ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರ ಬಗ್ಗೆ ಬಿಜೆಪಿ ಹಿರಿಯ ನಾಯಕ ಹಾಗೂ ಹಾಲಿ ಸಂಸದರೊಬ್ಬರು ನೀಡಿದ ವಿವಾದಾತ್ಮಕ ಹೇಳಿಕೆ ಆಕ್ರೋಶಕ್ಕೆ ಕಾರಣವಾಗಿದೆ.
ಬಿಜೆಪಿ ನಾಯಕನ ಹೇಳಿಕೆಯನ್ನು ಖಂಡಿಸಿರುವ ಟಿಎಂಸಿ, ಬಿಜೆಪಿ ನಾಯಕನ ಮಾತುಗಳು ಕೇಸರಿ ಪಡೆಯ ಡಿಎನ್‌ಎಯನ್ನು ಪ್ರತಿಬಿಂಬಿಸುತ್ತವೆ ಎಂದು ಟೀಕಿಸಿದ್ದಾರೆ.
ವೈರಲ್‌ ಆಗಿರುವ ವಿಡಿಯೋದಲ್ಲಿ ಮಾತನಾಡಿರುವ ಬಿಜೆಪಿ ಸಂಸದ ದಿಲೀಪ್ ಘೋಷ್, “ದೀದಿ ಗೋವಾಕ್ಕೆ ಹೋದರೂ ತಾನು ಗೋವಾದ ಮಗಳು ಎನ್ನುತ್ತಾರೆ, ತ್ರಿಪುರಾಗೆ ಹೋದರೂ ತಾನು ತ್ರಿಪುರಾದ ಪುತ್ರಿ ಎನ್ನುತ್ತಾರೆ. ಅವರು ಮೊದಲು ತನ್ನ ಸ್ವಂತ ತಂದೆಯನ್ನು ಪತ್ತೆಹಚ್ಚಲಿ ಎಂದು ಹೇಳಿದ್ದರು.
ಆದಾಗ್ಯೂ ವೈರಲ್‌ ಆಗಿರುವ ವಿಡಿಯೋದ ಸತ್ಯಾಸತ್ಯತೆಯನ್ನು ಪರಿಶೀಲಿಸಲು ಸಾಧ್ಯವಾಗಿಲ್ಲ ಎಂದು ಮಾಧ್ಯಮಗಳು ವರದಿ ಮಾಡಿವೆ.
ಪಶ್ಚಿಮ ಬಂಗಾಳ ಬಿಜೆಪಿ ಘಟಕದ ಮಾಜಿ ಅಧ್ಯಕ್ಷರಾದ ದಿಲೀಪ್ ಘೋಷ್ ಬರ್ದಮಾನ್-ದುರ್ಗಾಪುರ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸುತ್ತಿದ್ದು, ತಾವು ಪ್ರಚಾರ ಮಾಡುವ ಸಂದರ್ಭದಲ್ಲಿ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ ಎನ್ನಲಾಗಿದೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಅಡಿಕೆ ಕದ್ದ ಕಳ್ಳ ಜೈಲಿಗೆ, ಆನೆ ಕದ್ದ ಕಳ್ಳ ಎಲ್ಲಿಗೆ?
ಬಿಜೆಪಿ ನಾಯಕನ ಹೇಳಿಕೆಯ ಬಗ್ಗೆ ಚುನಾವಣಾ ಆಯೋಗಕ್ಕೆ ಟಿಎಂಸಿ ದೂರು ನೀಡಿದ್ದು, ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದೆ.
ಪಶ್ಚಿಮ ಬಂಗಾಳದ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಅಭಿವೃದ್ದಿ ಸಚಿವೆ ಶಶಿ ಪಾಂಜಾ ಅವರು ಕೇಸರಿ ಪಡೆಯ ಪ್ರತಿರೂಪವಾಗಿರುವ ಇಂತಹ ಹೇಳಿಕೆಗಳನ್ನು ನೀಡಿರುವ ದಿಲೀಪ್ ಘೋಷ್ ಅವರು ಕ್ಷಮೆ ಕೇಳಬೇಕು. ಇದು ಸ್ತ್ರೀದ್ವೇಷದ ಮನಸ್ಥಿತಿಯನ್ನು ತೋರಿಸುತ್ತದೆ. ಈ ಬಗ್ಗೆ ಚುನಾವಣಾ ಆಯೋಗ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು.
ಬಿಜೆಪಿ ನಾಯಕತ್ವಕ್ಕೆ ದಿಲೀಪ್ ಘೋಷ್ ನಾಚಿಕೆಗೇಡಿನ ವ್ಯಕ್ತಿ. ಅವರು ದುರ್ಗಾ ಮಾತೆಯ ವಂಶಾವಳಿಯಿಂದ ಮಮತಾ ಬ್ಯಾನರ್ಜಿಯವರ ಪೂರ್ವಜರ ಬಗ್ಗೆ ಪ್ರಶ್ನೆ ಮಾಡುತ್ತಾರೆ. ಮಮತಾ ಅವರನ್ನು ನಿಂದಿಸಿರುವುದು ವ್ಯಕ್ತಿಯ ನೈತಿಕ ದಿವಾಳಿಯನ್ನು ತೋರಿಸುತ್ತದೆ ಎಂದು ಶಶಿ ಪಾಂಜಾ ಹೇಳಿದ್ದಾರೆ.
#WATCH | Durgapur, West Bengal | BJP MP Dilip Ghosh says, "…When Didi (CM Mamata Banerjee) goes to Goa, she calls herself daughter of Goa. When she goes to Tripura, she says that she is the daughter of Tripura. She should first identify her own father…" pic.twitter.com/rGMDKjQd1T
— ANI (@ANI) March 26, 2024
