಡಗಾಂವಿ ವಿಶ್ವ ಮುಕ್ತ ವಿಶ್ವವಿದ್ಯಾಲಯ ಶಿಕ್ಷಣ ಸೊಸೈಟಿ, ಗೋಕಾಕ, ಬೆಳಗಾವಿ, ಕರ್ನಾಟಕ.
ಕೇರಳ
1. ಸೇಂಟ್ ಜಾನ್ಸ್ ವಿಶ್ವವಿದ್ಯಾಲಯ, ಕಿಶಾನಟ್ಟಂ
ಮಹಾರಾಷ್ಟ್ರ
1. ರಾಜಾ ಅರೇಬಿಕ್ ವಿಶ್ವವಿದ್ಯಾಲಯ, ನಾಗ್ಪುರ
ಪುದುಚೇರಿ
1. ಶ್ರೀಬೋಧಿ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್, ಥಿಲಾಸ್ಪೇಟ್, ವಝುತಾವೂರ್ ರಸ್ತೆ, ಪುದುಚೇರಿ
