ಐಪಿಎಲ್‌ 16ನೇ ಆವೃತ್ತಿಯು ಅಂತಿಮ ಘಟ್ಟ ತಲುಪಿದೆ. ನಾಳೆ (ಮೇ 28 ಭಾನುವಾರ), ಅಹಮದಾಬಾದ್‌ನಲ್ಲಿ ನಡೆಯುವ ಫೈನಲ್‌ ಫೈಟ್‌ನಲ್ಲಿ ಹಾಲಿ ಚಾಂಪಿಯನ್‌ ಗುಜರಾತ್‌ ಟೈಟನ್ಸ್ ಮತ್ತು ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡಗಳು ಮುಖಾಮುಖಿಯಾಗಲಿವೆ.
ಎಂಎಸ್‌ ಧೋನಿ ಸಾರಥ್ಯದ ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡ ದಾಖಲೆಯ 10ನೇ ಬಾರಿಗೆ ಐಪಿಎಲ್‌ ಫೈನಲ್‌ ಪಂದ್ಯದಲ್ಲಿ ಕಣಕ್ಕಿಳಿಯಲಿದೆ. ಒಟ್ಟು 14 ಆವೃತ್ತಿಗಳಲ್ಲಿ 12 ಬಾರಿ ಪ್ಲೇ ಆಫ್‌ ಪ್ರವೇಶಿಸಿರುವ ಸಿಎಸ್‌ಕೆ, ಕೇವಲ 2 ಬಾರಿ ಮಾತ್ರ ಲೀಗ್‌ ಹಂತದಲ್ಲೇ ಹೊರನಡೆದಿತ್ತು. ಇದುವರೆಗೂ 9 ಫೈನಲ್‌ ಆಡಿರುವ ಚೆನ್ನೈ 4 ಬಾರಿ ಚಾಂಪಿಯನ್‌ ಆಗಿ ಹೊರಹೊಮ್ಮಿದೆ.
2020ರ ಆವೃತ್ತಿಯಲ್ಲಿ 7ನೇ ಸ್ಥಾನ ಮತ್ತು ಕಳೆದ (2022) ಆವೃತ್ತಿಯಲ್ಲಿ 9ನೇ ಸ್ಥಾನಕ್ಕೆ ಕುಸಿದಿತ್ತು. ಇದನ್ನು ಹೊರತು ಪಡಿಸಿ 2016, 2017ರ ಆವೃತ್ತಿಗಳಲ್ಲಿ ಫಿಕ್ಸಿಂಗ್ ಮತ್ತು ಬೆಟ್ಟಿಂಗ್ ಆರೋಪದ ಮೇಲೆ ಚೆನ್ನೈ ತಂಡಕ್ಕೆ ಎರಡು ವರ್ಷ ನಿಷೇಧ ಹೇರಲಾದ ಪರಿಣಾಮ ಟೂರ್ನಿಯಿಂದ ಹೊರಗುಳಿದಿತ್ತು.
ಐಪಿಎಲ್‌ನಲ್ಲಿ ಚೆನ್ನೈ ತಂಡದ ದಾಖಲೆಯ ಹಾದಿ
- 2008; ರನ್ನರ್‌ ಅಪ್‌ (vs ರಾಜಸ್ಥಾನ ರಾಯಲ್ಸ್ ವಿರುದ್ಧ ಸೋಲು)
- 2009; ಸೆಮಿಫೈನಲ್‌ (vs ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು, ಆರ್‌ಸಿಬಿ ವಿರುದ್ಧ ಸೋಲು)
- 2010: ಚಾಂಪಿಯನ್ಸ್‌ (vs ಮುಂಬೈ ಇಂಡಿಯನ್ಸ್‌)
- 2011: ಚಾಂಪಿಯನ್ಸ್‌ (vs ರಾಯಲ್ ಚಾಲೆಂಜರ್ಸ್‌ ಬೆಂಗಳೂರು, ಆರ್‌ಸಿಬಿ)
- 2012; ರನ್ನರ್‌ ಅಪ್‌ (vs ಕೋಲ್ಕತ್ತಾ ನೈಟ್‌ ರೈಡರ್ಸ್‌, ಕೆಕೆಆರ್‌ ವಿರುದ್ಧ ಸೋಲು)
- 2013; ರನ್ನರ್‌ ಅಪ್‌ (vs ಮುಂಬೈ ಇಂಡಿಯನ್ಸ್‌ ವಿರುದ್ಧ ಸೋಲು)
- 2014; ಪ್ಲೇ ಆಫ್‌ (ಕ್ವಾಲಿಫೈಯರ್‌ 2) (vs ಪಂಜಾಬ್‌ ವಿರುದ್ಧ ಸೋಲು)
- 2015; ರನ್ನರ್‌ ಅಪ್‌ ((vs ಮುಂಬೈ ಇಂಡಿಯನ್ಸ್‌ ವಿರುದ್ಧ ಸೋಲು)
- 2016 ಮತ್ತು 2017; ನಿಷೇದ
- 2018; ಚಾಂಪಿಯನ್ಸ್‌; (vs ಸನ್‌ರೈಸರ್ಸ್‌ ಹೈದರಾಬಾದ್‌, ಎಸ್‌ಆರ್‌ಎಚ್‌)
- 2019; ರನ್ನರ್‌ ಅಪ್‌ (vs ಮುಂಬೈ ಇಂಡಿಯನ್ಸ್‌ ವಿರುದ್ಧ ಸೋಲು)
- 2020; 7ನೇ ಸ್ಥಾನ
- 2021; ಚಾಂಪಿಯನ್ಸ್‌ (vs ಕೋಲ್ಕತ್ತಾ ನೈಟ್‌ ರೈಡರ್ಸ್‌, ಕೆಕೆಆರ್‌ )
- 2022; 9ನೇ ಸ್ಥಾನ
- 2023; ಫೈನಲ್‌ vs ಗುಜರಾತ್‌ ಟೈಟನ್ಸ್
