ಪ್ಯಾರಿಸ್ ಒಲಿಂಪಿಕ್ಸ್‌ನಲ್ಲಿ ಮೊದಲ ಚಿನ್ನದ ಪದಕವನ್ನು ಶನಿವಾರ ಚೀನಾ ತನ್ನದಾಗಿಸಿಕೊಂಡಿದೆ. ಮಿಶ್ರ-ತಂಡದ 10-ಮೀಟರ್ ‘ಏರ್ ರೈಫಲ್‌’ ಕ್ರೀಡೆಯಲ್ಲಿ ಚೀನಾ ತಂಡ ಗೆಲುವು ಸಾಧಿಸಿದೆ.
‘ಏರ್ ರೈಫಲ್‌’ ಕ್ರೀಡೆಯ ಫೈನಲ್‌ನಲ್ಲಿ ಚೀನಾದ ಶೆಂಗ್ ಲಿಹಾವೊ ಮತ್ತು ಹುವಾಂಗ್ ಯುಟಿಂಗ್ ಜೋಡಿ ದಕ್ಷಿಣ ಕೊರಿಯಾದ ಕೆಯುಮ್ ಜಿ-ಹೈಯಾನ್ ಮತ್ತು ಪಾರ್ಕ್ ಹಾ-ಜುನ್ ಜೋಡಿಯನ್ನು 16-12 ಅಂಕಗಳೊಂದಿಗೆ ಸೋಲಿಸಿದೆ. ಆ ಮೂಲಕ ಚೀನಾ ಚಿನ್ನ ಗೆದ್ದರೆ, ದಕ್ಷಿಣ ಕೊರಿಯಾ ಬೆಳ್ಳಿಗೆ ತೃಪ್ತಿಪಟ್ಟುಕೊಂಡಿದೆ. ಕಜಕಿಸ್ತಾನ್ ತಂಡ ಕಂಚು ಗೆದ್ದುಕೊಂಡಿದೆ.
First gold medal of the #Paris2024 Games 🥇
China takes the Gold in the 10m Air Rifle Mixed Team event. To be honest, we’re a bit emotional 🥹
–
Première médaille d’or des Jeux de Paris 2024 🥇
La Chine remporte l’or dans l’épreuve de tir à la carabine à air comprimé 10m par… pic.twitter.com/HbyMl4KNVN— Paris 2024 (@Paris2024) July 27, 2024
ಪ್ಯಾರಿಸ್‌ನ ಸೆನ್ ಸದಿ ತೀರದಲ್ಲಿ ಒಲಿಂಪಿಕ್ಸ್‌ಗೆ ಶುಕ್ರವಾರ ಚಾಲನೆ ನೀಡಲಾಗಿದೆ. ಇದೇ ವೇಳೆ ಮಳೆಯೂ ಸುರಿಯುತ್ತಿರುವುದರಿಂದ ಹಲವಾರು ಹೊರಾಂಗಣ ಕ್ರೀಡೆಗಳಿಗೆ ಅಡಚಣೆ ಉಂಟಾಗಿದೆ.
ಶನಿವಾರ ರಾತ್ರಿ ನಡೆಯಬೇಕಿದ್ದ ಪುರುಷರ ಸ್ಟ್ರೀಟ್ ಸ್ಕೇಟ್‌ಬೋರ್ಡಿಂಗ್ ಸ್ಪರ್ಧೆಯನ್ನು ಮಳೆ ಕಾರಣದಿಂದಾಗಿ ಸೋಮವಾರಕ್ಕೆ ಮುಂದೂಡಲಾಗಿದೆ.
