ಐಪಿಎಲ್‌ 19ನೇ ಆವೃತ್ತಿಯ ಉದ್ಘಾಟನೆ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ಸನ್‌ ರೈಸರ್ರ್‌ ಹೈದರಾಬಾದ್‌ ತಂಡ ನಾಯಕ ಇಶಾನ್‌ ಕಿಶನ್‌ ಅವರ ಸ್ಫೋಟಕ ಬ್ಯಾಟಿಂಗ್‌ ನೆರವಿನಿಂದ 20 ಓವರ್‌ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 201 ರನ್‌ ಗಳಿಸಿದೆ.
ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್‌ ಗೆದ್ದ ಆರ್‌ಸಿಬಿ ತಂಡದ ನಾಯಕ ರಜತ್‌ ಪಾಟಿದಾರ್‌ ಹೈದರಾಬಾದ್‌ ತಂಡವನ್ನು ಬ್ಯಾಟಿಂಗ್‌ ಆಹ್ವಾನಿಸಿದರು.
ಮೊದಲು 3 ವಿಕೆಟ್ ಬೇಗ ಉರುಳಿದರೂ ನಾಯಕ ಇಶಾನ್‌ ಕಿಶನ್‌ ಸ್ಥಿರವಾಗಿ ನಿಂತು ಕೇವಲ 38 ಚೆಂಡುಗಳಲ್ಲಿ 5 ಸಿಕ್ಸರ್ ಹಾಗೂ 8 ಬೌಂಡರಿಗಳೊಂದಿಗೆ 80 ರನ್‌ ಪೇರಿಸಿದರು. ಅನಿಕೇತ್‌ ವರ್ಮಾ ಕೂಡ 18 ಎಸೆತಗಳಲ್ಲಿ 4 ಸಿಕ್ಸರ್, 3 ಬೌಂಡರಿಗಳೊಂದಿಗೆ 43 ರನ್‌ ಸಿಡಿಸಿದರೆ, ಮತ್ತೊಬ್ಬ ಆಟಗಾರ ಹೆನ್ರಚ್‌ ಕ್ಲಾಸನ್‌ ಕೂಡ 31 ರನ್‌ ಬಾರಿಸಿ ಹೈದರಾಬಾದ್‌ ತಂಡ 200ರ ಗಡಿ ದಾಟಲು ನೆರವಾದರು.
ಆರ್‌ಸಿಬಿ ಪರ ಜೆಕಬ್‌ ಡಭಿ ತಮ್ಮ ಪದಾರ್ಪಣೆ ಪಂದ್ಯದಲ್ಲಿಯೇ 22/3 ವಿಕೆಟ್ ಕಿತ್ತು ಉತ್ತಮ ಬೌಲಿಂಗ್‌ ನಡೆಸಿದರೆ,ರೊಮಾರಿಯೊ ಶಪರ್ಡ್‌ 54/3 ಹಾಗೂ ಅಭಿನಂದನ್‌ ಸಿಂಗ್‌, ಭುವನೇಶ್ವರ್ ಕುಮಾರ್ ತಲಾ ಒಂದೊಂದು ವಿಕೆಟ್ ಕಬಳಿಸಿ ಎದುರಾಳಿ ತಂಡವನ್ನು ಕಟ್ಟಿ ಹಾಕಿದರು.
