ಟ್ವಿಟರ್ ಸಂಸ್ಥೆಯ ಮಾಲೀಕ ಎಲಾನ್ ಮಸ್ಕ್ ಆ್ಯಪ್ ಲೋಗೋ ಹಾಗೂ ಬ್ರಾಂಡ್ ಸ್ವರೂಪವನ್ನು ಬದಲಾಯಿಸಿದ್ದು, ಹೊಸ ಲೋಗೋ ನೋಡಿ ನೆಟ್ಟಿಗರು ಶಾಕ್ ಆಗಿದ್ದಾರೆ.
ಟ್ವಿಟರ್‍‌ನಲ್ಲಿ ‘ಬ್ಲ್ಯೂ ಟಿಕ್’ ಪಡೆಯಲು ಹಣ ಪಾವತಿಸುವಂತೆ ಹೇಳಿ ಬಳಕೆದಾರರಿಗೆ ಶಾಕ್ ನೀಡಿದ್ದ ಟೆಕ್ ಬಿಲಿಯನೇರ್ ಎಲಾನ್ ಮಸ್ಕ್ ಅವರು, ಇದೀಗ ಹೊಸ ಲೋಗೋ ರಚಿಸಿ, ಮತ್ತೊಂದು ಶಾಕ್ ನೀಡಿದ್ದಾರೆ.
“ಶೀಘ್ರದಲ್ಲಿಯೇ ಟ್ವಿಟ್ಟರ್ ಬ್ರ್ಯಾಂಡ್‌ಗೆ ಮತ್ತು ಎಲ್ಲಾ ಹಕ್ಕಿಗಳಿಗೆ ಕ್ರಮೇಣವಾಗಿ ನಾವು ವಿದಾಯ ಹೇಳಬೇಕಿದೆ” ಎಂದು ಎಲಾನ್ ಮಸ್ಕ್ ಟ್ವೀಟ್ ಮಾಡಿ ತಿಳಿಸಿದ್ದ ಬೆನ್ನಲ್ಲೇ ಲೋಗೋ ಹಾಗೂ ಬ್ರಾಂಡ್ ಹೆಸರು ಬದಲಾಯಿಸಿದ್ದಾರೆ.
ಹೊಸ ಲೋಗೋ, ಇಂಗ್ಲಿಷ್ ವರ್ಣ ಮಾಲೆಯ ‘X’ ಪದವನ್ನು ಬಳಸಿದ್ದಾರೆ. ಅಲ್ಲದೇ, ಟ್ವಿಟರ್ ಇನ್ನು ಮುಂದೆ ಟ್ವಿಟರ್ ಬದಲು ‘ಎಕ್ಸ್’ ಆಗಿರಲಿದೆ.
ಹೊಸ ಲೋಗೋವನ್ನು ಟ್ವಿಟರ್ ಕೇಂದ್ರ ಕಚೇರಿಯಲ್ಲಿ ಬಳಸಿರುವ ಫೋಟೋವನ್ನು ಎಲಾನ್ ಮಸ್ಕ್ ಹಂಚಿಕೊಂಡಿದ್ದಾರೆ.
ಹೊಸ ಲೋಗೋವನ್ನು ಕಂಡು ನೆಟ್ಟಿಗರು ತರಹೇವಾರಿ ಕಮೆಂಟ್ ಮಾಡುತ್ತಿದ್ದು, ದಯವಿಟ್ಟು ಇನ್ನು ಮುಂದೆ ಟ್ವಿಟರ್‍‌ನಲ್ಲಿ ವಿಡಿಯೋ ಅಪ್ಲೋಡ್ ಮಾಡಬೇಡಿ. ಅದು ಅಶ್ಲೀಲ ವಿಡಿಯೋಗಳ ‘ಎಕ್ಸ್ ವಿಡಿಯೋಸ್’ ಆಗಬಹುದು ಎಂದು ವ್ಯಂಗ್ಯವಾಡಿದ್ದಾರೆ.
